तम् आपतन्तं सहसा स्वनवन्तं महाध्वजम् । रथं राक्षसराजस्य नरराजो ददर्श ह ॥
कृष्णवाजिसमायुक्तं युक्तं रौद्रेण वर्चसा । तडित्पताकागहनं दर्शितेन्द्रायुधायुधम् । शरधारा विमुञ्चन्तं धारासारम् इवान्बुदम् ॥
तं दृष्ट्वा मेघसंकाशम् आपतन्तं रथं रिपोः । गिरेर् वज्राभिमृष्टस्य दीर्यतः सदृशस्वनम् । उवाच मातलिं रामः सहस्राक्षस्य सारथिम् ॥
मातले पश्य संरब्धम् आपतन्तं रथं रिपोः । यथापसव्यं पतता वेगेन महता पुनः । समरे हन्तुम् आत्मानं तथानेन कृता मतिः ॥
तद् अप्रमादम् आतिष्ठ प्रत्युद्गच्छ रथं रिपोः । विध्वंसयितुम् इच्छामि वायुर् मेघम् इवोत्थितम् ॥
अविक्लवम् असंभ्रान्तम् अव्यग्रहृदयेक्षणम् । रश्मिसंचारनियतं प्रचोदय रथं द्रुतम् ॥
कामं न त्वं समाधेयः पुरंदररथोचितः । युयुत्सुर् अहम् एकाग्रः स्मारये त्वां न शिक्षये ॥
tam āpatantaṃ sahasā svanavantaṃ mahādhvajam | rathaṃ rākṣasarājasya nararājo dadarśa ha ||
kṛṣṇavājisamāyuktaṃ yuktaṃ raudreṇa varcasā | taḍitpatākāgahanaṃ darśitendrāyudhāyudham | śaradhārā vimuñcantaṃ dhārāsāram ivānbudam ||
taṃ dṛṣṭvā meghasaṃkāśam āpatantaṃ rathaṃ ripoḥ | girer vajrābhimṛṣṭasya dīryataḥ sadṛśasvanam | uvāca mātaliṃ rāmaḥ sahasrākṣasya sārathim ||
mātale paśya saṃrabdham āpatantaṃ rathaṃ ripoḥ | yathāpasavyaṃ patatā vegena mahatā punaḥ | samare hantum ātmānaṃ tathānena kṛtā matiḥ ||
tad apramādam ātiṣṭha pratyudgaccha rathaṃ ripoḥ | vidhvaṃsayitum icchāmi vāyur megham ivotthitam ||
aviklavam asaṃbhrāntam avyagrahṛdayekṣaṇam | raśmisaṃcāraniyataṃ pracodaya rathaṃ drutam ||
kāmaṃ na tvaṃ samādheyaḥ puraṃdararathocitaḥ | yuyutsur aham ekāgraḥ smāraye tvāṃ na śikṣaye ||
Царь людей увидел внезапно налетающую колесницу царя ракшасов: она грохотала, несла великое знамя, была запряжена чёрными конями, обладала грозным блеском, густо покрыта молниеподобными знамёнами и показывала оружие, подобное радуге. Она выпускала потоки стрел, как туча проливает ливень. Увидев эту тучеподобную колесницу врага, налетающую со звуком, похожим на грохот горы, разбиваемой молнией, Рама сказал Матали, возничему Тысячеглазого: «Матали, смотри: яростная колесница врага снова налетает слева с великой скоростью. Он решил в бою погубить самого себя. Поэтому будь внимателен и встречай колесницу врага. Я хочу разрушить её, как ветер разрушает поднявшуюся тучу. Гони колесницу быстро: без слабости, без смятения, с несмущённым сердцем и взглядом, твёрдо управляя поводьями. Конечно, тебя, привыкшего к колеснице Пурандары, не нужно наставлять. Я, сосредоточенный и желающий сражаться, лишь напоминаю тебе, а не учу».
92c7c6328123 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Рама говорит Матали с уважением: он отдаёт приказ без высокомерия. Даже в предельной битве его речь сохраняет меру, ясность и признание достоинства другого.