उपचक्राम तत्पुण्यं ससरो रघुनंदनः । अथ तस्मिन्वनोद्देशे रम्ये पादपशोभिते
नदीपुण्ये गिरिवरे कोकिलाशतमंडिते । नानापक्षिरवोद्याने नानामृगसमाकुले
सिंहव्याघ्रसमाकीर्णे नानाद्विजसमावृते । गृध्रोलूकौ प्रवसितौ बहून्वर्षगणानपि
अथोलूकस्य भवनं गृध्रः पापविनिश्चयः । ममेदमिति कृत्वासौ कलहं तेन चाकरोत्
राजा सर्वस्य लोकस्य रामो राजीवलोचनः । तं प्रपद्यावहै शीघ्रं कस्यैतद्भवनं भवेत्
गृध्रोलूकौ प्रपद्येतां जातकोपावमर्षिणौ । रामं प्रपद्य तौ शीघ्रं कलिव्याकुलचेतसौ
तौ परस्परविद्वेषौ स्पृशतश्चरणौ तथा । अथ दृष्ट्वा राघवेंद्रं गृध्रो वचनमब्रवीत्
सुराणामसुराणां च त्वं प्रधानो मतो मम । बृहस्पतेश्च शुक्राच्च त्वं विशिष्टो महामतिः
परावरज्ञो भूतानां मर्त्ये शक्र इवापरः । दुर्निरीक्षो यथा सूर्यो हिमवानिव गौरवे
सागरश्चासि गांभीर्ये लोकपालो यमो ह्यसि । क्षांत्या धरण्या तुल्योऽसि शीघ्रत्वे ह्यनिलोपमः
गुरुस्त्वं सर्वसंपन्नो विष्णुरूपोऽसि राघव । अमर्षी दुर्जयो जेता सर्वास्त्रविधिपारगः
शृणु त्वं मम देवेश विज्ञाप्यं नरपुंगव । ममालयं पूर्वकृतं बाहुवीर्येण वै प्रभो
उलूको हरते राजंस्त्वत्समीपे विशेषतः । ईदृशोऽयं दुराचारस्त्वदाज्ञालंघको नृप
प्राणांतिकेन दंडेन रामशासितुमर्हसि । एवमुक्ते तु गृध्रेण उलूको वाक्यमब्रवीत्
शृणु देव मम ज्ञाप्यमेकचित्तो नराधिप । सोमाच्छक्राच्च सूर्याच्च धनदाच्च यमात्तथा
जायते वै नृपो राम किंचिद्भवति मानुषः । त्वं तु सर्वमयो देवो नारायणपरायणः
प्रोच्यसे सोमता राजन्सम्यक्कार्ये विचारिते । सम्यग्रक्षसि तापेभ्यस्तमोघ्नो हि यतो भवान्
दोषे दंडात्प्रजानां त्वं यतः पापभयापहः । दाता प्रहर्ता गोप्ता च तेनेंद्र इव नो भवान्
अधृष्यः सर्वभूतेषु तेजसा चानलो मतः । अभीक्ष्णं तपसे पापांस्तेन त्वं राम भास्करः
साक्षाद्वित्तेशतुल्यस्त्वमथवाधनदाधिकः । चित्तायत्ता तु पत्नी श्रीर्नित्यं ते राजसतम
धनदस्य तु कोशेन धनदस्तेन वै भवान् । समः सर्वेषु भूतेषु स्थावरेषु चरेषु च
शत्रौ मित्रे च ते दृष्टिः समंताद्याति राघव । धर्मेण शासनं नित्यं व्यवहारविधिक्रमैः
यस्य रुष्यसि वै राम मृत्युस्तस्याभिधीयते । गीयसे तेन वै राजन्यम इत्यभिविश्रुतः
यश्चासौ मानुषो भावो भवतो नृपसत्तम । आनृशंस्यपरो राजा सर्वेषु कृपयान्वितः
दुर्बलस्य त्वनाथस्य राजा भवति वै बलम् । अचक्षुषो भवेच्चक्षुरमतेषु मतिर्भवेत्
अस्माकमपि नाथस्त्वं श्रूयतां मम धार्मिक । भवता तत्र मंतव्यं यथैते किलपक्षिणः
योऽस्मन्नाथः स पक्षींद्रो भवतो विनियोज्यकः । अस्वाम्यं देव नास्माकं सन्निधौ भवतः प्रभो
भवतैव कृतं पूर्वं भूतग्रामं चतुर्विधम् । ममालयप्रविष्टस्तु गृध्रो मां बाधते नृप
