स तु सिंहर्षभ स्कन्धः पीनायतभुजः कपिः । युवराजो महाप्राज्ञ अङ्गदो वाक्यम् अब्रवीत् ॥
शासनात् कपिराजस्य वयं सर्वे विनिर्गताः । मासः पूर्णो बिलस्थानां हरयः किं न बुध्यते ॥
तस्मिन्न् अतीते काले तु सुग्रीवेण कृते स्वयम् । प्रायोपवेशनं युक्तं सर्वेषां च वनौकसाम् ॥
तीक्ष्णः प्रकृत्या सुग्रीवः स्वामिभावे व्यवस्थितः । न क्षमिष्यति नः सर्वान् अपराधकृतो गतान् ॥
अप्रवृत्तौ च सीतायाः पापम् एव करिष्यति । तस्मात् क्षमम् इहाद्यैव प्रायोपविशनं हि नः ॥
त्यक्त्वा पुत्रांश् च दारांश् च धनानि च गृहाणि च । यावन् न घातयेद् राजा सर्वान् प्रतिगतान् इतः । वधेनाप्रतिरूपेण श्रेयान् मृत्युर् इहैव नः ॥
न चाहं यौवराज्येन सुग्रीवेणाभिषेचितः । नरेन्द्रेणाभिषिक्तो ऽस्मि रामेणाक्लिष्टकर्मणा ॥
स पूर्वं बद्धवैरो मां राजा दृष्ट्वा व्यतिक्रमम् । घातयिष्यति दण्डेन तीक्ष्णेन कृतनिश्चयः ॥
किं मे सुहृद्भिर् व्यसनं पश्यद्भिर् जीवितान्तरे । इहैव प्रायम् आसिष्ये पुण्ये सागररोधसि ॥
sa tu siṃharṣabha skandhaḥ pīnāyatabhujaḥ kapiḥ | yuvarājo mahāprājña aṅgado vākyam abravīt ||
śāsanāt kapirājasya vayaṃ sarve vinirgatāḥ | māsaḥ pūrṇo bilasthānāṃ harayaḥ kiṃ na budhyate ||
tasminn atīte kāle tu sugrīveṇa kṛte svayam | prāyopaveśanaṃ yuktaṃ sarveṣāṃ ca vanaukasām ||
tīkṣṇaḥ prakṛtyā sugrīvaḥ svāmibhāve vyavasthitaḥ | na kṣamiṣyati naḥ sarvān aparādhakṛto gatān ||
apravṛttau ca sītāyāḥ pāpam eva kariṣyati | tasmāt kṣamam ihādyaiva prāyopaviśanaṃ hi naḥ ||
tyaktvā putrāṃś ca dārāṃś ca dhanāni ca gṛhāṇi ca | yāvan na ghātayed rājā sarvān pratigatān itaḥ | vadhenāpratirūpeṇa śreyān mṛtyur ihaiva naḥ ||
na cāhaṃ yauvarājyena sugrīveṇābhiṣecitaḥ | narendreṇābhiṣikto 'smi rāmeṇākliṣṭakarmaṇā ||
sa pūrvaṃ baddhavairo māṃ rājā dṛṣṭvā vyatikramam | ghātayiṣyati daṇḍena tīkṣṇena kṛtaniścayaḥ ||
kiṃ me suhṛdbhir vyasanaṃ paśyadbhir jīvitāntare | ihaiva prāyam āsiṣye puṇye sāgararodhasi ||
Тогда великомудрый юный царь Ангада, капи с плечами как у льва и быка и крепкими длинными руками, сказал: «По приказу царя капи мы все вышли. О хари, как вы не понимаете? Месяц исполнился, пока мы были в пещере. Когда срок, лично установленный Сугривой, прошёл, всем лесным жителям уместно сесть на пост до смерти. Сугрива по природе суров и теперь стоит в положении владыки; он не простит нас, если мы вернёмся виновными. А когда нет вести о Сите, он совершит зло. Поэтому лучше нам сегодня же здесь сесть на пост. Оставив сыновей, жён, богатства и дома, лучше умереть здесь, чем ждать, пока царь убьёт всех нас, вернувшихся отсюда, неподобающей казнью. И не Сугрива помазал меня как юного царя: я помазан царём людей Рамой, неутомимым в деле. Сугрива уже прежде питал ко мне вражду; увидев мой проступок, этот царь твёрдо решит убить меня суровым наказанием. Что мне друзья, которые будут видеть мою беду в остатке жизни? Я сяду на пост до смерти прямо здесь, на святом берегу океана».
8de0e2dd5ed2 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Ангада говорит из страха и оскорблённой памяти. Его слова показывают, как легко долг превращается в отчаяние, если смотреть только на наказание и забыть о возможности служить дальше.