सुदीर्घस्य तु कालस्य राघवो ऽयं महाद्युतिः । विश्वामित्रेण सहितो यज्ञं द्रष्टुं समागतः ॥
लक्ष्मणेन सह भ्रात्रा रामः सत्यपराक्रमः । विश्वामित्रस् तु धर्मात्मा मम पित्रा सुपूजितः ॥
प्रोवाच पितरं तत्र राघवो रामलक्ष्मणौ । सुतौ दशरथस्येमौ धनुर्दर्शनकाङ्क्षिणौ । इत्य् उक्तस् तेन विप्रेण तद् धनुः समुपानयत् ॥
निमेषान्तरमात्रेण तद् आनम्य स वीर्यवान् । ज्यां समारोप्य झटिति पूरयाम् आस वीर्यवान् ॥
तेन पूरयता वेगान् मध्ये भग्नं द्विधा धनुः । तस्य शब्दो ऽभवद् भीमः पतितस्याशनेर् इव ॥
ततो ऽहं तत्र रामाय पित्रा सत्याभिसंधिना । उद्यता दातुम् उद्यम्य जलभाजनम् उत्तमम् ॥
दीयमानां न तु तदा प्रतिजग्राह राघवः । अविज्ञाय पितुश् छन्दम् अयोध्याधिपतेः प्रभोः ॥
ततः श्वशुरम् आमन्त्र्य वृद्धं दशरथं नृपम् । मम पित्रा अहं दत्ता रामाय विदितात्मने ॥
मम चैवानुजा साध्वी ऊर्मिला प्रियदर्शना । भार्यार्थे लक्ष्मणस्यापि दत्ता पित्रा मम स्वयम् ॥
एवं दत्तास्मि रामाय तदा तस्मिन् स्वयं वरे । अनुरक्ता च धर्मेण पतिं वीर्यवतां वरम् ॥
sudīrghasya tu kālasya rāghavo 'yaṃ mahādyutiḥ | viśvāmitreṇa sahito yajñaṃ draṣṭuṃ samāgataḥ ||
lakṣmaṇena saha bhrātrā rāmaḥ satyaparākramaḥ | viśvāmitras tu dharmātmā mama pitrā supūjitaḥ ||
provāca pitaraṃ tatra rāghavo rāmalakṣmaṇau | sutau daśarathasyemau dhanurdarśanakāṅkṣiṇau | ity uktas tena vipreṇa tad dhanuḥ samupānayat ||
nimeṣāntaramātreṇa tad ānamya sa vīryavān | jyāṃ samāropya jhaṭiti pūrayām āsa vīryavān ||
tena pūrayatā vegān madhye bhagnaṃ dvidhā dhanuḥ | tasya śabdo 'bhavad bhīmaḥ patitasyāśaner iva ||
tato 'haṃ tatra rāmāya pitrā satyābhisaṃdhinā | udyatā dātum udyamya jalabhājanam uttamam ||
dīyamānāṃ na tu tadā pratijagrāha rāghavaḥ | avijñāya pituś chandam ayodhyādhipateḥ prabhoḥ ||
tataḥ śvaśuram āmantrya vṛddhaṃ daśarathaṃ nṛpam | mama pitrā ahaṃ dattā rāmāya viditātmane ||
mama caivānujā sādhvī ūrmilā priyadarśanā | bhāryārthe lakṣmaṇasyāpi dattā pitrā mama svayam ||
evaṃ dattāsmi rāmāya tadā tasmin svayaṃ vare | anuraktā ca dharmeṇa patiṃ vīryavatāṃ varam ||
«Спустя долгое время этот великосияющий Рагхава пришёл вместе с Вишвамитрой посмотреть жертвоприношение. Рама, истинно доблестный, был со своим братом Лакшманой; праведный Вишвамитра был прекрасно принят моим отцом и сказал ему: “Эти двое, Рама и Лакшмана, сыновья Дашаратхи, хотят увидеть лук”. Когда брахман сказал это, отец велел принести тот лук. За одно мгновение могучий Рама согнул его, наложил тетиву и сразу натянул до предела. Когда доблестный Рама натягивал его с силой, лук переломился посередине надвое, и его страшный звук был подобен падению молнии. Тогда мой отец, верный истине, взял превосходный сосуд с водой и был готов отдать меня Раме. Но Рагхава не принял меня тогда, пока не узнал волю своего отца, владыки Айодхьи. Затем мой отец позвал почтенного царя Дашаратху, моего будущего свёкра, и я была отдана Раме, знающему себя. Моя добродетельная младшая сестра Урмила, прекрасная видом, также была лично отдана моим отцом Лакшмане в жёны. Так на той сваямваре я была отдана Раме и по дхарме привязалась к своему мужу, лучшему среди доблестных».
9dc27095e6ab · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Рама ломает лук легко, но не принимает Ситу без согласия отца. Его сила сразу соединена с послушанием и дхармой: брак становится не победой героя над соперниками, а праведным соединением, подтверждённым родителями и священным порядком.