एवं संमन्त्रयन्न् एव सक्रोधो रावणं प्रति । रामः सुवेलं वासाय चित्रसानुम् उपारुहत् ॥
पृष्ठतो लक्ष्मण चैनम् अन्वगच्छत् समाहितः । सशरं चापम् उद्यम्य सुमहद् विक्रमे रतः ॥
तम् अन्वरोहत् सुग्रीवः सामात्यः सविभीषणः । हनूमान् अङ्गदो नीलो मैन्दो द्विविद एव च ॥
गजो गवाक्षो गवयः शरभो गन्धमादनः । पनसः कुमुदश् चैव हरो रम्भश् च यूथपः ॥
एते चान्ये च बहवो वानराः शीघ्रगामिनः । ते वायुवेगप्रवणास् तं गिरिं गिरिचारिणः । अध्यारोहन्त शतशः सुवेलं यत्र राघवः ॥
ते त्व् अदीर्घेण कालेन गिरिम् आरुह्य सर्वतः । ददृशुः शिखरे तस्य विषक्ताम् इव खे पुरीम् ॥
तां शुभां प्रवरद्वारां प्राकारवरशोभिताम् । लङ्कां राक्षससंपूर्णां ददृशुर् हरियूथपाः ॥
प्राकारचयसंस्थैश् च तथा नीलैर् निशाचरैः । ददृशुस् ते हरिश्रेष्ठाः प्राकारम् अपरं कृतम् ॥
ते दृष्ट्वा वानराः सर्वे राक्षसान् युद्धकाङ्क्षिणः । मुमुचुर् विपुलान् नादांस् तत्र रामस्य पश्यतः ॥
ततो ऽस्तम् अगमत् सूर्यः संध्यया प्रतिरञ्जितः । पूर्णचन्द्रप्रदीपा च क्षपा समभिवर्तते ॥
ततः स रामो हरिवाहिनीपतिर्; विभीषणेन प्रतिनन्द्य सत्कृतः । सलक्ष्मणो यूथपयूथसंवृतः; सुवेल पृष्ठे न्यवसद् यथासुखम् ॥
evaṃ saṃmantrayann eva sakrodho rāvaṇaṃ prati | rāmaḥ suvelaṃ vāsāya citrasānum upāruhat ||
pṛṣṭhato lakṣmaṇa cainam anvagacchat samāhitaḥ | saśaraṃ cāpam udyamya sumahad vikrame rataḥ ||
tam anvarohat sugrīvaḥ sāmātyaḥ savibhīṣaṇaḥ | hanūmān aṅgado nīlo maindo dvivida eva ca ||
gajo gavākṣo gavayaḥ śarabho gandhamādanaḥ | panasaḥ kumudaś caiva haro rambhaś ca yūthapaḥ ||
ete cānye ca bahavo vānarāḥ śīghragāminaḥ | te vāyuvegapravaṇās taṃ giriṃ giricāriṇaḥ | adhyārohanta śataśaḥ suvelaṃ yatra rāghavaḥ ||
te tv adīrgheṇa kālena girim āruhya sarvataḥ | dadṛśuḥ śikhare tasya viṣaktām iva khe purīm ||
tāṃ śubhāṃ pravaradvārāṃ prākāravaraśobhitām | laṅkāṃ rākṣasasaṃpūrṇāṃ dadṛśur hariyūthapāḥ ||
prākāracayasaṃsthaiś ca tathā nīlair niśācaraiḥ | dadṛśus te hariśreṣṭhāḥ prākāram aparaṃ kṛtam ||
te dṛṣṭvā vānarāḥ sarve rākṣasān yuddhakāṅkṣiṇaḥ | mumucur vipulān nādāṃs tatra rāmasya paśyataḥ ||
tato 'stam agamat sūryaḥ saṃdhyayā pratirañjitaḥ | pūrṇacandrapradīpā ca kṣapā samabhivartate ||
tataḥ sa rāmo harivāhinīpatir; vibhīṣaṇena pratinandya satkṛtaḥ | salakṣmaṇo yūthapayūthasaṃvṛtaḥ; suvela pṛṣṭhe nyavasad yathāsukham ||
Так совещаясь и испытывая гнев к Раване, Рама поднялся на пёстровершинную Сувелу для ночлега. Сзади за ним последовал сосредоточенный Лакшмана, подняв лук со стрелой и радуясь великому подвигу. Следом за ним поднялся Сугрива с министрами и Вибхишаной, а также Хануман, Ангада, Нила, Маинда, Двивида, Гаджа, Гавакша, Гавая, Шарабха, Гандхамадана, Панаса, Кумуда, Хара, Рамбха и другие многочисленные быстроходные ванары. Эти горные странники, стремительные как ветер, сотнями поднимались на гору Сувелу, где был Рагхава. За недолгое время, поднявшись на гору, они со всех сторон увидели на её вершине город, словно подвешенный в небе. Предводители ванарских отрядов увидели прекрасную Ланку с превосходными воротами, украшенную лучшими стенами и полную ракшасов. Лучшие из ванар увидели и другую стену, сделанную тёмными ночными странниками, стоявшими на рядах укреплений. Увидев ракшасов, желающих битвы, все ванары издали огромные рёвы, пока Рама смотрел. Затем солнце, окрашенное сумерками, зашло, и наступила ночь, освещённая полной луной. Тогда Рама, повелитель обезьяньего войска, почтённый и приветствованный Вибхишаной, вместе с Лакшманой, окружённый предводителями отрядов, удобно расположился на склоне Сувелы.
384800e6ded7 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Восхождение на Сувелу меняет масштаб: Ланка теперь видима и близка. Перед битвой Рама стоит не в смятении, а в ясном порядке, окружённый союзниками и готовым войском.