सुमनोभिश् चितांस् तत्र तिलकान् नक्तमालकान् । उत्पलानि च फुल्लानि पङ्कजानि च राघव ॥
न तानि कश् चिन् माल्यानि तत्रारोपयिता नरः । मतङ्गशिष्यास् तत्रासन्न् ऋषयः सुसमाहितः ॥
तेषां भाराभितप्तानां वन्यम् आहरतां गुरोः । ये प्रपेतुर् महीं तूर्णं शरीरात् स्वेदबिन्दवः ॥
तानि माल्यानि जातानि मुनीनां तपसा तदा । स्वेदबिन्दुसमुत्थानि न विनश्यन्ति राघव ॥
तेषाम् अद्यापि तत्रैव दृश्यते परिचारिणी । श्रमणी शबरी नाम काकुत्स्थ चिरजीविनी ॥
त्वां तु धर्मे स्थिता नित्यं सर्वभूतनमस्कृतम् । दृष्ट्वा देवोपमं राम स्वर्गलोकं गमिष्यति ॥
ततस् तद् राम पम्पायास् तीरम् आश्रित्य पश्चिमम् । आश्रमस्थानम् अतुलं गुह्यं काकुत्स्थ पश्यसि ॥
न तत्राक्रमितुं नागाः शक्नुवन्ति तम् आश्रमम् । ऋषेस् तस्य मतङ्गस्य विधानात् तच् च काननम् ॥
तस्मिन् नन्दनसंकाशे देवारण्योपमे वने । नानाविहगसंकीर्णे रंस्यसे राम निर्वृतः ॥
sumanobhiś citāṃs tatra tilakān naktamālakān | utpalāni ca phullāni paṅkajāni ca rāghava ||
na tāni kaś cin mālyāni tatrāropayitā naraḥ | mataṅgaśiṣyās tatrāsann ṛṣayaḥ susamāhitaḥ ||
teṣāṃ bhārābhitaptānāṃ vanyam āharatāṃ guroḥ | ye prapetur mahīṃ tūrṇaṃ śarīrāt svedabindavaḥ ||
tāni mālyāni jātāni munīnāṃ tapasā tadā | svedabindusamutthāni na vinaśyanti rāghava ||
teṣām adyāpi tatraiva dṛśyate paricāriṇī | śramaṇī śabarī nāma kākutstha cirajīvinī ||
tvāṃ tu dharme sthitā nityaṃ sarvabhūtanamaskṛtam | dṛṣṭvā devopamaṃ rāma svargalokaṃ gamiṣyati ||
tatas tad rāma pampāyās tīram āśritya paścimam | āśramasthānam atulaṃ guhyaṃ kākutstha paśyasi ||
na tatrākramituṃ nāgāḥ śaknuvanti tam āśramam | ṛṣes tasya mataṅgasya vidhānāt tac ca kānanam ||
tasmin nandanasaṃkāśe devāraṇyopame vane | nānāvihagasaṃkīrṇe raṃsyase rāma nirvṛtaḥ ||
«Там ты увидишь покрытые цветами тилаки и ночные жасмины, распустившиеся утпалы и лотосы, Рагхава. Эти гирлянды не возложил туда никакой человек. Там жили ученики Матанги — глубоко сосредоточенные риши. Когда они, измученные тяжёлыми ношами, приносили своему учителю лесные плоды и коренья, капли пота быстро падали с их тел на землю. Благодаря аскезе тех муни из этих капель пота возникли гирлянды, и они не увядают, Рагхава. Даже сегодня там видна их служительница — долгоживущая аскетка по имени Шабари, Какутстха. Увидев тебя, Рама, богоподобного, всегда стоящего в дхарме и почитаемого всеми существами, она уйдёт в небесный мир. Затем, достигнув западного берега Пампы, ты увидишь несравненное сокровенное место ашрама, Какутстха. Слоны не могут вступить в тот ашрам и в тот лес по установлению риши Матанги. В этом лесу, похожем на Нандану и на божественную рощу, наполненном разными птицами, ты, Рама, найдёшь отраду и покой».
469b87264485 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Путь к Сугриве проходит через память о служении Матанге и через Шабари, которая ждёт встречи с Рамой как завершения своей жизни. Святость места рождена не внешней красотой, а потом служения гуру.