एवं सीतावचः श्रुत्वा दृष्ट्वा च मृगम् अद्भुतम् । उवाच राघवो हृष्टो भ्रातरं लक्ष्मणं वचः ॥
पश्य लक्ष्मण वैदेह्याः स्पृहां मृगगताम् इमाम् । रूपश्रेष्ठतया ह्य् एष मृगो ऽद्य न भविष्यति ॥
न वने नन्दनोद्देशे न चैत्ररथसंश्रये । कुतः पृथिव्यां सौमित्रे यो ऽस्य कश् चित् समो मृगः ॥
प्रतिलोमानुलोमाश् च रुचिरा रोमराजयः । शोभन्ते मृगम् आश्रित्य चित्राः कनकबिन्दुभिः ॥
पश्यास्य जृम्भमाणस्य दीप्ताम् अग्निशिखोपमाम् । जिह्वां मुखान् निःसरन्तीं मेघाद् इव शतह्रदाम् ॥
मसारगल्वर्कमुखः शङ्खमुक्तानिभोदरः । कस्य नामानिरूप्यो ऽसौ न मनो लोभयेन् मृगः ॥
कस्य रूपम् इदं दृष्ट्वा जाम्बूनदमय प्रभम् । नानारत्नमयं दिव्यं न मनो विस्मयं व्रजेत् ॥
मांसहेतोर् अपि मृगान् विहारार्थं च धन्विनः । घ्नन्ति लक्ष्मण राजानो मृगयायां महावने ॥
धनानि व्यवसायेन विचीयन्ते महावने । धातवो विविधाश् चापि मणिरत्नसुवर्णिनः ॥
तत् सारम् अखिलं नॄणां धनं निचयवर्धनम् । मनसा चिन्तितं सर्वं यथा शुक्रस्य लक्ष्मण ॥
अर्थी येनार्थकृत्येन संव्रजत्य् अविचारयन् । तम् अर्थम् अर्थशास्त्रज्ञः प्राहुर् अर्थ्याश् च लक्ष्मण ॥
एतस्य मृगरत्नस्य परार्ध्ये काञ्चनत्वचि । उपवेक्ष्यति वैदेही मया सह सुमध्यमा ॥
न कादली न प्रियकी न प्रवेणी न चाविकी । भवेद् एतस्य सदृशी स्पर्शनेनेति मे मतिः ॥
एष चैव मृगः श्रीमान् यश् च दिव्यो नभश्चरः । उभाव् एतौ मृगौ दिव्यौ तारामृगमहीमृगौ ॥
यदि वायं तथा यन् मां भवेद् वदसि लक्ष्मण । मायैषा राक्षसस्येति कर्तव्यो ऽस्य वधो मया ॥
evaṃ sītāvacaḥ śrutvā dṛṣṭvā ca mṛgam adbhutam | uvāca rāghavo hṛṣṭo bhrātaraṃ lakṣmaṇaṃ vacaḥ ||
paśya lakṣmaṇa vaidehyāḥ spṛhāṃ mṛgagatām imām | rūpaśreṣṭhatayā hy eṣa mṛgo 'dya na bhaviṣyati ||
na vane nandanoddeśe na caitrarathasaṃśraye | kutaḥ pṛthivyāṃ saumitre yo 'sya kaś cit samo mṛgaḥ ||
pratilomānulomāś ca rucirā romarājayaḥ | śobhante mṛgam āśritya citrāḥ kanakabindubhiḥ ||
paśyāsya jṛmbhamāṇasya dīptām agniśikhopamām | jihvāṃ mukhān niḥsarantīṃ meghād iva śatahradām ||
masāragalvarkamukhaḥ śaṅkhamuktānibhodaraḥ | kasya nāmānirūpyo 'sau na mano lobhayen mṛgaḥ ||
kasya rūpam idaṃ dṛṣṭvā jāmbūnadamaya prabham | nānāratnamayaṃ divyaṃ na mano vismayaṃ vrajet ||
māṃsahetor api mṛgān vihārārthaṃ ca dhanvinaḥ | ghnanti lakṣmaṇa rājāno mṛgayāyāṃ mahāvane ||
dhanāni vyavasāyena vicīyante mahāvane | dhātavo vividhāś cāpi maṇiratnasuvarṇinaḥ ||
tat sāram akhilaṃ nṝṇāṃ dhanaṃ nicayavardhanam | manasā cintitaṃ sarvaṃ yathā śukrasya lakṣmaṇa ||
arthī yenārthakṛtyena saṃvrajaty avicārayan | tam artham arthaśāstrajñaḥ prāhur arthyāś ca lakṣmaṇa ||
etasya mṛgaratnasya parārdhye kāñcanatvaci | upavekṣyati vaidehī mayā saha sumadhyamā ||
na kādalī na priyakī na praveṇī na cāvikī | bhaved etasya sadṛśī sparśaneneti me matiḥ ||
eṣa caiva mṛgaḥ śrīmān yaś ca divyo nabhaścaraḥ | ubhāv etau mṛgau divyau tārāmṛgamahīmṛgau ||
yadi vāyaṃ tathā yan māṃ bhaved vadasi lakṣmaṇa | māyaiṣā rākṣasasyeti kartavyo 'sya vadho mayā ||
Услышав слова Ситы и увидев чудесного оленя, Рагхава обрадовался и сказал брату Лакшмане: «Посмотри, Лакшмана, как желание Вайдехи устремилось к этому оленю. Из-за превосходства его красоты сегодня он не может быть обычным зверем. Ни в лесу Нанданы, ни в Чайтраратхе, а тем более на земле, о Саумитри, не найдётся оленя, равного ему. Посмотри, как на нём сияют прекрасные ряды шерсти, ложащиеся и против, и по направлению волос, пёстрые золотыми точками. Посмотри, как из его пасти, когда он зевает, выходит сияющий язык, подобный языку огня, словно молния из тучи. Его лицо сияет камнями, живот подобен раковине и жемчугу; чей ум не соблазнит этот неописуемый олень? У кого, увидев этот божественный облик с сиянием золота джамбунада, словно сделанный из разных драгоценностей, ум не придёт в изумление? О Лакшмана, цари-лучники убивают оленей в великом лесу и ради мяса, и ради забавы охоты. В великом лесу усилием добывают богатства: разные руды, камни, драгоценности и золото. Всё, что человек мысленно считает целью и что увеличивает богатство, мудрые в науке пользы называют целью, к которой ищущий идёт без колебаний, как Шукра. На высочайшей золотой шкуре этого оленя-драгоценности тонкостаная Вайдехи будет сидеть вместе со мной. Ни кадали, ни прияки, ни правени, ни овечья шкура, думаю, не сравнится с этой на ощупь. Этот прекрасный олень и тот божественный небесный олень — оба чудесны: один среди звёзд, другой на земле. А если он таков, как ты говоришь, Лакшмана, и это майя ракшаса, то тем более я должен убить его».
67900b453ea3 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Рама принимает желание Ситы, но не забывает предупреждение Лакшманы: если олень настоящий, он принесёт радость; если это Марича, его нужно уничтожить. Так даже в момент очарования Рама сохраняет воинскую ясность и ответственность за опасность.