ततः संदिश्य सुग्रीवः श्वशुरं पश्चिमां दिशम् । वीरं शतबलिं नाम वानरं वानरर्षभः ॥
उवाच राजा मन्त्रज्ञः सर्ववानरसंमतम् । वाक्यम् आत्महितं चैव रामस्य च हितं तथा ॥
वृतः शतसहस्रेण त्वद्विधानां वनौकसाम् । वैवस्वत सुतैः सार्धं प्रतिष्ठस्व स्वमन्त्रिभिः ॥
दिशं ह्य् उदीचीं विक्रान्तां हिमशैलावतंसकाम् । सर्वतः परिमार्गध्वं रामपत्नीम् अनिन्दिताम् ॥
अस्मिन् कार्ये विनिवृत्ते कृते दाशरथेः प्रिये । ऋणान् मुक्ता भविष्यामः कृतार्थार्थविदां वराः ॥
कृतं हि प्रियम् अस्माकं राघवेण महात्मना । तस्य चेत् प्रतिकारो ऽस्ति सफलं जीवितं भवेत् ॥
एतां बुद्धिं समास्थाय दृश्यते जानकी यथा । तथा भवद्भिः कर्तव्यम् अस्मत्प्रियहितैषिभिः ॥
अयं हि सर्वभूतानां मान्यस् तु नरसत्तमः । अस्मासु चागतप्रीती रामः परपुरंजयः ॥
इमानि वनदुर्गाणि नद्यः शैलान्तराणि च । भवन्तः परिमार्गंस् तु बुद्धिविक्रमसंपदा ॥
तत्र म्लेच्छान् पुलिन्दांश् च शूरसेनांस् तथाइव च । प्रस्थालान् भरतांश् चैव कुरूंश् च सह मद्रकैः ॥
काम्बोजान् यवनांश् चैव शकान् आरट्टकान् अपि । बाह्लीकान् ऋषिकांश् चैव पौरवान् अथ टङ्कणान् ॥
चीनान् परमचीनांश् च नीहारांश् च पुनः पुनः । अन्विष्य दरदांश् चैव हिमवन्तं विचिन्वथ ॥
लोध्रपद्मकषण्डेषु देवदारुवनेषु च । रावणः सह वैदेह्य मार्गितव्यस् ततस् ततः ॥
tataḥ saṃdiśya sugrīvaḥ śvaśuraṃ paścimāṃ diśam | vīraṃ śatabaliṃ nāma vānaraṃ vānararṣabhaḥ ||
uvāca rājā mantrajñaḥ sarvavānarasaṃmatam | vākyam ātmahitaṃ caiva rāmasya ca hitaṃ tathā ||
vṛtaḥ śatasahasreṇa tvadvidhānāṃ vanaukasām | vaivasvata sutaiḥ sārdhaṃ pratiṣṭhasva svamantribhiḥ ||
diśaṃ hy udīcīṃ vikrāntāṃ himaśailāvataṃsakām | sarvataḥ parimārgadhvaṃ rāmapatnīm aninditām ||
asmin kārye vinivṛtte kṛte dāśaratheḥ priye | ṛṇān muktā bhaviṣyāmaḥ kṛtārthārthavidāṃ varāḥ ||
kṛtaṃ hi priyam asmākaṃ rāghaveṇa mahātmanā | tasya cet pratikāro 'sti saphalaṃ jīvitaṃ bhavet ||
etāṃ buddhiṃ samāsthāya dṛśyate jānakī yathā | tathā bhavadbhiḥ kartavyam asmatpriyahitaiṣibhiḥ ||
ayaṃ hi sarvabhūtānāṃ mānyas tu narasattamaḥ | asmāsu cāgataprītī rāmaḥ parapuraṃjayaḥ ||
imāni vanadurgāṇi nadyaḥ śailāntarāṇi ca | bhavantaḥ parimārgaṃs tu buddhivikramasaṃpadā ||
tatra mlecchān pulindāṃś ca śūrasenāṃs tathāiva ca | prasthālān bharatāṃś caiva kurūṃś ca saha madrakaiḥ ||
kāmbojān yavanāṃś caiva śakān āraṭṭakān api | bāhlīkān ṛṣikāṃś caiva pauravān atha ṭaṅkaṇān ||
cīnān paramacīnāṃś ca nīhārāṃś ca punaḥ punaḥ | anviṣya daradāṃś caiva himavantaṃ vicinvatha ||
lodhrapadmakaṣaṇḍeṣu devadāruvaneṣu ca | rāvaṇaḥ saha vaidehya mārgitavyas tatas tataḥ ||
Направив своего тестя на запад, Сугрива, бык среди ванаров, обратился к герою-ванару Шатабали, уважаемому всеми ванарами. Царь, знаток совета, произнёс речь, полезную и для него самого, и для дела Рамы: «Окружённый ста тысячами лесных жителей, подобных тебе, вместе с сыновьями Вайвасваты и своими советниками отправляйся в северную сторону, широкую и украшенную снежной горой. Обыщите со всех сторон безупречную жену Рамы. Когда это дело будет завершено и дорогое для сына Дашаратхи исполнено, мы, достигшие цели и знающие пользу, освободимся от долга. Великодушный Рагхава сделал для нас дорогое; если мы сможем воздать ему, наша жизнь станет плодотворной. Приняв такой разум, вы, желающие нашего дорогого блага, должны действовать так, чтобы Джанаки была найдена. Этот лучший из людей, Рама, покоритель чужих городов, почитаем всеми существами и пришёл к нам с любовью. С богатством разума и доблести обыскивайте лесные твердыни, реки и горные проходы. Там обследуйте млеччхов, пулиндов, шурасенов, прастхалов, бхаратов, куру вместе с мадраками, камбоджей, яванов, шаков, араттаков, бахликов, ришиков, пауравов, танканов, китайцев, дальних китайцев, нихаров и дарадов; затем исследуйте Химавант. В чащах лодхры и падмаки, в лесах девадару Равана вместе с Вайдехи должен быть разыскиваем всюду».
f689103b8602 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Северный приказ начинается с темы долга. Для Сугривы поиск Ситы — не формальная услуга, а ответ на милость Рамы, без которого жизнь и царство остаются нравственно неоплаченными.