भवान्देव मनुष्येषु शास्ता वै नरपुंगव । एतच्छुत्वा तु वै रामः सचिवानाह्वयत्स्वयम्
विष्टिर्जयंतो विजयः सिद्धार्थो राष्ट्रवर्धनः । अशोको धर्मपालश्च सुमंत्रश्च महाबलः
एते रामस्य सचिवा राज्ञो दशरथस्य च । नीतियुक्ता महात्मानः सर्वशास्त्रविशारदाः
सुशांताश्च कुलीनाश्च नये मन्त्रे च कोविदाः । तानाहूय स धर्मात्मा पुष्पकादवरूह्य च
गृध्रोलूकौ विवदंतौ पृच्छतिस्म रघूत्तमः । कतिवर्षाणि भो गृध्र तवेदं निलयं कृतम्
एतन्मे कौतुकं ब्रूहि यदि जानासि तत्त्वतः । एतच्छ्रुत्वा वचो गृध्रो बभाषे राघवं स्थितम्
इयं वसुमती राम मानुषैर्बहुबाहुभिः । उच्छ्रितैराचिता सर्वा तदाप्रभृति मद्गृहम्
उलूकस्त्वब्रवीद्रामं पादपै रूपशोभिता । यदैव पृथिवी राजंस्तदा प्रभृति मे गृहम्
एतच्छ्रुत्वा तु रामो वै सभासद उवाच ह । न सा सभा यत्र न संति वृद्धा वृद्धा न ते ये न वदंति धर्मम्
नासौ धर्मो यत्र न चास्ति सत्यं न तत्सत्यं यच्छलमभ्युपैति । ये तु सभ्याः सभां गत्वा तूष्णीं ध्यायंत आसते
यथाप्राप्तं न ब्रुवते सर्वे तेऽनृतवादिनः । न वक्ति च श्रुतं यश्च कामात्क्रोधात्तथा भयात्
सहस्रं वारुणाः पाशाः प्रतिमुंचंति तं नरम् । तेषां संवत्सरे पूर्णे पाश एकः प्रमुच्यते
तस्मात्सत्यं तु वक्तव्यं जानता सत्यमंजसा । एतच्छ्रुत्वा तु सचिवा राममेवाब्रुवंस्तदा
उलूकः शोभते राजन्न तु गृध्रो महामते । त्वं प्रमाणं महाराज राजा हि परमा गतिः
राजमूलाः प्रजाः सर्वा राजा धर्मः सनातनः । शास्ता राजा नृणां येषां न ते गच्छंति दुर्गतिम्
वैवस्वतेन मुक्ताश्च भवंति पुरुषोत्तमाः । सचिवानां वचः श्रुत्वा रामो वचनमब्रवीत्
upacakrāma tatpuṇyaṃ sasaro raghunaṃdanaḥ | atha tasminvanoddeśe ramye pādapaśobhite
nadīpuṇye girivare kokilāśatamaṃḍite | nānāpakṣiravodyāne nānāmṛgasamākule
siṃhavyāghrasamākīrṇe nānādvijasamāvṛte | gṛdhrolūkau pravasitau bahūnvarṣagaṇānapi
atholūkasya bhavanaṃ gṛdhraḥ pāpaviniścayaḥ | mamedamiti kṛtvāsau kalahaṃ tena cākarot
rājā sarvasya lokasya rāmo rājīvalocanaḥ | taṃ prapadyāvahai śīghraṃ kasyaitadbhavanaṃ bhavet
gṛdhrolūkau prapadyetāṃ jātakopāvamarṣiṇau | rāmaṃ prapadya tau śīghraṃ kalivyākulacetasau
tau parasparavidveṣau spṛśataścaraṇau tathā | atha dṛṣṭvā rāghaveṃdraṃ gṛdhro vacanamabravīt
surāṇāmasurāṇāṃ ca tvaṃ pradhāno mato mama | bṛhaspateśca śukrācca tvaṃ viśiṣṭo mahāmatiḥ
parāvarajño bhūtānāṃ martye śakra ivāparaḥ | durnirīkṣo yathā sūryo himavāniva gaurave
sāgaraścāsi gāṃbhīrye lokapālo yamo hyasi | kṣāṃtyā dharaṇyā tulyo'si śīghratve hyanilopamaḥ
gurustvaṃ sarvasaṃpanno viṣṇurūpo'si rāghava | amarṣī durjayo jetā sarvāstravidhipāragaḥ
