सोऽ ग्रजेनानुशिष्टार्थो यथावत् पुरुषर्षभः । प्रविवेश पुरीं वीरो लक्ष्मणः परवीरहा ॥
ततः शुभमतिः प्राज्ञो भ्रातुः प्रियहिते रतः । लक्ष्मणः प्रतिसंरब्धो जगाम भवनं कपेः ॥
शक्रबाणासनप्रख्यं धनुः कालान्तकोपमः । प्रगृह्य गिरिशृङ्गाभं मन्दरः सानुमान् इव ॥
यथोक्तकारी वचनम् उत्तरं चैव सोत्तरम् । बृहस्पतिसमो बुद्ध्या मत्त्वा रामानुजस् तदा ॥
कामक्रोधसमुत्थेन भ्रातुः कोपाग्निना वृतः । प्रभञ्जन इवाप्रीतः प्रययौ लक्ष्मणस् तदा ॥
सालतालाश्वकर्णांश् च तरसा पातयन् बहून् । पर्यस्यन् गिरिकूटानि द्रुमान् अन्यांश् च वेगतः ॥
शिलाश् च शकलीकुर्वन् पद्भ्यां गज इवाशुगः । दूरम् एकपदं त्यक्त्वा ययौ कार्यवशाद् द्रुतम् ॥
ताम् अपश्यद् बलाकीर्णां हरिराजमहापुरीम् । दुर्गाम् इक्ष्वाकुशार्दूलः किष्किन्धां गिरिसंकटे ॥
so' grajenānuśiṣṭārtho yathāvat puruṣarṣabhaḥ | praviveśa purīṃ vīro lakṣmaṇaḥ paravīrahā ||
tataḥ śubhamatiḥ prājño bhrātuḥ priyahite rataḥ | lakṣmaṇaḥ pratisaṃrabdho jagāma bhavanaṃ kapeḥ ||
śakrabāṇāsanaprakhyaṃ dhanuḥ kālāntakopamaḥ | pragṛhya giriśṛṅgābhaṃ mandaraḥ sānumān iva ||
yathoktakārī vacanam uttaraṃ caiva sottaram | bṛhaspatisamo buddhyā mattvā rāmānujas tadā ||
kāmakrodhasamutthena bhrātuḥ kopāgninā vṛtaḥ | prabhañjana ivāprītaḥ prayayau lakṣmaṇas tadā ||
sālatālāśvakarṇāṃś ca tarasā pātayan bahūn | paryasyan girikūṭāni drumān anyāṃś ca vegataḥ ||
śilāś ca śakalīkurvan padbhyāṃ gaja ivāśugaḥ | dūram ekapadaṃ tyaktvā yayau kāryavaśād drutam ||
tām apaśyad balākīrṇāṃ harirājamahāpurīm | durgām ikṣvākuśārdūlaḥ kiṣkindhāṃ girisaṃkaṭe ||
Наставленный старшим братом в должном смысле, герой Лакшмана, бык среди людей и убийца чужих героев, как следует вошёл в город. Благомыслящий и мудрый, занятый благом и пользой брата, он возбуждённо пошёл к жилищу обезьяны. Взяв лук, подобный луку Индры, сам подобный концу времени и похожий на Мандару с вершинами, младший брат Рамы, равный разумом Брихаспати, обдумал сказанное ему слово и возможный ответ. Охваченный огнём гнева брата, возникшим из любви и гнева, Лакшмана отправился, словно недовольный ветер. Силой валя многие салы, талы и ашвакарны, стремительно сбрасывая горные вершины и другие деревья, разбивая ногами камни на куски, как быстрый слон, он одним шагом оставлял далёкий путь и быстро шёл, побуждаемый делом. Тогда тигр рода Икшваку увидел в горной теснине труднодоступную Кишкиндху, великий город царя обезьян, наполненный военной силой.
51897b1deb68 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Лакшмана внешне сдержан наставлением Рамы, но сама природа вокруг показывает мощь его гнева. Он идёт не ради личной обиды, а как посланник страдающего брата.