राजर्षिदेवप्रतिमौ तापसौ संशितव्रतौ । देशं कथम् इमं प्राप्तौ भवन्तौ वरवर्णिनौ ॥
त्रासयन्तौ मृगगणान् अन्यांश् च वनचारिणः । पम्पातीररुहान् वृक्षान् वीक्षमाणौ समन्ततः ॥
इमां नदीं शुभजलां शोभयन्तौ तरस्विनौ । धैर्यवन्तौ सुवर्णाभौ कौ युवां चीरवाससौ ॥
सिंहविप्रेक्षितौ वीरौ सिंहातिबलविक्रमौ । शक्रचापनिभे चापे प्रगृह्य विपुलैर् भुजैः ॥
श्रीमन्तौ रूपसंपन्नौ वृषभश्रेष्ठविक्रमौ । हस्तिहस्तोपमभुजौ द्युतिमन्तौ नरर्षभौ ॥
प्रभया पर्वतेन्द्रो ऽयं युवयोर् अवभासितः । राज्यार्हाव् अमरप्रख्यौ कथं देशम् इहागतौ ॥
पद्मपत्रेक्षणौ वीरौ जटामण्डलधारिणौ । अन्योन्यसदृशौ वीरौ देवलोकाद् इवागतौ ॥
यदृच्छयेव संप्राप्तौ चन्द्रसूर्यौ वसुंधराम् । विशालवक्षसौ वीरौ मानुषौ देवरूपिणौ ॥
सिंहस्कन्धौ महासत्त्वौ समदाव् इव गोवृषौ । आयताश् च सुवृत्ताश् च बाहवः परिघोत्तमाः । सर्वभूषणभूषार्हाः किम् अर्थं न विभूषितः ॥
rājarṣidevapratimau tāpasau saṃśitavratau | deśaṃ katham imaṃ prāptau bhavantau varavarṇinau ||
trāsayantau mṛgagaṇān anyāṃś ca vanacāriṇaḥ | pampātīraruhān vṛkṣān vīkṣamāṇau samantataḥ ||
imāṃ nadīṃ śubhajalāṃ śobhayantau tarasvinau | dhairyavantau suvarṇābhau kau yuvāṃ cīravāsasau ||
siṃhaviprekṣitau vīrau siṃhātibalavikramau | śakracāpanibhe cāpe pragṛhya vipulair bhujaiḥ ||
śrīmantau rūpasaṃpannau vṛṣabhaśreṣṭhavikramau | hastihastopamabhujau dyutimantau nararṣabhau ||
prabhayā parvatendro 'yaṃ yuvayor avabhāsitaḥ | rājyārhāv amaraprakhyau kathaṃ deśam ihāgatau ||
padmapatrekṣaṇau vīrau jaṭāmaṇḍaladhāriṇau | anyonyasadṛśau vīrau devalokād ivāgatau ||
yadṛcchayeva saṃprāptau candrasūryau vasuṃdharām | viśālavakṣasau vīrau mānuṣau devarūpiṇau ||
siṃhaskandhau mahāsattvau samadāv iva govṛṣau | āyatāś ca suvṛttāś ca bāhavaḥ parighottamāḥ | sarvabhūṣaṇabhūṣārhāḥ kim arthaṃ na vibhūṣitaḥ ||
Хануман сказал: «Вы подобны царственным риши и богам, аскеты строгих обетов, прекрасные обликом. Как вы пришли в эту местность? Вы пугаете стада зверей и других лесных обитателей, со всех сторон осматривая деревья, выросшие на берегах Пампы. Кто вы двое, одетые в кору, стремительные, стойкие, золотому подобные, украшающие эту реку с благими водами? Вы герои с львиным взглядом, превосходящие львов силой и доблестью; широкими руками вы держите луки, подобные радуге Индры. Вы славны, наделены красотой, с доблестью лучших быков, с руками, подобными хоботам слонов, сияющие быки среди людей. Вашим сиянием озарён этот царь гор. Вы достойны царства, подобны бессмертным; как вы пришли в эту местность? Вы лотосоокие герои, носящие сплетённые джаты, похожие друг на друга, словно пришли из мира богов. Вы будто случайно сошли на землю, как Луна и Солнце, широкогрудые герои, люди божественного облика. Вы львиноплечие, великие существа, как два могучих быка; ваши длинные, красиво округлые руки похожи на лучшие палицы и достойны всех украшений. Почему же они не украшены?»
4ce5ea3d3bdd · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Речь Ханумана точно соединяет почтение и разведку. Он не давит вопросом, а раскрывает достоинство Рамы и Лакшманы через эпитеты, постепенно подводя их к доверию.