तच् छ्रुत्वा राक्षसेन्द्रस्य वाक्यं वाक्यविशारदः । प्रत्युवाच महाप्राज्ञो मारीचो राक्षसेश्वरम् ॥
सुलभाः पुरुषा राजन् सततं प्रियवादिनः । अप्रियस्य च पथ्यस्य वक्ता श्रोता च दुर्लभः ॥
न नूनं बुध्यसे रामं महावीर्यं गुणोन्नतम् । अयुक्तचारश् चपलो महेन्द्रवरुणोपमम् ॥
अपि स्वस्ति भवेत् तात सर्वेषां भुवि रक्षसाम् । अपि रामो न संक्रुद्धः कुर्याल् लोकम् अराक्षसं ॥
अपि ते जीवितान्ताय नोत्पन्ना जनकात्मजा । अपि सीता निमित्तं च न भवेद् व्यसनं महत् ॥
अपि त्वाम् ईश्वरं प्राप्य कामवृत्तं निरङ्कुशम् । न विनश्येत् पुरी लङ्का त्वया सह सराक्षसा ॥
त्वद्विधः कामवृत्तो हि दुःशीलः पापमन्त्रितः । आत्मानं स्वजनं राष्ट्रं स राजा हन्ति दुर्मतिः ॥
tac chrutvā rākṣasendrasya vākyaṃ vākyaviśāradaḥ | pratyuvāca mahāprājño mārīco rākṣaseśvaram ||
sulabhāḥ puruṣā rājan satataṃ priyavādinaḥ | apriyasya ca pathyasya vaktā śrotā ca durlabhaḥ ||
na nūnaṃ budhyase rāmaṃ mahāvīryaṃ guṇonnatam | ayuktacāraś capalo mahendravaruṇopamam ||
api svasti bhavet tāta sarveṣāṃ bhuvi rakṣasām | api rāmo na saṃkruddhaḥ kuryāl lokam arākṣasaṃ ||
api te jīvitāntāya notpannā janakātmajā | api sītā nimittaṃ ca na bhaved vyasanaṃ mahat ||
api tvām īśvaraṃ prāpya kāmavṛttaṃ niraṅkuśam | na vinaśyet purī laṅkā tvayā saha sarākṣasā ||
tvadvidhaḥ kāmavṛtto hi duḥśīlaḥ pāpamantritaḥ | ātmānaṃ svajanaṃ rāṣṭraṃ sa rājā hanti durmatiḥ ||
Услышав это слово царя ракшасов, великомудрый Марича, знаток речи, ответил владыке ракшасов: «О царь, люди, которые всегда говорят приятное, легко находятся; но редок тот, кто говорит неприятное, но полезное, и редок тот, кто способен это слушать. Ты, непостоянный и плохо осведомлённый, поистине не понимаешь Раму: он великой силы, возвышен качествами и подобен Махендре и Варуне. Пусть будет благо всем ракшасам на земле; лишь бы Рама не разгневался и не сделал мир свободным от ракшасов. Лишь бы дочь Джанаки не явилась причиной конца твоей жизни; лишь бы Сита не стала поводом для великой беды. Лишь бы город Ланка вместе с тобой и всеми ракшасами не погиб, получив владыкой тебя, движимого желанием и необузданного. Царь, подобный тебе, движимый желанием, дурного нрава и ведомый дурным советом, губит самого себя, своих людей и своё царство».
644817dfd022 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Марича начинает с правила настоящего совета: полезное слово часто неприятно. Его речь сразу снимает иллюзию Раваны — опасность не в Раме, а в желании самого Раваны, которое может сжечь и его, и Ланку.