śrī-śuka uvāca
इत्य् अनुज्ञाप्य दाशार्हं धृतराष्ट्रं युधिष्ठिरम्
राजर्षे स्वाश्रमान् गन्तुं मुनयो दधिरे मनः
तद् वीक्ष्य तान् उपव्रज्य वसुदेवो महा-यशाः
प्रणम्य चोपसङ्गृह्य बभाषेदं सु-यन्त्रितः
नमो वः सर्व-देवेभ्य ऋषयः श्रोतुम् अर्हथ
कर्मणा कर्म-निर्हारो यथा स्यान् नस् तद् उच्यताम्
नाति-चित्रम् इदं विप्रा वसुदेवो बुभुत्सया
कृष्णम् मत्वार्भकं यन् नः पृच्छति श्रेय आत्मनः
सन्निकर्षो ऽत्र मर्त्यानाम् अनादरण-कारणम्
गाङ्गं हित्वा यथान्याम्भस् तत्रत्यो याति शुद्धये
यस्यानुभूतिः कालेन लयोत्पत्त्य्-आदिनास्य वै
स्वतो ऽन्यस्माच् च गुणतो न कुतश्चन रिष्यति
तं क्लेश-कर्म-परिपाक-गुण-प्रवाहैर् अव्याहतानुभवम् ईश्वरम् अद्वितीयम्
प्राणादिभिः स्व-विभवैर् उपगूढम् अन्यो मन्येत सूर्यम् इव मेघ-हिमोपरागैः
अथोचुर् मुनयो राजन्न् आभाष्यानल्सदुन्दभिम्
सर्वेषां शृण्वतां राज्ञां तथैवाच्युत-रामयोः
कर्मणा कर्म-निर्हार एष साधु-निरूपितः
यच् छ्रद्धया यजेद् विष्णुं सर्व-यज्ञेश्वरं मखैः
चित्तस्योपशमो ऽयं वै कविभिः शास्त्र-चक्षुसा
दर्शितः सु-गमो योगो धर्मश् चात्म-मुद्-आवहः
अयं स्वस्त्य्-अयनः पन्था द्वि-जातेर् गृह-मेधिनः
यच् छ्रद्धयाप्त-वित्तेन शुक्लेनेज्येत पूरुषः
वित्तैषणां यज्ञ-दानैर् गृहैर् दार-सुतैषणाम्
आत्म-लोकैषणां देव कालेन विसृजेद् बुधः
ग्रामे त्यक्तैषणाः सर्वे ययुर् धीरास् तपो-वनम्
ऋणैस् त्रिभिर् द्विजो जातो देवर्षि-पितॄणां प्रभो
यज्ञाध्ययन-पुत्रैस् तान्य् अनिस्तीर्य त्यजन् पतेत्
त्वं त्व् अद्य मुक्तो द्वाभ्यां वै ऋषि-पित्रोर् महा-मते
यज्ञैर् देवर्णम् उन्मुच्य निरृणो ऽशरणो भव
वसुदेव भवान् नूनं भक्त्या परमया हरिम्
जगताम् ईश्वरं प्रार्चः स यद् वां पुत्रतां गतः
ity anujñāpya dāśārhaṃ dhṛtarāṣṭraṃ yudhiṣṭhiram
rājarṣe svāśramān gantuṃ munayo dadhire manaḥ
tad vīkṣya tān upavrajya vasudevo mahā-yaśāḥ
praṇamya copasaṅgṛhya babhāṣedaṃ su-yantritaḥ
namo vaḥ sarva-devebhya ṛṣayaḥ śrotum arhatha
karmaṇā karma-nirhāro yathā syān nas tad ucyatām
nāti-citram idaṃ viprā vasudevo bubhutsayā
kṛṣṇam matvārbhakaṃ yan naḥ pṛcchati śreya ātmanaḥ
sannikarṣo 'tra martyānām anādaraṇa-kāraṇam
gāṅgaṃ hitvā yathānyāmbhas tatratyo yāti śuddhaye
yasyānubhūtiḥ kālena layotpatty-ādināsya vai
svato 'nyasmāc ca guṇato na kutaścana riṣyati
taṃ kleśa-karma-paripāka-guṇa-pravāhair avyāhatānubhavam īśvaram advitīyam
prāṇādibhiḥ sva-vibhavair upagūḍham anyo manyeta sūryam iva megha-himoparāgaiḥ
athocur munayo rājann ābhāṣyānalsadundabhim
sarveṣāṃ śṛṇvatāṃ rājñāṃ tathaivācyuta-rāmayoḥ
karmaṇā karma-nirhāra eṣa sādhu-nirūpitaḥ
yac chraddhayā yajed viṣṇuṃ sarva-yajñeśvaraṃ makhaiḥ
cittasyopaśamo 'yaṃ vai kavibhiḥ śāstra-cakṣusā
darśitaḥ su-gamo yogo dharmaś cātma-mud-āvahaḥ
ayaṃ svasty-ayanaḥ panthā dvi-jāter gṛha-medhinaḥ
yac chraddhayāpta-vittena śuklenejyeta pūruṣaḥ
vittaiṣaṇāṃ yajña-dānair gṛhair dāra-sutaiṣaṇām
ātma-lokaiṣaṇāṃ deva kālena visṛjed budhaḥ
grāme tyaktaiṣaṇāḥ sarve yayur dhīrās tapo-vanam
ṛṇais tribhir dvijo jāto devarṣi-pitṝṇāṃ prabho
yajñādhyayana-putrais tāny anistīrya tyajan patet
tvaṃ tv adya mukto dvābhyāṃ vai ṛṣi-pitror mahā-mate
yajñair devarṇam unmucya nirṛṇo 'śaraṇo bhava
vasudeva bhavān nūnaṃ bhaktyā paramayā harim
jagatām īśvaraṃ prārcaḥ sa yad vāṃ putratāṃ gataḥ
