एवम् उक्ता तु सा कन्या राम कालेन केन चित् । जनयाम् आस बीभत्सं रक्षोरूपं सुदारुणम् ॥
दशशीर्षं महादंष्ट्रं नीलाञ्जनचयोपमम् । ताम्रौष्ठं विंशतिभुजं महास्यं दीप्तमूर्धजम् ॥
जातमात्रे ततस् तस्मिन् सज्वालकवलाः शिवाः । क्रव्यादाश् चापसव्यानि मण्डलानि प्रचक्रिरे ॥
ववर्ष रुधिरं देवो मेघाश् च खरनिस्वनाः । प्रबभौ न च खे सूर्यो महोल्काश् चापतन् भुवि ॥
अथ नामाकरोत् तस्य पितामहसमः पिता । दशशीर्षः प्रसूतो ऽयं दशग्रीवो भविष्यति ॥
तस्य त्व् अनन्तरं जातः कुम्भकर्णो महाबलः । प्रमाणाद् यस्य विपुलं प्रमाणं नेह विद्यते ॥
ततः शूर्पणखा नाम संजज्ञे विकृतानना । विभीषणश् च धर्मात्मा कैकस्याः पश्चिमः सुतः ॥
ते तु तत्र महारण्ये ववृधुः सुमहौजसः । तेषां क्रूरो दशग्रीवो लोकोद्वेगकरो ऽभवत् ॥
कुम्भकर्णः प्रमत्तस् तु महर्षीन् धर्मसंश्रितान् । त्रैलोक्यं त्रासयन् दुष्टो भक्षयन् विचचार ह ॥
विभीषणस् तु धर्मात्मा नित्यं धर्मपथे स्थितः । स्वाध्यायनियताहार उवास नियतेन्द्रियः ॥
evam uktā tu sā kanyā rāma kālena kena cit | janayām āsa bībhatsaṃ rakṣorūpaṃ sudāruṇam ||
daśaśīrṣaṃ mahādaṃṣṭraṃ nīlāñjanacayopamam | tāmrauṣṭhaṃ viṃśatibhujaṃ mahāsyaṃ dīptamūrdhajam ||
jātamātre tatas tasmin sajvālakavalāḥ śivāḥ | kravyādāś cāpasavyāni maṇḍalāni pracakrire ||
vavarṣa rudhiraṃ devo meghāś ca kharanisvanāḥ | prababhau na ca khe sūryo maholkāś cāpatan bhuvi ||
atha nāmākarot tasya pitāmahasamaḥ pitā | daśaśīrṣaḥ prasūto 'yaṃ daśagrīvo bhaviṣyati ||
tasya tv anantaraṃ jātaḥ kumbhakarṇo mahābalaḥ | pramāṇād yasya vipulaṃ pramāṇaṃ neha vidyate ||
tataḥ śūrpaṇakhā nāma saṃjajñe vikṛtānanā | vibhīṣaṇaś ca dharmātmā kaikasyāḥ paścimaḥ sutaḥ ||
te tu tatra mahāraṇye vavṛdhuḥ sumahaujasaḥ | teṣāṃ krūro daśagrīvo lokodvegakaro 'bhavat ||
kumbhakarṇaḥ pramattas tu maharṣīn dharmasaṃśritān | trailokyaṃ trāsayan duṣṭo bhakṣayan vicacāra ha ||
vibhīṣaṇas tu dharmātmā nityaṃ dharmapathe sthitaḥ | svādhyāyaniyatāhāra uvāsa niyatendriyaḥ ||
Так сказанная, эта девушка, о Рама, через некоторое время родила существо ракшасского облика — отвратительное и крайне страшное: десятиголовое, с великими клыками, подобное груде синей сурьмы, медногубое, двадцатирукое, широкоротое, с пылающими волосами. Когда он только родился, шакалы с огненными пастями и плотоядные существа стали ходить противосолнечными кругами. Небо пролило дождь крови, тучи загудели грубым гулом, солнце не сияло в небе, и великие метеоры падали на землю. Тогда отец, равный Прародителю, дал ему имя: «Этот родился десятиголовым; он будет Дашагривой». После него родился великосильный Кумбхакарна, чьей огромной мере здесь не было меры. Затем родилась Шурпанакха с уродливым лицом, а последним сыном Кайкаси был Вибхишана, праведная душа. Они выросли там, в великом лесу, исполненные огромной силы. Из них жестокий Дашагрива стал тревожить мир. Злой и безумный Кумбхакарна странствовал, пугая три мира и пожирая великих риши, преданных дхарме. Вибхишана же, праведная душа, всегда стоял на пути дхармы: жил в самоизучении, умеренности в пище и обуздании чувств.
1cf61e22fca9 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Рождение Дашагривы сопровождается знамениями разрушения, но рядом с ним рождается Вибхишана. Один и тот же дом становится местом выбора: сила может стать тревогой мира, а может стать верностью дхарме.