śṛṇu tvaṃ mama deveśa vijñāpyaṃ narapuṃgava | mamālayaṃ pūrvakṛtaṃ bāhuvīryeṇa vai prabho
ulūko harate rājaṃstvatsamīpe viśeṣataḥ | īdṛśo'yaṃ durācārastvadājñālaṃghako nṛpa
prāṇāṃtikena daṃḍena rāmaśāsitumarhasi | evamukte tu gṛdhreṇa ulūko vākyamabravīt
śṛṇu deva mama jñāpyamekacitto narādhipa | somācchakrācca sūryācca dhanadācca yamāttathā
jāyate vai nṛpo rāma kiṃcidbhavati mānuṣaḥ | tvaṃ tu sarvamayo devo nārāyaṇaparāyaṇaḥ
procyase somatā rājansamyakkārye vicārite | samyagrakṣasi tāpebhyastamoghno hi yato bhavān
doṣe daṃḍātprajānāṃ tvaṃ yataḥ pāpabhayāpahaḥ | dātā prahartā goptā ca teneṃdra iva no bhavān
adhṛṣyaḥ sarvabhūteṣu tejasā cānalo mataḥ | abhīkṣṇaṃ tapase pāpāṃstena tvaṃ rāma bhāskaraḥ
sākṣādvitteśatulyastvamathavādhanadādhikaḥ | cittāyattā tu patnī śrīrnityaṃ te rājasatama
dhanadasya tu kośena dhanadastena vai bhavān | samaḥ sarveṣu bhūteṣu sthāvareṣu careṣu ca
śatrau mitre ca te dṛṣṭiḥ samaṃtādyāti rāghava | dharmeṇa śāsanaṃ nityaṃ vyavahāravidhikramaiḥ
yasya ruṣyasi vai rāma mṛtyustasyābhidhīyate | gīyase tena vai rājanyama ityabhiviśrutaḥ
yaścāsau mānuṣo bhāvo bhavato nṛpasattama | ānṛśaṃsyaparo rājā sarveṣu kṛpayānvitaḥ
durbalasya tvanāthasya rājā bhavati vai balam | acakṣuṣo bhaveccakṣuramateṣu matirbhavet
asmākamapi nāthastvaṃ śrūyatāṃ mama dhārmika | bhavatā tatra maṃtavyaṃ yathaite kilapakṣiṇaḥ
yo'smannāthaḥ sa pakṣīṃdro bhavato viniyojyakaḥ | asvāmyaṃ deva nāsmākaṃ sannidhau bhavataḥ prabho
bhavataiva kṛtaṃ pūrvaṃ bhūtagrāmaṃ caturvidham | mamālayapraviṣṭastu gṛdhro māṃ bādhate nṛpa
bhavāndeva manuṣyeṣu śāstā vai narapuṃgava | etacchutvā tu vai rāmaḥ sacivānāhvayatsvayam
viṣṭirjayaṃto vijayaḥ siddhārtho rāṣṭravardhanaḥ | aśoko dharmapālaśca sumaṃtraśca mahābalaḥ
ete rāmasya sacivā rājño daśarathasya ca | nītiyuktā mahātmānaḥ sarvaśāstraviśāradāḥ
suśāṃtāśca kulīnāśca naye mantre ca kovidāḥ | tānāhūya sa dharmātmā puṣpakādavarūhya ca
gṛdhrolūkau vivadaṃtau pṛcchatisma raghūttamaḥ | kativarṣāṇi bho gṛdhra tavedaṃ nilayaṃ kṛtam
etanme kautukaṃ brūhi yadi jānāsi tattvataḥ | etacchrutvā vaco gṛdhro babhāṣe rāghavaṃ sthitam
iyaṃ vasumatī rāma mānuṣairbahubāhubhiḥ | ucchritairācitā sarvā tadāprabhṛti madgṛham