«Так испросив дозволения у Дашархи, Дхритараштры, Юдхиштхиры, о царь-провидец, молчальники положили ум идти в свои обители. Увидев то, подойдя к ним, Васудева, великославный, поклонившись и коснувшись [стоп], сказал это, весьма собранный: „Поклон вам, всем богам; о провидцы, изволите выслушать: как деянием [бывает] изведение деяния — то нам да будет сказано“. „Не слишком дивно это, о брахманы: Васудева, из желания узнать, сочтя Кришну ребёнком, спрашивает у нас о благе для самости; близость здесь у смертных — причина непочтения: как живущий там, оставив воду Ганги, идёт к иной воде ради очищения. Чьё восприятие ни Временем — растворением, возникновением и прочим этого [мира], ни от себя, ни от иного, ни от гун — ниоткуда не терпит ущерба; его, чьё восприятие не пресечено потоками мучений, деяний, их созревания и гун, — господа, недвойственного, укрытого своими проявлениями — дыханиями и прочим, — иной сочтёт [иным] — как солнце из-за туч, инея и затмений“. Затем сказали молчальники, о царь, обратившись к Анакадундубхи, при слушающих всех царях, а также Ачьюте и Раме: „Деянием изведение деяния — это хорошо установлено: то, что с верою чтут Вишну, владыку всех жертв, жертвоприношениями; это ведь и есть успокоение сознания, показанное вещими оком шастры — легкопроходимая йога и дхарма, приносящая радость самости. Это — путь ко благу для дваждырождённого домохозяина: чтобы с верою, добытым по правде, чистым [имуществом] чтили Пурушу. Искание богатства — жертвами и даяниями, искание жены и сына — домами, искание своего мира — со временем да оставит мудрый, о бог; все стойкие, оставившие искания в селении, уходили в лес подвижничества. Дваждырождённый рождён с тремя долгами — богам, провидцам и предкам, о владыка; жертвами, изучением и сыновьями [платятся] они; не переправившись через них, оставляющий [тело] падёт. Ты же ныне свободен от двух — [долгов] провидцам и предкам, о великоразумный; жертвами сбросив долг богам, стань бездолжным [и] безприбежищным. О Васудева, ты, воистину, высшею преданностью Хари, владыку миров, прежде чтил — раз он пришёл к сыновству у вас двоих“».
2e95da89b7e4 · published Aug 16, 2026, 2:00:00 AM UTC
Available inRUPage between verses with
Кришнам матва арбхакам — «сочтя Кришну ребёнком». Провидцы прямо называют причину вопроса: отец видит в нём сына. Это сказано в его же присутствии.
Гангам хитва... аньямбхах — «оставив воду Ганги... к иной воде». Пример взят из жизни у реки: живущий на берегу ходит мыться в другое место.
Сурьям ива мегха-хима-упарагаих — «как солнце из-за туч, инея и затмений». Три помехи зрению названы разного рода: облако, иней на глазу и затмение. Ни одна не затрагивает солнца.
Кармана карма-нирхарах — «деянием изведение деяния». Вопрос и ответ сходятся в одной формуле: выход из дела — через дело.
Ринаих трибхих — «с тремя долгами». Жизнь домохозяина описана как погашение долгов: жертвы, изучение, сыновья. Уход прежде расчёта назван падением.
Нирринах а-шаранах бхава — «стань бездолжным [и] безприбежищным». Свобода определена через отсутствие опоры. Расплатившись, человек остаётся ни за что не держащимся.