भवत्प्रसादाद् व्यसनं रावणिप्रभवं महत् । आवाम् इह व्यतिक्रान्तौ शीघ्रं च बलिनौ कृतौ ॥
यथा तातं दशरथं यथाजं च पितामहम् । तथा भवन्तम् आसाद्य हृषयं मे प्रसीदति ॥
को भवान् रूपसंपन्नो दिव्यस्रगनुलेपनः । वसानो विरजे वस्त्रे दिव्याभरणभूषितः ॥
तम् उवाच महातेजा वैनतेयो महाबलः । पतत्रिराजः प्रीतात्मा हर्षपर्याकुलेक्षणः ॥
अहं सखा ते काकुत्स्थ प्रियः प्राणो बहिश्चरः । गरुत्मान् इह संप्राप्तो युवयोः साह्यकारणात् ॥
असुरा वा महावीर्या दानवा वा महाबलाः । सुराश् चापि सगन्धर्वाः पुरस्कृत्य शतक्रतुम् ॥
नेमं मोक्षयितुं शक्ताः शरबन्धं सुदारुणम् । माया बलाद् इन्द्रजिता निर्मितं क्रूरकर्मणा ॥
एते नागाः काद्रवेयास् तीक्ष्णदंष्ट्राविषोल्बणाः । रक्षोमाया प्रभावेन शरा भूत्वा त्वदाश्रिताः ॥
सभाग्यश् चासि धर्मज्ञ राम सत्यपराक्रम । लक्ष्मणेन सह भ्रात्रा समरे रिपुघातिना ॥
इमं श्रुत्वा तु वृत्तान्तं त्वरमाणो ऽहम् आगतः । सहसा युवयोः स्नेहात् सखित्वम् अनुपालयन् ॥
मोक्षितौ च महाघोराद् अस्मात् सायकबन्धनात् । अप्रमादश् च कर्तव्यो युवाभ्यां नित्यम् एव हि ॥
प्रकृत्या राक्षसाः सर्वे संग्रामे कूटयोधिनः । शूराणां शुद्धभावानां भवताम् आर्जवं बलम् ॥
तन् न विश्वसितव्यं वो राक्षसानां रणाजिरे । एतेनैवोपमानेन नित्यजिह्मा हि राक्षसाः ॥
bhavatprasādād vyasanaṃ rāvaṇiprabhavaṃ mahat | āvām iha vyatikrāntau śīghraṃ ca balinau kṛtau ||
yathā tātaṃ daśarathaṃ yathājaṃ ca pitāmaham | tathā bhavantam āsādya hṛṣayaṃ me prasīdati ||
ko bhavān rūpasaṃpanno divyasraganulepanaḥ | vasāno viraje vastre divyābharaṇabhūṣitaḥ ||
tam uvāca mahātejā vainateyo mahābalaḥ | patatrirājaḥ prītātmā harṣaparyākulekṣaṇaḥ ||
ahaṃ sakhā te kākutstha priyaḥ prāṇo bahiścaraḥ | garutmān iha saṃprāpto yuvayoḥ sāhyakāraṇāt ||
asurā vā mahāvīryā dānavā vā mahābalāḥ | surāś cāpi sagandharvāḥ puraskṛtya śatakratum ||
nemaṃ mokṣayituṃ śaktāḥ śarabandhaṃ sudāruṇam | māyā balād indrajitā nirmitaṃ krūrakarmaṇā ||
ete nāgāḥ kādraveyās tīkṣṇadaṃṣṭrāviṣolbaṇāḥ | rakṣomāyā prabhāvena śarā bhūtvā tvadāśritāḥ ||
sabhāgyaś cāsi dharmajña rāma satyaparākrama | lakṣmaṇena saha bhrātrā samare ripughātinā ||
imaṃ śrutvā tu vṛttāntaṃ tvaramāṇo 'ham āgataḥ | sahasā yuvayoḥ snehāt sakhitvam anupālayan ||
mokṣitau ca mahāghorād asmāt sāyakabandhanāt | apramādaś ca kartavyo yuvābhyāṃ nityam eva hi ||
prakṛtyā rākṣasāḥ sarve saṃgrāme kūṭayodhinaḥ | śūrāṇāṃ śuddhabhāvānāṃ bhavatām ārjavaṃ balam ||
tan na viśvasitavyaṃ vo rākṣasānāṃ raṇājire | etenaivopamānena nityajihmā hi rākṣasāḥ ||
Рама сказал: «По твоей милости мы оба преодолели здесь великую беду, происшедшую от сына Раваны, и быстро снова стали сильными. Встретив тебя, я радуюсь и успокаиваюсь так же, как при встрече с отцом Дашаратхой и дедом Аджей. Кто ты, наделённый красотой, с божественными гирляндами и умащениями, в чистых одеждах и украшенный божественными украшениями?» Ему ответил великосияющий и могучий Вайнатея, царь птиц, радостный сердцем и с глазами, переполненными радостью: «О Какутстха, я твой друг, дорогой тебе как жизнь, ходящая вовне. Я Гарутман и пришёл сюда ради помощи вам двоим. Ни великодоблестные асуры, ни могучие данавы, ни боги с гандхарвами, даже поставив впереди Шатакрату, не смогли бы освободить вас от этих очень страшных уз стрел, созданных жестокодейственным Индраджитом силой майи. Эти змеи, потомки Кадру, с острыми клыками и страшным ядом, силой ракшасской майи стали стрелами и пристали к тебе. О Рама, знающий дхарму и истинный в доблести, ты счастлив вместе с братом Лакшманой, убийцей врагов в битве. Услышав о случившемся, я поспешно пришёл к вам из любви, соблюдая дружбу. Вы освобождены от этих очень страшных уз стрел; и вам обоим всегда следует быть осторожными. По природе все ракшасы в битве сражаются обманом, а ваша сила, сила героев с чистым сердцем, — прямота. Поэтому вам не следует доверять ракшасам на поле боя: именно этот пример показывает, что ракшасы всегда кривы».
5aec4fb9d572 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Гаруда называет Раму другом и напоминает о различии сил: прямота чистых сердцем и кривизна ракшасской майи. Дхарма не требует наивности; она требует ясного зрения.