वज्रमुष्टिस् तु मैन्देन मुष्टिना निहतो रणे । पपात सरथः साश्वः पुराट्ट इव भूतले ॥
वज्राशनिसमस्पर्शो द्विविदो ऽप्य् अशनिप्रभम् । जघान गिरिशृङ्गेण मिषतां सर्वरक्षसाम् ॥
द्विविदं वानरेन्द्रं तु द्रुमयोधिनम् आहवे । शरैर् अशनिसंकाशैः स विव्याधाशनिप्रभः ॥
स शरैर् अतिविद्धाङ्गो द्विविदः क्रोधमूर्छितः । सालेन सरथं साश्वं निजघानाशनिप्रभम् ॥
निकुम्भस् तु रणे नीलं नीलाञ्जनचयप्रभम् । निर्बिभेद शरैस् तीक्ष्णैः करैर् मेघम् इवांशुमान् ॥
पुनः शरशतेनाथ क्षिप्रहस्तो निशाचरः । बिभेद समरे नीलं निकुम्भः प्रजहास च ॥
तस्यैव रथचक्रेण नीलो विष्णुर् इवाहवे । शिरश् चिच्छेद समरे निकुम्भस्य च सारथेः ॥
विद्युन्माली रथस्थस् तु शरैः काञ्चनभूषणैः । सुषेणं ताडयाम् आस ननाद च मुहुर् मुहुः ॥
तं रथस्थम् अथो दृष्ट्वा सुषेणो वानरोत्तमः । गिरिशृङ्गेण महता रथम् आशु न्यपातयत् ॥
लाघवेन तु संयुक्तो विद्युन्माली निशाचरः । अपक्रम्य रथात् तूर्णं गदापाणिः क्षितौ स्थितः ॥
ततः क्रोधसमाविष्टः सुषेणो हरिपुंगवः । शिलां सुमहतीं गृह्य निशाचरम् अभिद्रवत् ॥
तम् आपतन्तं गदया विद्युन्माली निशाचरः । वक्षस्य् अभिजग्नानाशु सुषेणं हरिसत्तमम् ॥
गदाप्रहारं तं घोरम् अचिन्त्यप्लवगोत्तमः । तां शिलां पातयाम् आस तस्योरसि महामृधे ॥
शिलाप्रहाराभिहतो विद्युन्माली निशाचरः । निष्पिष्टहृदयो भूमौ गतासुर् निपपात ह ॥
vajramuṣṭis tu maindena muṣṭinā nihato raṇe | papāta sarathaḥ sāśvaḥ purāṭṭa iva bhūtale ||
vajrāśanisamasparśo dvivido 'py aśaniprabham | jaghāna giriśṛṅgeṇa miṣatāṃ sarvarakṣasām ||
dvividaṃ vānarendraṃ tu drumayodhinam āhave | śarair aśanisaṃkāśaiḥ sa vivyādhāśaniprabhaḥ ||
sa śarair atividdhāṅgo dvividaḥ krodhamūrchitaḥ | sālena sarathaṃ sāśvaṃ nijaghānāśaniprabham ||
nikumbhas tu raṇe nīlaṃ nīlāñjanacayaprabham | nirbibheda śarais tīkṣṇaiḥ karair megham ivāṃśumān ||
punaḥ śaraśatenātha kṣiprahasto niśācaraḥ | bibheda samare nīlaṃ nikumbhaḥ prajahāsa ca ||
tasyaiva rathacakreṇa nīlo viṣṇur ivāhave | śiraś ciccheda samare nikumbhasya ca sāratheḥ ||
vidyunmālī rathasthas tu śaraiḥ kāñcanabhūṣaṇaiḥ | suṣeṇaṃ tāḍayām āsa nanāda ca muhur muhuḥ ||
taṃ rathastham atho dṛṣṭvā suṣeṇo vānarottamaḥ | giriśṛṅgeṇa mahatā ratham āśu nyapātayat ||
lāghavena tu saṃyukto vidyunmālī niśācaraḥ | apakramya rathāt tūrṇaṃ gadāpāṇiḥ kṣitau sthitaḥ ||
tataḥ krodhasamāviṣṭaḥ suṣeṇo haripuṃgavaḥ | śilāṃ sumahatīṃ gṛhya niśācaram abhidravat ||
tam āpatantaṃ gadayā vidyunmālī niśācaraḥ | vakṣasy abhijagnānāśu suṣeṇaṃ harisattamam ||
gadāprahāraṃ taṃ ghoram acintyaplavagottamaḥ | tāṃ śilāṃ pātayām āsa tasyorasi mahāmṛdhe ||
śilāprahārābhihato vidyunmālī niśācaraḥ | niṣpiṣṭahṛdayo bhūmau gatāsur nipapāta ha ||
Ваджрамушти, убитый в битве кулаком Маинды, упал на землю вместе с колесницей и конями, словно башня. Двивида, чьё касание было подобно ваджре и молнии, убил Ашанипрабху горной вершиной на глазах у всех ракшасов. Ашанипрабха в бою пронзил молниеподобными стрелами владыку ванаров Двивиду, сражавшегося деревьями. Но Двивида, с телом, сильно пронзённым стрелами, помрачённый гневом, убил Ашанипрабху саловым деревом вместе с колесницей и конями. Никумбха в битве пронзил острыми стрелами Нилу, сиявшего как груда синей сурьмы, словно солнце лучами пронзает облако. Затем быстрорукий ночной скиталец Никумбха снова пронзил Нилу сотней стрел и рассмеялся. Нила же в бою, словно Вишну, колесом его собственной колесницы отсёк голову Никумбхи и его возничего. Видьюнмали, стоя на колеснице, поражал Сушену стрелами, украшенными золотом, и снова и снова ревел. Увидев его на колеснице, лучший из ванар Сушена быстро сбросил колесницу великой горной вершиной. Ловкий ночной скиталец Видьюнмали быстро соскочил с колесницы и встал на земле с палицей в руке. Тогда лучший из ванар Сушена, охваченный гневом, схватил огромный камень и бросился на ночного скитальца. Видьюнмали быстро ударил палицей в грудь налетавшего Сушену, лучшего из ванар. Но непостижимый лучший из прыгунов, приняв этот страшный удар палицей, в великой битве обрушил тот камень ему на грудь. Поражённый ударом камня, ночной скиталец Видьюнмали, с раздавленным сердцем и лишённый жизни, упал на землю.
f11d3fa73742 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Здесь победа приходит не через отсутствие ран, а через способность не потерять цель после удара. Воины Рамы страдают, но не отступают от служения.