सीतां तु मोहितां दृष्ट्वा सरमा नाम राक्षसी । आससादाशु वैदेहीं प्रियां प्रणयिनी सखी ॥
सा हि तत्र कृता मित्रं सीतया रक्ष्यमाणया । रक्षन्ती रावणाद् इष्टा सानुक्रोशा दृढव्रता ॥
सा ददर्श सखीं सीतां सरमा नष्टचेतनाम् । उपावृत्योत्थितां ध्वस्तां वडवाम् इव पांसुषु ॥
तां समाश्वासयाम् आस सखी स्नेहेन सुव्रता । उक्ता यद् रावणेन त्वं प्रत्युक्तं च स्वयं त्वया ॥
सखीस्नेहेन तद् भीरु मया सर्वं प्रतिश्रुतम् । लीनया गनहे शूह्ये भयम् उत्सृज्य रावणात् । तव हेतोर् विशालाक्षि न हि मे जीवितं प्रियम् ॥
स संभ्रान्तश् च निष्क्रान्तो यत् कृते राक्षसाधिपः । तच् च मे विदितं सर्वम् अभिनिष्क्रम्य मैथिलि ॥
न शक्यं सौप्तिकं कर्तुं रामस्य विदितात्मनः । वधश् च पुरुषव्याघ्रे तस्मिन्न् एवोपपद्यते ॥
न चैव वानरा हन्तुं शक्याः पादपयोधिनः । सुरा देवर्षभेणेव रामेण हि सुरक्षिताः ॥
दीर्घवृत्तभुजः श्रीमान् महोरस्कः प्रतापवान् । धन्वी संहननोपेतो धर्मात्मा भुवि विश्रुतः ॥
विक्रान्तो रक्षिता नित्यम् आत्मनश् च परस्य च । लक्ष्मणेन सह भ्रात्रा कुशली नयशास्त्रवित् ॥
हन्ता परबलौघानाम् अचिन्त्यबलपौरुषः । न हतो राघवः श्रीमान् सीते शत्रुनिबर्हणः ॥
अयुक्तबुद्धिकृत्येन सर्वभूतविरोधिना । इयं प्रयुक्ता रौद्रेण माया मायाविदा त्वयि ॥
शोकस् ते विगतः सर्वः कल्याणं त्वाम् उपस्थितम् । ध्रुवं त्वां भजते लक्ष्मीः प्रियं प्रीतिकरं शृणु ॥
sītāṃ tu mohitāṃ dṛṣṭvā saramā nāma rākṣasī | āsasādāśu vaidehīṃ priyāṃ praṇayinī sakhī ||
sā hi tatra kṛtā mitraṃ sītayā rakṣyamāṇayā | rakṣantī rāvaṇād iṣṭā sānukrośā dṛḍhavratā ||
sā dadarśa sakhīṃ sītāṃ saramā naṣṭacetanām | upāvṛtyotthitāṃ dhvastāṃ vaḍavām iva pāṃsuṣu ||
tāṃ samāśvāsayām āsa sakhī snehena suvratā | uktā yad rāvaṇena tvaṃ pratyuktaṃ ca svayaṃ tvayā ||
sakhīsnehena tad bhīru mayā sarvaṃ pratiśrutam | līnayā ganahe śūhye bhayam utsṛjya rāvaṇāt | tava hetor viśālākṣi na hi me jīvitaṃ priyam ||
sa saṃbhrāntaś ca niṣkrānto yat kṛte rākṣasādhipaḥ | tac ca me viditaṃ sarvam abhiniṣkramya maithili ||
na śakyaṃ sauptikaṃ kartuṃ rāmasya viditātmanaḥ | vadhaś ca puruṣavyāghre tasminn evopapadyate ||
na caiva vānarā hantuṃ śakyāḥ pādapayodhinaḥ | surā devarṣabheṇeva rāmeṇa hi surakṣitāḥ ||
dīrghavṛttabhujaḥ śrīmān mahoraskaḥ pratāpavān | dhanvī saṃhananopeto dharmātmā bhuvi viśrutaḥ ||
vikrānto rakṣitā nityam ātmanaś ca parasya ca | lakṣmaṇena saha bhrātrā kuśalī nayaśāstravit ||
hantā parabalaughānām acintyabalapauruṣaḥ | na hato rāghavaḥ śrīmān sīte śatrunibarhaṇaḥ ||
ayuktabuddhikṛtyena sarvabhūtavirodhinā | iyaṃ prayuktā raudreṇa māyā māyāvidā tvayi ||
śokas te vigataḥ sarvaḥ kalyāṇaṃ tvām upasthitam | dhruvaṃ tvāṃ bhajate lakṣmīḥ priyaṃ prītikaraṃ śṛṇu ||
Увидев Ситу, потрясённую обманом, ракшаси по имени Сарама, её дорогая, любящая подруга, быстро подошла к Вайдехи. Там, когда Сита находилась под охраной, Сарама стала ей другом: она защищала её от Раваны, была сострадательной и твёрдой в обете. Сарама увидела свою подругу Ситу потерявшей сознание, поднявшейся и снова сломленной, словно кобылица в пыли. Доброобетная подруга с любовью стала утешать её: «Всё, что Равана сказал тебе и что ты сама ответила, я, о робкая, услышала из дружеской любви, спрятавшись в скрытом густом месте и оставив страх перед Раваной. Ради тебя, о широкоокая, мне не дорога жизнь. Я вышла и узнала всё: почему владыка ракшасов встревоженно ушёл. О Майтхили, невозможно совершить ночное нападение на мудрого Раму, пока он спит; невозможно убить этого тигра среди людей. И ванар, сражающихся деревьями, убить невозможно: они хорошо защищены Рамой, как боги — быком среди богов. Славный Рама с длинными круглыми руками, широкогрудый, могущественный, лучник, с крепким телом, праведный душой и известный на земле. Доблестный, он всегда защищает и себя, и других; вместе с братом Лакшманой он благополучен, знаток науки политики, истребитель потоков чужих войск, непостижимой силы и мужества. О Сита, славный Рагхава, сокрушитель врагов, не убит. Эта свирепая иллюзия применена против тебя знатоком иллюзий — тем, кто совершает неразумное и враждебен всем существам. Пусть вся твоя скорбь уйдёт: благо пришло к тебе. Несомненно, счастье посещает тебя. Слушай приятное и радостное».
0026f3054749 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Сарама становится голосом истины в месте обмана. Она не просто утешает Ситу, а возвращает факты: Рама жив, защищает своих и уже стоит у Ланки.