तद् दृष्ट्वा सुमहत् कर्म कृतं वानरसत्तमैः । क्रोधम् आहारयाम् आस युधि तीव्रम् अकम्पनः ॥
क्रोधमूर्छितरूपस् तु ध्नुवन् परमकार्मुकम् । दृष्ट्वा तु कर्म शत्रूणां सारथिं वाक्यम् अब्रवीत् ॥
तत्रैव तावत् त्वरितं रथं प्रापय सारथे । एते ऽत्र बहवो घ्नन्ति सुबहून् राक्षसान् रणे ॥
एते ऽत्र बलवन्तो हि भीमकायाश् च वानराः । द्रुमशैलप्रहरणास् तिष्ठन्ति प्रमुखे मम ॥
एतान् निहन्तुम् इच्छामि समरश्लाघिनो ह्य् अहम् । एतैः प्रमथितं सर्वं दृश्यते राक्षसं बलम् ॥
ततः प्रजविताश्वेन रथेन रथिनां वरः । हरीन् अभ्यहनत् क्रोधाच् छरजालैर् अकम्पनः ॥
न स्थातुं वानराः शेकुः किं पुनर् योद्धुम् आहवे । अकम्पनशरैर् भग्नाः सर्व एव प्रदुद्रुवुः ॥
तान् मृत्युवशम् आपन्नान् अकम्पनवशं गतान् । समीक्ष्य हनुमाञ् ज्ञातीन् उपतस्थे महाबलः ॥
tad dṛṣṭvā sumahat karma kṛtaṃ vānarasattamaiḥ | krodham āhārayām āsa yudhi tīvram akampanaḥ ||
krodhamūrchitarūpas tu dhnuvan paramakārmukam | dṛṣṭvā tu karma śatrūṇāṃ sārathiṃ vākyam abravīt ||
tatraiva tāvat tvaritaṃ rathaṃ prāpaya sārathe | ete 'tra bahavo ghnanti subahūn rākṣasān raṇe ||
ete 'tra balavanto hi bhīmakāyāś ca vānarāḥ | drumaśailapraharaṇās tiṣṭhanti pramukhe mama ||
etān nihantum icchāmi samaraślāghino hy aham | etaiḥ pramathitaṃ sarvaṃ dṛśyate rākṣasaṃ balam ||
tataḥ prajavitāśvena rathena rathināṃ varaḥ | harīn abhyahanat krodhāc charajālair akampanaḥ ||
na sthātuṃ vānarāḥ śekuḥ kiṃ punar yoddhum āhave | akampanaśarair bhagnāḥ sarva eva pradudruvuḥ ||
tān mṛtyuvaśam āpannān akampanavaśaṃ gatān | samīkṣya hanumāñ jñātīn upatasthe mahābalaḥ ||
Увидев великое деяние, совершённое лучшими из ванаров, Акампана в битве воспламенил в себе сильный гнев. С обликом, омрачённым гневом, сотрясая великий лук и видя дело врагов, он сказал вознице: «О возница, быстро подведи колесницу именно туда. Эти многие ванары здесь убивают в бою очень многих ракшасов. Эти сильные и страшнотелые ванары с деревьями и скалами как оружием стоят передо мной. Я, хвалящийся битвой, желаю убить их: видно, что ими сокрушено всё ракшасское войско». Затем Акампана, лучший среди колесничих, на колеснице с быстро мчащимся конём в гневе стал поражать ванаров сетями стрел. Ванары не могли устоять, что уж говорить о сражении: сломленные стрелами Акампаны, все они бросились бежать. Увидев своих родичей, попавших во власть смерти и под власть Акампаны, могучий Хануман подошёл к ним.
0e45fa37871e · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Акампана говорит как воин, уверенный в своём праве уничтожать. Но появление Ханумана меняет смысл сцены: защита своих становится важнее личной славы и немедленно останавливает распад войска.