तीर्थं तत्सन्निधौ पुण्यमसिकुण्डाख्यमुत्तमम् । कृष्णगङ्गाध्रुवाक्रूरकेशिकालीयतीर्थभृत्
यमुनास्ति महापुण्या यत्र सर्वार्थदायिनी । उभयोः कूलयोस्तस्या वनानि द्वादश श्रिया
राजमानानि खेचर्यः समस्तार्थकराणि च । सन्ति तेषु नरः स्नात्वा पीत्वा भूयो न जायते
ततोऽहमागमं पुण्यं हस्तिनापुरमुत्तमम् । यत्र श्रीपतिपादाब्जजाता गङ्गा सरिद्वरा
ततो नारायणस्थानं हिमवद्भूमिसंस्थितम् । आगत्य माधवं दृष्ट्वा केदारमहमागमम्
तत्र सम्पूज्य विश्वेशं पीत्वाहं सोदकं पुनः । हरिद्वारं महापुण्यमागमं जाह्नवीतटे
तत्र स्नात्वा पितॄन्देवानृषीन्सन्तर्प्य चाप्यहम् । समागतः कुरुक्षेत्रे यत्र प्राची सरस्वती
तत्राप्यहं क्रियाः सर्वाः कृतवान्नियतेन्द्रियः । अर्चयित्वा च पादाब्जं श्रीपतेः पुष्करं प्रति
चलितो मार्गमध्ये तु विमलो नाम मे सखा । मिलितो मां व्रजन्गेहमिन्द्रप्रस्थात्तु तीर्थतः
नीतोऽहं तेन राक्षस्यः पुनस्तत्र द्विजन्मना । तीर्थोत्तमे परावृत्त्य शक्रप्रस्थेऽखिलार्थदे
tīrthaṃ tatsannidhau puṇyamasikuṇḍākhyamuttamam | kṛṣṇagaṅgādhruvākrūrakeśikālīyatīrthabhṛt
yamunāsti mahāpuṇyā yatra sarvārthadāyinī | ubhayoḥ kūlayostasyā vanāni dvādaśa śriyā
rājamānāni khecaryaḥ samastārthakarāṇi ca | santi teṣu naraḥ snātvā pītvā bhūyo na jāyate
tato'hamāgamaṃ puṇyaṃ hastināpuramuttamam | yatra śrīpatipādābjajātā gaṅgā saridvarā
tato nārāyaṇasthānaṃ himavadbhūmisaṃsthitam | āgatya mādhavaṃ dṛṣṭvā kedāramahamāgamam
tatra sampūjya viśveśaṃ pītvāhaṃ sodakaṃ punaḥ | haridvāraṃ mahāpuṇyamāgamaṃ jāhnavītaṭe
tatra snātvā pitṝndevānṛṣīnsantarpya cāpyaham | samāgataḥ kurukṣetre yatra prācī sarasvatī
tatrāpyahaṃ kriyāḥ sarvāḥ kṛtavānniyatendriyaḥ | arcayitvā ca pādābjaṃ śrīpateḥ puṣkaraṃ prati
calito mārgamadhye tu vimalo nāma me sakhā | milito māṃ vrajangehamindraprasthāttu tīrthataḥ
nīto'haṃ tena rākṣasyaḥ punastatra dvijanmanā | tīrthottame parāvṛttya śakraprasthe'khilārthade
и близ неё есть святая, превосходная тиртха, зовущаяся Асикунда, несущая в себе тиртхи Кришны, Ганги, Дхрувы, Акруры, Кеши и Калии. Там течёт весьма святая Ямуна, дающая все цели; на обоих берегах её — двенадцать лесов, сияющих красотою и исполняющих все цели, о летающие по небу. Кто в них омоется и напьётся, тот вновь не рождается. Затем я пришёл в святую, превосходную Хастинапуру, где течёт Ганга, лучшая из рек, рождённая из лотосных стоп владыки Шри. Затем — в место Нараяны, что в земле Химавата; придя и увидев Мадхаву, я пришёл в Кедару. Там, почтив Вишвешу и испив его воды, я затем пришёл в весьма святой Харидвар на берегу Джахнави. Омывшись там и насытив предков, богов и мудрецов, я пришёл в Курукшетру, где течёт восточная Сарасвати. И там, обуздав чувства, совершил я все обряды; почтив лотосные стопы владыки Шри, я двинулся к Пушкаре. И посреди пути мне встретился друг мой по имени Вимала, шедший домой из Индрапрастхи, из тиртхи; и им, о ракшасицы, я снова был отведён обратно, в лучшую из тиртх, в Шакрапрастху, дающую всё.
9afd5d319363 · опубликовано 3 сент. 2026 г., 04:14:05 UTC
Доступно наRUЛистайте стихи клавишами
Опись мест кончается там, где началась глава, — и оказывается, что весь долгий обход был лишь подступом. Решающим стало не паломничество, а случайная встреча с другом, который повернул его назад.