एवं ब्रुवाणं सौमित्रिं रामः संतापमोहितः । अब्रवीद् दुष्कृतं सौम्य तां विना यत् त्वम् आगतः ॥
जानन्न् अपि समर्थं मां रक्षसां विनिवारणे । अनेन क्रोधवाक्येन मैथिल्या निःसृतो भवान् ॥
न हि ते परितुष्यामि त्यक्त्वा यद् यासि मैथिलीम् । क्रुद्धायाः परुषं श्रुत्वा स्त्रिया यत् त्वम् इहागतः ॥
सर्वथा त्व् अपनीतं ते सीतया यत् प्रचोदितः । क्रोधस्य वशम् आगम्य नाकरोः शासनं मम ॥
असौ हि राक्षसः शेते शरेणाभिहतो मया । मृगरूपेण येनाहम् आश्रमाद् अपवादितः ॥
विकृष्य चापं परिधाय सायकं; सलील बाणेन च ताडितो मया । मार्गीं तनुं त्यज्य च विक्लवस्वरो; बभूव केयूरधरः स राक्षसः ॥
शराहतेनैव तदार्तया गिरा; स्वरं ममालम्ब्य सुदूरसंश्रवम् । उदाहृतं तद् वचनं सुदारुणं; त्वम् आगतो येन विहाय मैथिलीम् ॥
evaṃ bruvāṇaṃ saumitriṃ rāmaḥ saṃtāpamohitaḥ | abravīd duṣkṛtaṃ saumya tāṃ vinā yat tvam āgataḥ ||
jānann api samarthaṃ māṃ rakṣasāṃ vinivāraṇe | anena krodhavākyena maithilyā niḥsṛto bhavān ||
na hi te parituṣyāmi tyaktvā yad yāsi maithilīm | kruddhāyāḥ paruṣaṃ śrutvā striyā yat tvam ihāgataḥ ||
sarvathā tv apanītaṃ te sītayā yat pracoditaḥ | krodhasya vaśam āgamya nākaroḥ śāsanaṃ mama ||
asau hi rākṣasaḥ śete śareṇābhihato mayā | mṛgarūpeṇa yenāham āśramād apavāditaḥ ||
vikṛṣya cāpaṃ paridhāya sāyakaṃ; salīla bāṇena ca tāḍito mayā | mārgīṃ tanuṃ tyajya ca viklavasvaro; babhūva keyūradharaḥ sa rākṣasaḥ ||
śarāhatenaiva tadārtayā girā; svaraṃ mamālambya sudūrasaṃśravam | udāhṛtaṃ tad vacanaṃ sudāruṇaṃ; tvam āgato yena vihāya maithilīm ||
Рама, помрачённый тревогой, сказал так говорящему Саумитри: «Кроткий, ты поступил дурно, придя без неё. Даже зная, что я способен отразить ракшасов, ты ушёл от Майтили из-за её гневных слов. Я не доволен тобой: услышав суровые слова разгневанной женщины, ты оставил Майтили и пришёл сюда. Во всяком случае, это было неправильно: побуждённый Ситой, ты поддался гневу и не исполнил моего повеления. Вон лежит ракшас, поражённый моей стрелой, тот самый, который оленьим обликом увёл меня от ашрама. Когда я натянул лук, наложил стрелу и легко поразил его, он оставил оленье тело и, с дрожащим голосом, стал ракшасом в браслетах. Именно он, поражённый стрелой, страдальческим голосом, взяв мой голос так, чтобы его было слышно издалека, произнёс те ужасные слова, из-за которых ты пришёл, оставив Майтили».
34e83427a602 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Рама понимает объяснение Лакшманы, но боль не даёт ему сразу принять его. Главное для него остаётся нарушенным: приказ охранять Ситу был оставлен, и ложный голос Маричи достиг цели.