आद्यः पन्थाः कुलिङ्गानां ये चान्ये धान्यजीविनः । द्वितीयो बलिभोजानां ये च वृक्षफलाशिनः ॥
भासास् तृतीयं गच्छन्ति क्रौञ्चाश् च कुररैः सह । श्येनाश् चतुर्थं गच्छन्ति गृध्रा गच्छन्ति पञ्चमम् ॥
बलवीर्योपपन्नानां रूपयौवनशालिनाम् । षष्ठस् तु पन्था हंसानां वैनतेयगतिः परा । वैनतेयाच् च नो जन्म सर्वेषां वानरर्षभाः ॥
गर्हितं तु कृतं कर्म येन स्म पिशिताशनाः । इहस्थो ऽहं प्रपश्यामि रावणं जानकीं तथा ॥
अस्माकम् अपि सौवर्णं दिव्यं चक्षुर्बलं तथा । तस्माद् आहारवीर्येण निसर्गेण च वानराः । आयोजनशतात् साग्राद् वयं पश्याम नित्यशः ॥
अस्माकं विहिता वृत्तिर् निसार्गेण च दूरतः । विहिता पादमूले तु वृत्तिश् चरणयोधिनाम् ॥
उपायो दृश्यतां कश् चिल् लङ्घने लवणाम्भसः । अभिगम्य तु वैदेहीं समृद्धार्था गमिष्यथ ॥
ādyaḥ panthāḥ kuliṅgānāṃ ye cānye dhānyajīvinaḥ | dvitīyo balibhojānāṃ ye ca vṛkṣaphalāśinaḥ ||
bhāsās tṛtīyaṃ gacchanti krauñcāś ca kuraraiḥ saha | śyenāś caturthaṃ gacchanti gṛdhrā gacchanti pañcamam ||
balavīryopapannānāṃ rūpayauvanaśālinām | ṣaṣṭhas tu panthā haṃsānāṃ vainateyagatiḥ parā | vainateyāc ca no janma sarveṣāṃ vānararṣabhāḥ ||
garhitaṃ tu kṛtaṃ karma yena sma piśitāśanāḥ | ihastho 'haṃ prapaśyāmi rāvaṇaṃ jānakīṃ tathā ||
asmākam api sauvarṇaṃ divyaṃ cakṣurbalaṃ tathā | tasmād āhāravīryeṇa nisargeṇa ca vānarāḥ | āyojanaśatāt sāgrād vayaṃ paśyāma nityaśaḥ ||
asmākaṃ vihitā vṛttir nisārgeṇa ca dūrataḥ | vihitā pādamūle tu vṛttiś caraṇayodhinām ||
upāyo dṛśyatāṃ kaś cil laṅghane lavaṇāmbhasaḥ | abhigamya tu vaidehīṃ samṛddhārthā gamiṣyatha ||
«Первый путь принадлежит кулингам и другим птицам, живущим зерном; второй — тем, кто питается жертвенной пищей и плодами деревьев. Бхасы идут третьим путём, краунчи вместе с курарами; соколы идут четвёртым, грифы — пятым. Шестой путь принадлежит лебедям, наделённым силой, мужеством, красотой и юностью; высший же путь — путь Вайнатеи. О быки среди ванаров, все мы рождены от Вайнатеи, хотя совершили порицаемое дело и стали питаться мясом. Находясь здесь, я вижу и Равану, и Джанаки. У нас есть золотая, божественная сила зрения; поэтому силой пищи и по природе, о ванары, мы постоянно видим дальше ста йоджан. Наше питание по природе определено издалека, а у пеших воинов питание установлено у основания ног. Пусть будет найден какой-нибудь способ пересечь солёные воды. Достигнув Вайдехи, вы уйдёте с исполненной целью».
e29c7aed9d0b · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Сампати объясняет, почему его свидетельство достоверно: зрение грифов достигает туда, куда тело уже не может лететь. Его знание должно стать мостом через океан.