आगच्छन्तं त्रिशिरसं राक्षसं प्रेक्ष्य राघवः । धनुषा प्रतिजग्राह विधुन्वन् सायकाञ् शितान् ॥
स संप्रहारस् तुमुलो राम त्रिशिरसोर् महान् । बभूवातीव बलिनोः सिंहकुञ्जरयोर् इव ॥
ततस् त्रिशिरसा बाणैर् ललाटे ताडितस् त्रिभिः । अमर्षी कुपितो रामः संरब्धम् इदम् अब्रवीत् ॥
अहो विक्रमशूरस्य राक्षसस्येदृशं बलम् । पुष्पैर् इव शरैर् यस्य ललाटे ऽस्मि परिक्षतः । ममापि प्रतिगृह्णीष्व शरांश् चापगुणच्युतान् ॥
एवम् उक्त्वा तु संरब्धः शरान् आशीविषोपमान् । त्रिशिरो वक्षसि क्रुद्धो निजघान चतुर्दश ॥
चतुर्भिस् तुरगान् अस्य शरैः संनतपर्वभिः । न्यपातयत तेजस्वी चतुरस् तस्य वाजिनः ॥
अष्टभिः सायकैः सूतं रथोपस्थे न्यपातयत् । रामश् चिच्छेद बाणेन ध्वजं चास्य समुच्छ्रितम् ॥
āgacchantaṃ triśirasaṃ rākṣasaṃ prekṣya rāghavaḥ | dhanuṣā pratijagrāha vidhunvan sāyakāñ śitān ||
sa saṃprahāras tumulo rāma triśirasor mahān | babhūvātīva balinoḥ siṃhakuñjarayor iva ||
tatas triśirasā bāṇair lalāṭe tāḍitas tribhiḥ | amarṣī kupito rāmaḥ saṃrabdham idam abravīt ||
aho vikramaśūrasya rākṣasasyedṛśaṃ balam | puṣpair iva śarair yasya lalāṭe 'smi parikṣataḥ | mamāpi pratigṛhṇīṣva śarāṃś cāpaguṇacyutān ||
evam uktvā tu saṃrabdhaḥ śarān āśīviṣopamān | triśiro vakṣasi kruddho nijaghāna caturdaśa ||
caturbhis turagān asya śaraiḥ saṃnataparvabhiḥ | nyapātayata tejasvī caturas tasya vājinaḥ ||
aṣṭabhiḥ sāyakaiḥ sūtaṃ rathopasthe nyapātayat | rāmaś ciccheda bāṇena dhvajaṃ cāsya samucchritam ||
Увидев приближающегося ракшаса Триширу, Рагхава встретил его луком, потрясая острыми стрелами. Великое и шумное сражение Рамы и Триширы стало похоже на битву льва со слоном, двух чрезвычайно сильных существ. Затем Тришира тремя стрелами ударил Раму в лоб. Нетерпящий оскорбления, разгневанный Рама в ярости сказал: «О, какова сила этого доблестного ракшаса! Его стрелами я словно цветами поцарапан в лоб. Теперь прими и мои стрелы, сорвавшиеся с тетивы». Сказав так, разгневанный Рама поразил Триширу в грудь четырнадцатью стрелами, подобными ядовитым змеям. Затем сияющий герой четырьмя стрелами поверг четырёх его коней, восемью стрелами сбросил возницу на сиденье колесницы, а ещё одной стрелой отсёк его высокое знамя.
07c8a603f3f4 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Ответ Рамы начинается с иронии: стрелы Триширы для него словно цветы. Но за этой лёгкостью следует безошибочная последовательность: грудь врага, кони, возница, знамя. Рама разбирает боевую силу противника по частям, не теряя ясности даже в гневе.