ततस् तं प्रस्थितं सीता वीक्षमाणा पुनः पुनः । भर्तुः स्नेहान्वितं वाक्यं सौहार्दाद् अनुमानयत् ॥
यदि वा मन्यसे वीर वसैकाहम् अरिंदम । कस्मिंश् चित् संवृते देशे विश्रान्तः श्वो गमिष्यसि ॥
मम चेद् अल्पभाग्यायाः साम्निध्यात् तव वीर्यवान् । अस्य शोकस्य महतो मुहूर्तं मोक्षणं भवेत् ॥
गते हि हरिशार्दूल पुनरागमनाय तु । प्राणानाम् अपि संदेहो मम स्यान् नात्र संशयः ॥
तवादर्शनजः शोको भूयो मां परितापयेत् । दुःखाद् दुःखपरामृष्टां दीपयन्न् इव वानर ॥
अयं च वीर संदेहस् तिष्ठतीव ममाग्रतः । सुमहांस् त्वत्सहायेषु हर्यृक्षेषु हरीश्वर ॥
कथं नु खलु दुष्पारं तरिष्यन्ति महोदधिम् । तानि हर्यृक्षसैन्यानि तौ वा नरवरात्मजौ ॥
त्रयाणाम् एव भूतानां सागरस्येह लङ्घने । शक्तिः स्याद् वैनतेयस्य तव वा मारुतस्य वा ॥
तद् अस्मिन् कार्यनिर्योगे वीरैवं दुरतिक्रमे । किं पश्यसि समाधानं त्वं हि कार्यविदां वरः ॥
कामम् अस्य त्वम् एवैकः कार्यस्य परिसाधने । पर्याप्तः परवीरघ्न यशस्यस् ते बलोदयः ॥
बलैः समग्रैर् यदि मां रावणं जित्य संयुगे । विजयी स्वपुरं यायात् तत् तु मे स्याद् यशस्करम् ॥
बलैस् तु संकुलां कृत्वा लङ्कां परबलार्दनः । मां नयेद् यदि काकुत्स्थस् तत् तस्य सदृशं भवेत् ॥
तद् यथा तस्य विक्रान्तम् अनुरूपं महात्मनः । भवेद् आहव शूरस्य तथा त्वम् उपपादय ॥
तद् अर्थोपहितं वाक्यं सहितं हेतुसंहितम् । निशम्य हनुमाञ् शेषं वाक्यम् उत्तरम् अब्रवीत् ॥
tatas taṃ prasthitaṃ sītā vīkṣamāṇā punaḥ punaḥ | bhartuḥ snehānvitaṃ vākyaṃ sauhārdād anumānayat ||
yadi vā manyase vīra vasaikāham ariṃdama | kasmiṃś cit saṃvṛte deśe viśrāntaḥ śvo gamiṣyasi ||
mama ced alpabhāgyāyāḥ sāmnidhyāt tava vīryavān | asya śokasya mahato muhūrtaṃ mokṣaṇaṃ bhavet ||
gate hi hariśārdūla punarāgamanāya tu | prāṇānām api saṃdeho mama syān nātra saṃśayaḥ ||
tavādarśanajaḥ śoko bhūyo māṃ paritāpayet | duḥkhād duḥkhaparāmṛṣṭāṃ dīpayann iva vānara ||
ayaṃ ca vīra saṃdehas tiṣṭhatīva mamāgrataḥ | sumahāṃs tvatsahāyeṣu haryṛkṣeṣu harīśvara ||
kathaṃ nu khalu duṣpāraṃ tariṣyanti mahodadhim | tāni haryṛkṣasainyāni tau vā naravarātmajau ||
trayāṇām eva bhūtānāṃ sāgarasyeha laṅghane | śaktiḥ syād vainateyasya tava vā mārutasya vā ||
tad asmin kāryaniryoge vīraivaṃ duratikrame | kiṃ paśyasi samādhānaṃ tvaṃ hi kāryavidāṃ varaḥ ||
kāmam asya tvam evaikaḥ kāryasya parisādhane | paryāptaḥ paravīraghna yaśasyas te balodayaḥ ||
balaiḥ samagrair yadi māṃ rāvaṇaṃ jitya saṃyuge | vijayī svapuraṃ yāyāt tat tu me syād yaśaskaram ||
balais tu saṃkulāṃ kṛtvā laṅkāṃ parabalārdanaḥ | māṃ nayed yadi kākutsthas tat tasya sadṛśaṃ bhavet ||
tad yathā tasya vikrāntam anurūpaṃ mahātmanaḥ | bhaved āhava śūrasya tathā tvam upapādaya ||
tad arthopahitaṃ vākyaṃ sahitaṃ hetusaṃhitam | niśamya hanumāñ śeṣaṃ vākyam uttaram abravīt ||
Затем Сита снова и снова смотрела на уходящего Ханумана и из дружеской любви одобрила его слова, наполненные любовью к её мужу. Она сказала: «Если считаешь возможным, герой, укротитель врагов, проживи один день в каком-нибудь скрытом месте; отдохнув, уйдёшь завтра. Для меня, малосчастной, от твоего присутствия, доблестный, хотя бы на мгновение было бы освобождение от этой великой скорби. Когда ты уйдёшь, тигр среди хари, до твоего возвращения у меня будет сомнение даже о жизни — в этом нет сомнения. Скорбь, рождённая тем, что я больше не буду видеть тебя, снова станет мучить меня, словно разжигая страдание поверх страдания. И ещё, герой, передо мной стоит великое сомнение о твоих помощниках, о хари и рикшах, владыка хари. Как эти войска хари и рикш, или те два сына лучших людей, перейдут труднопреодолимый океан? Для пересечения океана здесь, кажется, есть сила только у трёх существ: у сына Винаты, у тебя или у Ветра. Поэтому в этом труднопреодолимом деле какое решение ты видишь, герой? Ты ведь лучший среди знатоков дела. Конечно, для исполнения этого дела достаточно тебя одного, губитель вражеских героев; подъём твоей силы славен. Но если победоносный Рама, победив Равану в битве со всеми войсками, уведёт меня в свой город, это принесёт мне славу. Если Какутстха, сокрушитель чужой силы, заполнит Ланку войсками и уведёт меня, это будет ему подобать. Устрой так, чтобы всё было соразмерно доблести этого великодушного битвенного героя». Услышав это осмысленное, связное и обоснованное слово, Хануман ответил.
f3ac76603d08 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Сита снова отказывается от личного спасения ценой славы Рамы. Её желание не просто выжить, а быть спасённой так, чтобы проявилась дхарма и царская доблесть Господа.