तथा ब्रुवति तारे तु ताराधिपतिवर्चसि । अथ मेने हृतं राज्यं हनुमान् अङ्गदेन तत् ॥
बुद्ध्या ह्य् अष्टाङ्गया युक्तं चतुर्बलसमन्वितम् । चतुर्दशगुणं मेने हनुमान् वालिनः सुतम् ॥
आपूर्यमाणं शश्वच् च तेजोबलपराक्रमैः । शशिनं शुक्लपक्षादौ वर्धमानम् इव श्रिया ॥
बृहस्पतिसमं बुद्ध्या विक्रमे सदृशं पितुः । शुश्रूषमाणं तारस्य शुक्रस्येव पुरंदरम् ॥
भर्तुर् अर्थे परिश्रान्तं सर्वशास्त्रविशारदम् । अभिसंधातुम् आरेभे हनुमान् अङ्गदं ततः ॥
स चतुर्णाम् उपायानां तृतीयम् उपवर्णयन् । भेदयाम् आस तान् सर्वान् वानरान् वाक्यसंपदा ॥
तेषु सर्वेषु भिन्नेषु ततो ऽभीषयद् अङ्गदम् । भीषणैर् बहुभिर् वाक्यैः कोपोपायसमन्वितैः ॥
tathā bruvati tāre tu tārādhipativarcasi | atha mene hṛtaṃ rājyaṃ hanumān aṅgadena tat ||
buddhyā hy aṣṭāṅgayā yuktaṃ caturbalasamanvitam | caturdaśaguṇaṃ mene hanumān vālinaḥ sutam ||
āpūryamāṇaṃ śaśvac ca tejobalaparākramaiḥ | śaśinaṃ śuklapakṣādau vardhamānam iva śriyā ||
bṛhaspatisamaṃ buddhyā vikrame sadṛśaṃ pituḥ | śuśrūṣamāṇaṃ tārasya śukrasyeva puraṃdaram ||
bhartur arthe pariśrāntaṃ sarvaśāstraviśāradam | abhisaṃdhātum ārebhe hanumān aṅgadaṃ tataḥ ||
sa caturṇām upāyānāṃ tṛtīyam upavarṇayan | bhedayām āsa tān sarvān vānarān vākyasaṃpadā ||
teṣu sarveṣu bhinneṣu tato 'bhīṣayad aṅgadam | bhīṣaṇair bahubhir vākyaiḥ kopopāyasamanvitaiḥ ||
Когда Тара, сияющий как владыка звёзд, говорил так, Хануман решил, что Ангада замышляет захватить царство. Хануман видел в сыне Вали того, кто наделён восьмичастным разумом, четырьмя силами и четырнадцатью качествами; кто постоянно возрастает сиянием, силой и доблестью, словно луна в начале светлой половины месяца; кто разумом равен Брихаспати, доблестью подобен отцу и слушает Тару, как Пурандара слушал Шукру. Видя Ангаду утомлённым в деле владыки и искусным во всех шастрах, Хануман решил направить его ум. Из четырёх средств он избрал третье — разделение — и богатством речи разделил всех ванаров. Когда они были разделены, он стал устрашать Ангаду многими грозными словами, соединёнными со способом гнева.
78899ea17afc · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Хануман видит в Ангаде силу, ум и опасность. Его речь не груба и не случайна: он применяет политическое средство ради того, чтобы вернуть отряд от бегства к долгу.