स सागरम् अनाधृष्यम् अतिक्रम्य महाबलः । त्रिकूटशिखरे लङ्कां स्थितां स्वस्थो ददर्श ह ॥
ततः पादपमुक्तेन पुष्पवर्षेण वीर्यवान् । अभिवृष्टः स्थितस् तत्र बभौ पुष्पमयो यथा ॥
योजनानां शतं श्रीमांस् तीर्त्वाप्य् उत्तमविक्रमः । अनिश्वसन् कपिस् तत्र न ग्लानिम् अधिगच्छति ॥
शतान्य् अहं योजनानां क्रमेयं सुबहून्य् अपि । किं पुनः सागरस्यान्तं संख्यातं शतयोजनम् ॥
स तु वीर्यवतां श्रेष्ठः प्लवताम् अपि चोत्तमः । जगाम वेगवांल् लङ्कां लङ्घयित्वा महोदधिम् ॥
शाद्वलानि च नीलानि गन्धवन्ति वनानि च । गण्डवन्ति च मध्येन जगाम नगवन्ति च ॥
शैलांश् च तरुसंछन्नान् वनराजीश् च पुष्पिताः । अभिचक्राम तेजस्वी हनुमान् प्लवगर्षभः ॥
स तस्मिन्न् अचले तिष्ठन् वनान्य् उपवनानि च । स नगाग्रे च तां लङ्कां ददर्श पवनात्मजः ॥
सरलान् कर्णिकारांश् च खर्जूरांश् च सुपुष्पितान् । प्रियालान् मुचुलिन्दांश् च कुटजान् केतकान् अपि ॥
प्रियङ्गून् गन्धपूर्णांश् च नीपान् सप्तच्छदांस् तथा । असनान् कोविदारांश् च करवीरांश् च पुष्पितान् ॥
पुष्पभारनिबद्धांश् च तथा मुकुलितान् अपि । पादपान् विहगाकीर्णान् पवनाधूतमस्तकान् ॥
हंसकारण्डवाकीर्णा वापीः पद्मोत्पलायुताः । आक्रीडान् विविधान् रम्यान् विविधांश् च जलाशयान् ॥
संततान् विविधैर् वृक्षैः सर्वर्तुफलपुष्पितैः । उद्यानानि च रम्याणि ददर्श कपिकुञ्जरः ॥
sa sāgaram anādhṛṣyam atikramya mahābalaḥ | trikūṭaśikhare laṅkāṃ sthitāṃ svastho dadarśa ha ||
tataḥ pādapamuktena puṣpavarṣeṇa vīryavān | abhivṛṣṭaḥ sthitas tatra babhau puṣpamayo yathā ||
yojanānāṃ śataṃ śrīmāṃs tīrtvāpy uttamavikramaḥ | aniśvasan kapis tatra na glānim adhigacchati ||
śatāny ahaṃ yojanānāṃ krameyaṃ subahūny api | kiṃ punaḥ sāgarasyāntaṃ saṃkhyātaṃ śatayojanam ||
sa tu vīryavatāṃ śreṣṭhaḥ plavatām api cottamaḥ | jagāma vegavāṃl laṅkāṃ laṅghayitvā mahodadhim ||
śādvalāni ca nīlāni gandhavanti vanāni ca | gaṇḍavanti ca madhyena jagāma nagavanti ca ||
śailāṃś ca tarusaṃchannān vanarājīś ca puṣpitāḥ | abhicakrāma tejasvī hanumān plavagarṣabhaḥ ||
sa tasminn acale tiṣṭhan vanāny upavanāni ca | sa nagāgre ca tāṃ laṅkāṃ dadarśa pavanātmajaḥ ||
saralān karṇikārāṃś ca kharjūrāṃś ca supuṣpitān | priyālān muculindāṃś ca kuṭajān ketakān api ||
priyaṅgūn gandhapūrṇāṃś ca nīpān saptacchadāṃs tathā | asanān kovidārāṃś ca karavīrāṃś ca puṣpitān ||
puṣpabhāranibaddhāṃś ca tathā mukulitān api | pādapān vihagākīrṇān pavanādhūtamastakān ||
haṃsakāraṇḍavākīrṇā vāpīḥ padmotpalāyutāḥ | ākrīḍān vividhān ramyān vividhāṃś ca jalāśayān ||
saṃtatān vividhair vṛkṣaiḥ sarvartuphalapuṣpitaiḥ | udyānāni ca ramyāṇi dadarśa kapikuñjaraḥ ||
Перейдя неприступный океан, великосильный Хануман спокойно увидел Ланку, стоящую на вершине Трикуты. Осыпавший его цветочный дождь, сброшенный деревьями, сделал сильного героя, стоявшего там, словно цветочным. Славный, высшей доблести, он пересёк сто йоджан, но не задыхался и не чувствовал усталости. Он подумал: «Я мог бы перешагнуть и многие сотни йоджан; что же говорить о конце океана, измеренном в сто йоджан?» Лучший из сильных и лучший из прыгунов, стремительный Хануман, перепрыгнув великий океан, пошёл к Ланке. По пути он проходил синие лужайки, благоуханные леса, холмистые места и пространства, богатые деревьями. Сияющий бык среди прыгунов перешагивал горы, покрытые деревьями, и цветущие ряды лесов. Стоя на той горе, сын Паваны увидел леса, рощи и Ланку на горной вершине. Он увидел саралы, карникары, прекрасно цветущие финики, приялы, мучулинды, кутаджи, кетаки, приянгу, наполненные ароматом, нипы, саптаччхады, асаны, ковидары и цветущие каравиры; деревья, согнутые тяжестью цветов, покрытые бутонами, наполненные птицами, с вершинами, качаемыми ветром. Слон среди обезьян увидел пруды, наполненные лебедями и карандавами, с лотосами и утпалами, разные прекрасные места игр, водоёмы и сады, покрытые деревьями, которые во все времена года приносили цветы и плоды.
35bf726cb03c · опубликовано 22 июн. 2026 г., 00:00:00 UTC
Доступно наRUЛистайте стихи клавишами
После океанского подвига Хануман не теряет ясности. Он спокойно осматривает Ланку и её окрестности: прежде чем искать Ситу, он должен увидеть место, понять его красоту, богатство и скрытую опасность.