ulūkastvabravīdrāmaṃ pādapai rūpaśobhitā | yadaiva pṛthivī rājaṃstadā prabhṛti me gṛham
etacchrutvā tu rāmo vai sabhāsada uvāca ha | na sā sabhā yatra na saṃti vṛddhā vṛddhā na te ye na vadaṃti dharmam
nāsau dharmo yatra na cāsti satyaṃ na tatsatyaṃ yacchalamabhyupaiti | ye tu sabhyāḥ sabhāṃ gatvā tūṣṇīṃ dhyāyaṃta āsate
yathāprāptaṃ na bruvate sarve te'nṛtavādinaḥ | na vakti ca śrutaṃ yaśca kāmātkrodhāttathā bhayāt
sahasraṃ vāruṇāḥ pāśāḥ pratimuṃcaṃti taṃ naram | teṣāṃ saṃvatsare pūrṇe pāśa ekaḥ pramucyate
tasmātsatyaṃ tu vaktavyaṃ jānatā satyamaṃjasā | etacchrutvā tu sacivā rāmamevābruvaṃstadā
ulūkaḥ śobhate rājanna tu gṛdhro mahāmate | tvaṃ pramāṇaṃ mahārāja rājā hi paramā gatiḥ
rājamūlāḥ prajāḥ sarvā rājā dharmaḥ sanātanaḥ | śāstā rājā nṛṇāṃ yeṣāṃ na te gacchaṃti durgatim
vaivasvatena muktāśca bhavaṃti puruṣottamāḥ | sacivānāṃ vacaḥ śrutvā rāmo vacanamabravīt
…приступил к тому святому с озером, радость Рагху.
И вот в той отрадной лесной округе, украшенной деревьями, со святою рекою, на превосходной горе, убранной сотнями кукушек, в саду с криками разных птиц, полном разных зверей, полном львов и тигров, окружённом разными птицами, — коршун и сова обитали многие годы. И вот коршун с грешным умыслом, решив «жилище совы — моё», учинил с нею ссору: «Царь всего мира — лотосоокий Рама; прибегнем оба к нему скоро — чьё это жилище?»
Коршун и сова прибегли — разгневанные, нетерпимые; прибегнув скоро к Раме с умом, смятённым распрею, они, ненавидящие друг друга, так касаются стоп его. Затем, увидев владыку Рагхавов, коршун сказал слово: «У богов и у асуров ты сочтён мною главным; Брихаспати и Шукры превосходнее ты, великий разумом. Знающий высшее и низшее у существ, в смертном мире ты словно другой Шакра; трудный для взора, как солнце, в тяжести словно Химават; в глубине ты океан, ты и хранитель мира Яма; терпением равен ты земле, в быстроте подобен ветру. Ты наставник, всем исполненный, ты в образе Вишну, о Рагхава, — непримиримый, неодолимый победитель, прошедший до конца устав всех оружий. Слушай моё прошение, о владыка богов, о бык средь людей: жилище моё, прежде устроенное силою рук, о владыка, отнимает сова, о царь, и особенно близ тебя. Таков этот, дурного поведения, преступающий твой указ, о царь; смертным наказанием, о Рама, благоволи покарать».
