राघवः परमोदारः शशास परया मुदा । उवाच लक्ष्मणं रामो धर्मज्ञं धर्मवत्सलः ॥
आतिष्ठ धर्मज्ञ मया सहेमां; गां पूर्वराजाध्युषितां बलेन । तुल्यं मया त्वं पितृभिर् धृता या; तां यौवराज्ये धुरम् उद्वहस्व ॥
सर्वात्मना पर्यनुनीयमानो; यदा न सौमित्रिर् उपैति योगम् । नियुज्यमानो भुवि यौवराज्ये; ततो ऽभ्यषिञ्चद् भरतं महात्मा ॥
राघवश् चापि धर्मात्मा प्राप्य राज्यम् अनुत्तमम् । ईजे बहुविधैर् यज्ञैः ससुहृद्भ्रातृबान्धवः ॥
पौण्डरीकाश्वमेधाभ्यां वाजपेयेन चासकृत् । अन्यैश् च विविधैर् यज्ञैर् अयजत् पार्थिवर्षभः ॥
राज्यं दशसहस्राणि प्राप्य वर्षाणि राघवः । शताश्वमेधान् आजह्रे सदश्वान् भूरिदक्षिणान् ॥
आजानुलम्बिबाहुश् च महास्कन्धः प्रतापवान् । लक्ष्मणानुचरो रामः पृथिवीम् अन्वपालयत् ॥
न पर्यदेवन् विधवा न च व्यालकृतं भयम् । न व्याधिजं भयं वापि रामे राज्यं प्रशासति ॥
निर्दस्युर् अभवल् लोको नानर्थः कं चिद् अस्पृशत् । न च स्म वृद्धा बालानां प्रेतकार्याणि कुर्वते ॥
सर्वं मुदितम् एवासीत् सर्वो धर्मपरो ऽभवत् । रामम् एवानुपश्यन्तो नाभ्यहिंसन् परस्परम् ॥
आसन् वर्षसहस्राणि तथा पुत्रसहस्रिणः । निरामया विशोकाश् च रामे राज्यं प्रशासति ॥
नित्यपुष्पा नित्यफलास् तरवः स्कन्धविस्तृताः । कालवर्षी च पर्जन्यः सुखस्पर्शश् च मारुतः ॥
स्वकर्मसु प्रवर्तन्ते तुष्ठाः स्वैर् एव कर्मभिः । आसन् प्रजा धर्मपरा रामे शासति नानृताः ॥
सर्वे लक्षणसंपन्नाः सर्वे धर्मपरायणाः । दशवर्षसहस्राणि रामो राज्यम् अकारयत् ॥
rāghavaḥ paramodāraḥ śaśāsa parayā mudā | uvāca lakṣmaṇaṃ rāmo dharmajñaṃ dharmavatsalaḥ ||
ātiṣṭha dharmajña mayā sahemāṃ; gāṃ pūrvarājādhyuṣitāṃ balena | tulyaṃ mayā tvaṃ pitṛbhir dhṛtā yā; tāṃ yauvarājye dhuram udvahasva ||
sarvātmanā paryanunīyamāno; yadā na saumitrir upaiti yogam | niyujyamāno bhuvi yauvarājye; tato 'bhyaṣiñcad bharataṃ mahātmā ||
rāghavaś cāpi dharmātmā prāpya rājyam anuttamam | īje bahuvidhair yajñaiḥ sasuhṛdbhrātṛbāndhavaḥ ||
pauṇḍarīkāśvamedhābhyāṃ vājapeyena cāsakṛt | anyaiś ca vividhair yajñair ayajat pārthivarṣabhaḥ ||
rājyaṃ daśasahasrāṇi prāpya varṣāṇi rāghavaḥ | śatāśvamedhān ājahre sadaśvān bhūridakṣiṇān ||
ājānulambibāhuś ca mahāskandhaḥ pratāpavān | lakṣmaṇānucaro rāmaḥ pṛthivīm anvapālayat ||
na paryadevan vidhavā na ca vyālakṛtaṃ bhayam | na vyādhijaṃ bhayaṃ vāpi rāme rājyaṃ praśāsati ||
nirdasyur abhaval loko nānarthaḥ kaṃ cid aspṛśat | na ca sma vṛddhā bālānāṃ pretakāryāṇi kurvate ||
sarvaṃ muditam evāsīt sarvo dharmaparo 'bhavat | rāmam evānupaśyanto nābhyahiṃsan parasparam ||
āsan varṣasahasrāṇi tathā putrasahasriṇaḥ | nirāmayā viśokāś ca rāme rājyaṃ praśāsati ||
nityapuṣpā nityaphalās taravaḥ skandhavistṛtāḥ | kālavarṣī ca parjanyaḥ sukhasparśaś ca mārutaḥ ||
svakarmasu pravartante tuṣṭhāḥ svair eva karmabhiḥ | āsan prajā dharmaparā rāme śāsati nānṛtāḥ ||
sarve lakṣaṇasaṃpannāḥ sarve dharmaparāyaṇāḥ | daśavarṣasahasrāṇi rāmo rājyam akārayat ||
Высочайше щедрый Рагхава правил с великой радостью. Рама, любящий дхарму, сказал Лакшмане, знающему дхарму: «Знаток дхармы, правь этой землёй вместе со мной; она принадлежала прежним царям и была удержана нашими отцами. Ты равен мне: неси ношу ювараджи». Но когда Саумитри, хотя его упрашивали всем сердцем, не согласился принять назначение ювараджей на земле, великодушный Рама помазал Бхарату. Получив непревзойдённое царство, праведный Рагхава вместе с друзьями, братьями и родными совершал многообразные жертвоприношения. Бык среди царей неоднократно совершал Паундарика, Ашвамедху, Ваджапею и другие разные жертвы. Правя десять тысяч лет, Рагхава совершил сто ашвамедх с хорошими конями и богатыми дарами. Длиннорукий, с руками до колен, широкоплечий и могучий, Рама, сопровождаемый Лакшманой, защищал землю. Когда Рама правил царством, вдовы не плакали, не было страха от диких зверей и болезней. Мир стал свободен от разбойников, несчастье никого не касалось, и старшие не совершали погребальных обрядов для детей. Всё было радостным, каждый был предан дхарме, и, видя перед собой одного Раму, люди не причиняли вреда друг другу. При правлении Рамы люди жили тысячи лет, имели тысячи сыновей, были свободны от болезней и скорби. Деревья были вечно цветущими, вечно плодоносящими, с широкими стволами; дождь шёл вовремя, ветер был приятен на ощупь. Подданные, довольные собственными обязанностями, действовали в своём деле; при правлении Рамы они были преданы дхарме и не говорили лжи. Все были наделены благими признаками, все были устремлены к дхарме, и Рама правил царством десять тысяч лет.
ca83c0bc5216 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Описание Рама-раджьи завершает Yuddha-kāṇḍa не военной победой, а плодом дхармы: общество, природа, семья, ритуал и правда приходят в согласие, когда власть служит праведности.