तस्य तद्वचनं श्रुत्वा वालिसूनुर् अभाषत । जाम्बवत्प्रमुखान् सर्वान् अनुज्ञाप्य महाकपीन् ॥
अस्मिन्न् एवंगते कार्ये भवतां च निवेदिते । न्याय्यं स्म सह वैदेह्या द्रष्टुं तौ पार्थिवात्मजौ ॥
अहम् एको ऽपि पर्याप्तः सराक्षसगणां पुरीम् । तां लङ्कां तरसा हन्तुं रावणं च महाबलम् ॥
किं पुनः सहितो वीरैर् बलवद्भिः कृतात्मभिः । कृतास्त्रैः प्लवगैः शक्तैर् भवद्भिर् विजयैषिभिः ॥
अहं तु रावणं युद्धे ससैन्यं सपुरःसरम् । सपुत्रं विधमिष्यामि सहोदरयुतं युधि ॥
ब्राह्मम् ऐन्द्रं च रौद्रं च वायव्यं वारुणं तथा । यदि शक्रजितो ऽस्त्राणि दुर्निरीक्ष्याणि संयुगे । तान्य् अहं विधमिष्यामि निहनिष्यामि राक्षसान् ॥
भवताम् अभ्यनुज्ञातो विक्रमो मे रुणद्धि तम् ॥
मयातुला विसृष्टा हि शैलवृष्टिर् निरन्तरा । देवान् अपि रणे हन्यात् किं पुनस् तान् निशाचरान् ॥
tasya tadvacanaṃ śrutvā vālisūnur abhāṣata | jāmbavatpramukhān sarvān anujñāpya mahākapīn ||
asminn evaṃgate kārye bhavatāṃ ca nivedite | nyāyyaṃ sma saha vaidehyā draṣṭuṃ tau pārthivātmajau ||
aham eko 'pi paryāptaḥ sarākṣasagaṇāṃ purīm | tāṃ laṅkāṃ tarasā hantuṃ rāvaṇaṃ ca mahābalam ||
kiṃ punaḥ sahito vīrair balavadbhiḥ kṛtātmabhiḥ | kṛtāstraiḥ plavagaiḥ śaktair bhavadbhir vijayaiṣibhiḥ ||
ahaṃ tu rāvaṇaṃ yuddhe sasainyaṃ sapuraḥsaram | saputraṃ vidhamiṣyāmi sahodarayutaṃ yudhi ||
brāhmam aindraṃ ca raudraṃ ca vāyavyaṃ vāruṇaṃ tathā | yadi śakrajito 'strāṇi durnirīkṣyāṇi saṃyuge | tāny ahaṃ vidhamiṣyāmi nihaniṣyāmi rākṣasān ||
bhavatām abhyanujñāto vikramo me ruṇaddhi tam ||
mayātulā visṛṣṭā hi śailavṛṣṭir nirantarā | devān api raṇe hanyāt kiṃ punas tān niśācarān ||
Услышав эти слова Ханумана, сын Вали Ангада, испросив позволение у всех великих капи во главе с Джамбаваном, сказал: «Когда дело сложилось так и уже сообщено вами, справедливо увидеть тех двух царских сыновей вместе с Вайдехи. Даже я один способен силой уничтожить Ланку, город со всеми толпами ракшасов, и великосильного Равану. Что же говорить, если я буду вместе с вами — сильными героями, владеющими собой, искусными в оружии, способными прыгунами, желающими победы? Я в битве разнесу Равану с войском, предводителями, сыном и братьями. Если победитель Шакры применит в бою трудные для взора оружия Брахмы, Индры, Рудры, Ваю и Варуны, я разнесу их и убью ракшасов. Если вы позволите, мой подвиг преградит его. Непрерывный ливень скал, выпущенный мною, убил бы в битве даже богов — что же говорить о тех ночных странниках?»
4a9ed8583c66 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Ангада говорит из горячей верности: после вести о Сите ему кажется недостойным возвращаться без неё. Его речь полна силы, но ещё нуждается в старшем различении, чтобы отвага не вышла за предел воли Рамы.