Когда так сказано было коршуном, сова сказала слово: «Слушай моё прошение, о боже, с сосредоточенным умом, о владыка людей. От Сомы, от Шакры, от Солнца, от Подателя богатств и от Ямы рождается царь, о Рама, и лишь отчасти бывает человеком; ты же — всесущий бог, имеющий Нараяну высшим прибежищем. Лунностью зовёшься ты, о царь, когда дело рассмотрено как должно; как должно охраняешь ты от мучений, ибо ты губитель тьмы. Так как при пороке подданных ты наказанием отводишь страх греха, — дающий, карающий и хранящий, — потому ты нам словно Индра. Неодолимый среди всех существ, жаром ты сочтён и огнём; непрестанно жжёшь ты грешников, потому ты, о Рама, Солнце. Воочию равен ты Владыке богатств или даже превосходишь Подателя богатств: супруга Шри всегда подвластна сердцу твоему, о достойнейший из царей; сокровищницею Подателя богатств ты и есть Податель богатств. Равный ко всем существам, недвижным и движущимся, взгляд твой равно идёт и на врага, и на друга, о Рагхава; правление всегда по дхарме, по уставам и порядкам судопроизводства. На кого гневаешься ты, о Рама, тому зовёшься смертью, и потому воспеваешься ты, о царь, прославленный как Яма. А какое у тебя человеческое состояние, о достойнейший из царей, — царь, высший в незлобии, наделённый состраданием ко всем: у слабого и беззащитного царь бывает силою, у безглазого бывает оком, у неразумных бывает разумом.
И нам ты владыка; да будет услышано моё, о праведный. Тобою должно быть там обдумано, как эти птицы: кто наш владыка, тот царь птиц — твой подначальный; безвластия, о боже, у нас нет в твоём присутствии, о владыка. Тобою же прежде сотворён четверовидный сонм существ; а коршун, войдя в моё жилище, теснит меня, о царь. Ты, о боже, каратель среди людей, о бык средь людей».
Услышав это, Рама сам созвал советников: Вишти, Джаянта, Виджая, Сиддхартха, Раштравардхана, Ашока, Дхармапала и многомощный Сумантра — эти советники Рамы и царя Дашаратхи, сведущие в политике, великие душою, искусные во всех шастрах, весьма спокойные, благородные, умудрённые в управлении и совете. Созвав их, праведный душою, сойдя с Пушпаки, лучший из Рагху спрашивает спорящих коршуна и сову: «Сколько лет, о коршун, устроено это твоё жилище? Скажи мне это, любопытствующему, если знаешь по истине». Услышав это слово, коршун сказал стоящему Рагхаве: «С той поры, о Рама, как эта земля вся наполнена людьми, многорукими и высокими, — с той поры моё жилище». Сова же сказала Раме: «С той поры, как земля украшена деревьями, о царь, — с той поры моё жилище».
Услышав это, Рама сказал сидящим в собрании: «Не то собрание, где нет старших; и не старшие те, которые не говорят дхармы. Не дхарма то, где нет истины; и не истина то, что принимает обман. А которые члены собрания, придя в собрание, сидят молча, размышляя, и не говорят, как оно есть, — все они лжецы. И кто не говорит услышанного из вожделения, из гнева или из страха, — тысяча Варуновых пут связывает того человека, и из них по исполнении года развязывается одно путо. Потому знающий истину должен сказать её прямо».
Услышав это, советники сказали тогда Раме: «Права сова, о царь, а не коршун, о великий разумом; ты мерило, о великий царь, ибо царь — высший путь. Все подданные имеют корнем царя; царь — предвечная дхарма. У кого царь каратель людей, те не идут в злую участь и, отпущенные Вайвасватой, бывают лучшими из людей». Услышав слово советников, Рама сказал слово:
8dad4e03f107 · опубликовано 3 сент. 2026 г., 04:13:28 UTC
Доступно наRUЛистайте стихи клавишами
Спор о доме решается вопросом о времени: сова говорит — с тех пор, как земля покрылась деревьями; коршун — с тех пор, как земля наполнилась людьми. Деревья старше людей, и этим тяжба кончена. Судят не по силе притязания, а по тому, кто пришёл раньше.
Но сердцевина здесь — сказанное Рамою о собрании, и это стоит помнить всякому, кто когда-либо молчал на совете: «не то собрание, где нет старших; и не старшие те, которые не говорят дхармы… а которые сидят молча — все они лжецы». Молчание из страха приравнено ко лжи, и путы развязываются по одному в год.
Речь совы — целая наука о царе: он и Сома, и Индра, и Солнце, и Кубера, и Яма. Но заканчивается перечень тем, что не входит в божественные доли, — «у слабого и беззащитного царь бывает силою, у безглазого оком, у неразумных разумом». Это и названо в тексте его «человеческим состоянием», и оно поставлено выше всего перечисленного.