यत्र ते शकुना राजंश् चत्वारो योगधर्मिणः योगभ्रष्टास् त्रयश् चैव देहन्यासकृतो ऽभवन् ॥
काम्पिल्ये नगरे ते तु ब्रह्मदत्तपुरोगमाः जाताः सप्त महात्मानः सर्वे विगतकल्मषाः स्मृतिमन्तो ऽत्र चत्वारस् त्रयस् तु परिमोहिताः ॥
स्वतन्त्रस् त्व् अणुहाज् जज्ञे ब्रह्मदत्तो महायशाः यथास्यासीत् पक्षिभावे संकल्पः पूर्वचिन्तितः ॥
छिद्रदर्शी सुनेत्रश् च तथा बाभ्रव्यवत्सयोः जातौ श्रोत्रियदायादौ वेदवेदाङ्गपारगौ ॥
सखायौ ब्रह्मदत्तस्य पूर्वजातिसहोषितौ पाञ्चालः पञ्चमस् तत्र कण्डरीकस् तथापरः ॥
पाञ्चालो बह्वृचस् त्व् आसीद् आचार्यत्वं चकार ह द्विवेदः कण्डरीकस् तु छन्दोगो ऽध्वर्युर् एव च ॥
सर्वसत्त्वरुतज्ञश् च राजासीद् अणुहात्मजः पाञ्चालकण्डरीकाभ्यां तस्य संविद् अभूत् तदा ॥
ते ग्राम्यधर्मनिरताः कामस्य वशवर्तिनः पूर्वजातिकृतेनासन् धर्मकामार्थकोविदाः ॥
अणुहस् तु नृपश्रेष्ठो ब्रह्मदत्तम् अकल्मषम् अभिषिच्य तदा राज्ये परां गतिम् अवाप्तवान् ॥
ब्रह्मदत्तस्य भार्या तु देवलस्यात्मजाभवत् असितस्य योगदुर्धर्षा संनतिर् नाम भारत ॥
ताम् एकभावसंयुक्तां लेभे कन्याम् अनुत्तमाम् संनतिं संनतिमतीं देवलाद् योगधर्मिणीम् ॥
yatra te śakunā rājaṃś catvāro yogadharmiṇaḥ yogabhraṣṭās trayaś caiva dehanyāsakṛto 'bhavan ||
kāmpilye nagare te tu brahmadattapurogamāḥ jātāḥ sapta mahātmānaḥ sarve vigatakalmaṣāḥ smṛtimanto 'tra catvāras trayas tu parimohitāḥ ||
svatantras tv aṇuhāj jajñe brahmadatto mahāyaśāḥ yathāsyāsīt pakṣibhāve saṃkalpaḥ pūrvacintitaḥ ||
chidradarśī sunetraś ca tathā bābhravyavatsayoḥ jātau śrotriyadāyādau vedavedāṅgapāragau ||
sakhāyau brahmadattasya pūrvajātisahoṣitau pāñcālaḥ pañcamas tatra kaṇḍarīkas tathāparaḥ ||
pāñcālo bahvṛcas tv āsīd ācāryatvaṃ cakāra ha dvivedaḥ kaṇḍarīkas tu chandogo 'dhvaryur eva ca ||
sarvasattvarutajñaś ca rājāsīd aṇuhātmajaḥ pāñcālakaṇḍarīkābhyāṃ tasya saṃvid abhūt tadā ||
te grāmyadharmaniratāḥ kāmasya vaśavartinaḥ pūrvajātikṛtenāsan dharmakāmārthakovidāḥ ||
aṇuhas tu nṛpaśreṣṭho brahmadattam akalmaṣam abhiṣicya tadā rājye parāṃ gatim avāptavān ||
brahmadattasya bhāryā tu devalasyātmajābhavat asitasya yogadurdharṣā saṃnatir nāma bhārata ||
tām ekabhāvasaṃyuktāṃ lebhe kanyām anuttamām saṃnatiṃ saṃnatimatīṃ devalād yogadharmiṇīm ||
«Там, о царь, четыре птицы следовали дхарме йоги, а трое, отпавшие от йоги, оставили тела. В городе Кампилье семеро великих душ во главе с Брахмадаттой родились вновь, все свободные от скверны: четверо сохранили память, а трое были омрачены. Сватантра родился от Анухи как великославный Брахмадатта, согласно тому замыслу, который он прежде обдумал в птичьем состоянии. Чхидрадарши и Сунетра родились наследниками шротриев в родах Бабхравьи и Ватсы, знатоками Веды и веданг. Они стали друзьями Брахмадатты, с которыми он жил вместе в прежнем рождении; пятым был Панчала, а другим — Кандарика. Панчала был бахврича и стал учителем; Кандарика был Двиведа, чхандога и адхварью. Сын Анухи стал царём, знающим голоса всех существ, и благодаря Панчале и Кандарике у него тогда пробудилось понимание. Хотя они были заняты мирской дхармой и находились под властью желания, по силе прежней кармы они были сведущи в дхарме, каме и артхе. Лучший из царей Ануха помазал безупречного Брахмадатту на царство и достиг высшего пути. Женой Брахмадатты стала дочь Девалы, о Бхарата, Самнати по имени, дочь Аситы, неодолимая в йоге. Он получил эту непревзойдённую деву, преданную одному сердцем, почтительную Самнати, следующую дхарме йоги».
2550a0d17c39 · published Jun 22, 2026, 3:30:43 AM UTC
Available inRUPage between verses with
Память и заблуждение разделяют бывших йогинов. Те, кто сохраняет внутреннюю связь, рождаются в ведийской среде и снова обретают знание. Так прежняя карма не исчезает: она становится основанием для нового понимания и возвращения к пути.