परिदेवयमानां तां राक्षसी त्रिजटाब्रवीत् । मा विषादं कृथा देवि भर्तायं तव जीवति ॥
कारणानि च वक्ष्यामि महान्ति सदृशानि च । यथेमौ जीवतो देवि भ्रातरौ रामलक्ष्मणौ ॥
न हि कोपपरीतानि हर्षपर्युत्सुकानि च । भवन्ति युधि योधानां मुखानि निहते पतौ ॥
इदं विमानं वैदेहि पुष्पकं नाम नामतः । दिव्यं त्वां धारयेन् नेदं यद्य् एतौ गजजीवितौ ॥
हतवीरप्रधाना हि हतोत्साहा निरुद्यमा । सेना भ्रमति संख्येषु हतकर्णेव नौर् जले ॥
इयं पुनर् असंभ्रान्ता निरुद्विग्ना तरस्विनी । सेना रक्षति काकुत्स्थौ मायया निर्जितौ रणे ॥
सा त्वं भव सुविस्रब्धा अनुमानैः सुखोदयैः । अहतौ पश्य काकुत्स्थौ स्नेहाद् एतद् ब्रवीमि ते ॥
अनृतं नोक्तपूर्वं मे न च वक्ष्ये कदा चन । चारित्रसुखशीलत्वात् प्रविष्टासि मनो मम ॥
नेमौ शक्यौ रणे जेतुं सेन्द्रैर् अपि सुरासुरैः । एतयोर् आननं दृष्ट्वा मया चावेदितं तव ॥
इदं च सुमहच् चिह्नं शनैः पश्यस्व मैथिलि । निःसंज्ञाव् अप्य् उभाव् एतौ नैव लक्ष्मीर् वियुज्यते ॥
प्रायेण गतसत्त्वानां पुरुषाणां गतायुषाम् । दृश्यमानेषु वक्त्रेषु परं भवति वैकृतम् ॥
त्यज शोकं च दुःखं च मोहं च जनकात्मजे । रामलक्ष्मणयोर् अर्थे नाद्य शक्यम् अजीवितुम् ॥
paridevayamānāṃ tāṃ rākṣasī trijaṭābravīt | mā viṣādaṃ kṛthā devi bhartāyaṃ tava jīvati ||
kāraṇāni ca vakṣyāmi mahānti sadṛśāni ca | yathemau jīvato devi bhrātarau rāmalakṣmaṇau ||
na hi kopaparītāni harṣaparyutsukāni ca | bhavanti yudhi yodhānāṃ mukhāni nihate patau ||
idaṃ vimānaṃ vaidehi puṣpakaṃ nāma nāmataḥ | divyaṃ tvāṃ dhārayen nedaṃ yady etau gajajīvitau ||
hatavīrapradhānā hi hatotsāhā nirudyamā | senā bhramati saṃkhyeṣu hatakarṇeva naur jale ||
iyaṃ punar asaṃbhrāntā nirudvignā tarasvinī | senā rakṣati kākutsthau māyayā nirjitau raṇe ||
sā tvaṃ bhava suvisrabdhā anumānaiḥ sukhodayaiḥ | ahatau paśya kākutsthau snehād etad bravīmi te ||
anṛtaṃ noktapūrvaṃ me na ca vakṣye kadā cana | cāritrasukhaśīlatvāt praviṣṭāsi mano mama ||
nemau śakyau raṇe jetuṃ sendrair api surāsuraiḥ | etayor ānanaṃ dṛṣṭvā mayā cāveditaṃ tava ||
idaṃ ca sumahac cihnaṃ śanaiḥ paśyasva maithili | niḥsaṃjñāv apy ubhāv etau naiva lakṣmīr viyujyate ||
prāyeṇa gatasattvānāṃ puruṣāṇāṃ gatāyuṣām | dṛśyamāneṣu vaktreṣu paraṃ bhavati vaikṛtam ||
tyaja śokaṃ ca duḥkhaṃ ca mohaṃ ca janakātmaje | rāmalakṣmaṇayor arthe nādya śakyam ajīvitum ||
Ракшаси Триджата сказала плачущей Сите: «Не впадай в отчаяние, о госпожа: твой муж жив. Я назову великие и уместные причины, почему эти два брата, Рама и Лакшмана, живы. Когда повелитель убит, лица воинов в битве не бывают охвачены гневом и взволнованы радостью. О Вайдехи, эта божественная воздушная колесница по имени Пушпака не несла бы тебя, если бы эти двое были лишены жизни. Когда главные герои убиты, армия теряет мужество, остаётся без усилия и мечется в сражениях, словно лодка с разбитым рулём на воде. Эта же армия не смятена, не встревожена, энергична и охраняет двух Какутстх, побеждённых в битве майей. Поэтому будь полностью уверена по этим признакам, ведущим к радостному исходу: считай двух Какутстх неубитыми. Из любви я говорю тебе это. Я прежде не говорила лжи и никогда не скажу; из-за твоего доброго характера ты вошла в моё сердце. Эти двое не могут быть побеждены в битве даже богами и асурами вместе с Индрой. Увидев их лица, я сообщаю тебе это. И вот ещё очень великий знак: посмотри спокойно, о Майтхили, даже без сознания их сияние не отделилось от них. Обычно у людей, потерявших жизненную силу и срок жизни, на лицах бывает крайнее искажение. О дочь Джанаки, оставь скорбь, страдание и помрачение: ради дела Рамы и Лакшманы сегодня нельзя не жить».
ab760437f9ba · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Триджата утешает Ситу не пустым оптимизмом, а вниманием к признакам жизни. В её речи сострадание соединено с разумом: вера поддерживается трезвым видением.