ततः समुपजिघ्रन्ती कपिराजस्य तन्मुखम् । पतिं लोकाच् च्युतं तारा मृतं वचनम् अब्रवीत् ॥
शेषे त्वं विषमे दुःखम् अकृत्वा वचनं मम । उपलोपचिते वीर सुदुःखे वसुधातले ॥
मत्तः प्रियतरा नूनं वानरेन्द्र मही तव । शेषे हि तां परिष्वज्य मां च न प्रतिभाषसे ॥
सुग्रीव एव विक्रान्तो वीर साहसिक प्रिय । ऋक्षवानरमुख्यास् त्वां बलिनं पर्युपासते ॥
एषां विलपितं कृच्छ्रम् अङ्गदस्य च शोचतः । मम चेमां गिरं श्रुत्वा किं त्वं न प्रतिबुध्यसे ॥
इदं तच् छूरशयनं यत्र शेषे हतो युधि । शायिता निहता यत्र त्वयैव रिपवः पुरा ॥
विशुद्धसत्त्वाभिजन प्रिययुद्ध मम प्रिय । माम् अनाथां विहायैकां गतस् त्वम् असि मानद ॥
tataḥ samupajighrantī kapirājasya tanmukham | patiṃ lokāc cyutaṃ tārā mṛtaṃ vacanam abravīt ||
śeṣe tvaṃ viṣame duḥkham akṛtvā vacanaṃ mama | upalopacite vīra suduḥkhe vasudhātale ||
mattaḥ priyatarā nūnaṃ vānarendra mahī tava | śeṣe hi tāṃ pariṣvajya māṃ ca na pratibhāṣase ||
sugrīva eva vikrānto vīra sāhasika priya | ṛkṣavānaramukhyās tvāṃ balinaṃ paryupāsate ||
eṣāṃ vilapitaṃ kṛcchram aṅgadasya ca śocataḥ | mama cemāṃ giraṃ śrutvā kiṃ tvaṃ na pratibudhyase ||
idaṃ tac chūraśayanaṃ yatra śeṣe hato yudhi | śāyitā nihatā yatra tvayaiva ripavaḥ purā ||
viśuddhasattvābhijana priyayuddha mama priya | mām anāthāṃ vihāyaikāṃ gatas tvam asi mānada ||
Тара целовала лицо царя обезьян, своего мужа, ушедшего из мира, и сказала мёртвому: «Герой, не послушав моего слова, ты мучительно лежишь на неровной земле, на этом тяжком ложе, покрытом камнями. Царь ванаров, наверное, земля тебе дороже меня: ты лежишь, обняв её, и не отвечаешь мне. Герой, любящий отвагу, теперь победил именно Сугрива, а главные рикши и ванары окружают тебя, сильного. Почему ты не пробуждаешься, слыша их тяжкий плач, скорбь Ангады и эту мою речь? Вот то самое ложе героя, где ты лежишь, убитый в бою, и где прежде тобой самим были уложены убитые враги. Мой дорогой, чистый нравом и родом, любящий битву, дающий честь, ты ушёл, оставив меня одну и беззащитную».
73b5e8958717 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Тара говорит с Вали как с тем, кто ещё может услышать. Так скорбь сопротивляется очевидности смерти: она превращает тело на земле в собеседника и требует ответа.