भजमानस्य पुत्रो ऽथ रथमुख्यो विदूरथः राजाधिदेवः शूरस् तु विदूरथसुतो ऽभवत् ॥
राजाधिदेवस्य सुता जज्ञिरे वीर्यवत्तराः दत्तातिदत्तौ बलिनौ शोणाश्वः श्वेतवाहनः ॥
शमी च दण्डशर्मा च दत्तशत्रुश् च शत्रुजित् श्रवणा च श्रविष्ठा च स्वसारौ संबभूवतुः ॥
शमीपुत्रः प्रतिक्षत्रः प्रतिक्षत्रस्य चात्मजः स्वयंभोजः स्वयंभोजाद् धृदिकः संबभूव ह ॥
तस्य पुत्रा बभूवुर् हि सर्वे भीमपराक्रमाः कृतवर्माग्रजस् तेषां शतधन्वा तु मध्यमः ॥
देवान्तश् च नरान्तश् च भिषग् वैतरणश् च यः सुदान्तश् चाधिदान्तश् च कीनाशो दामदम्भकौ ॥
देवान्तस्याभवत् पुत्रो विद्वान् कम्बलबर्हिषः असमौजास् तथा वीरो नासमौजाश् च ताव् उभौ ॥
अजातपुत्राय सुतान् प्रददाव् असमौजसे सुदंष्ट्रं च सुचारुं च कृष्णम् इत्य् अन्धकाः स्मृताः ॥
गान्धारी चैव माद्री च क्रोष्टोर् भार्ये बभूवतुः गान्धारी जनयाम् आस सुमित्रं मित्रनन्दनम् ॥
माद्री युधाजितं पुत्रं ततो वै देवमीढुषम् अनमित्रम् अमित्राणां जेतारं च महाबलम् ॥
अनमित्रसुतो निघ्नो निघ्नस्य द्वौ बभूवतुः प्रसेनश् चाथ सत्राजिच् छत्रुसेनाजिताव् उभौ ॥
प्रसेनो द्वारवत्यां तु निविशन्त्यां महामणिम् दिव्यं स्यमन्तकं नाम समुद्राद् उपलब्धवान् ॥
bhajamānasya putro 'tha rathamukhyo vidūrathaḥ rājādhidevaḥ śūras tu vidūrathasuto 'bhavat ||
rājādhidevasya sutā jajñire vīryavattarāḥ dattātidattau balinau śoṇāśvaḥ śvetavāhanaḥ ||
śamī ca daṇḍaśarmā ca dattaśatruś ca śatrujit śravaṇā ca śraviṣṭhā ca svasārau saṃbabhūvatuḥ ||
śamīputraḥ pratikṣatraḥ pratikṣatrasya cātmajaḥ svayaṃbhojaḥ svayaṃbhojād dhṛdikaḥ saṃbabhūva ha ||
tasya putrā babhūvur hi sarve bhīmaparākramāḥ kṛtavarmāgrajas teṣāṃ śatadhanvā tu madhyamaḥ ||
devāntaś ca narāntaś ca bhiṣag vaitaraṇaś ca yaḥ sudāntaś cādhidāntaś ca kīnāśo dāmadambhakau ||
devāntasyābhavat putro vidvān kambalabarhiṣaḥ asamaujās tathā vīro nāsamaujāś ca tāv ubhau ||
ajātaputrāya sutān pradadāv asamaujase sudaṃṣṭraṃ ca sucāruṃ ca kṛṣṇam ity andhakāḥ smṛtāḥ ||
gāndhārī caiva mādrī ca kroṣṭor bhārye babhūvatuḥ gāndhārī janayām āsa sumitraṃ mitranandanam ||
mādrī yudhājitaṃ putraṃ tato vai devamīḍhuṣam anamitram amitrāṇāṃ jetāraṃ ca mahābalam ||
anamitrasuto nighno nighnasya dvau babhūvatuḥ prasenaś cātha satrājic chatrusenājitāv ubhau ||
praseno dvāravatyāṃ tu niviśantyāṃ mahāmaṇim divyaṃ syamantakaṃ nāma samudrād upalabdhavān ||
Вайшампаяна сказал: «Сыном Бхаджаманы был Видурадха, лучший среди колесничих; Раджадхидева и Шура были сыновьями Видурадхи. У Раджадхидевы родились очень доблестные сыновья: могучие Датта и Атидатта, Шонашва и Шветавахана, Шами, Дандашарман, Датташатру и Шатруджит; Шравана и Шравиштха появились как сёстры. Сыном Шами был Пратикшатра, а потомком Пратикшатры — Сваямбходжа; от Сваямбходжи родился Дхридика. Его сыновья были все грозной доблести: старшим среди них был Критаварма, средним — Шатадханван. Далее были Деванта, Наранта, Бхишак, Вайтарана, Суданта, Адхиданта, Кинаша, Дама и Дамбхака. У Деванты был мудрый сын Камбалабархиша, а от него — герои Асамауджас и Насамауджас. Бездетному Асамауджасу были переданы сыновья: Судамштра, Сучару и Кришна; они известны как Андхаки. Гандхари и Мадри были жёнами Крошту. Гандхари родила Сумитру, радующего друзей, а Мадри родила Юдхаджита, затем Девамидхуша и могучего Анамитру, победителя врагов. Сыном Анамитры был Нигхна, а у Нигхны было двое сыновей: Прасена и Сатраджит, а также Шатрусена и Аджита. Когда заселялась Дваравати, Прасена получил из океана великий божественный самоцвет по имени Сьямантака».
8c44ea6fc9fc · published Jun 22, 2026, 3:30:51 AM UTC
Available inRUPage between verses with
Родословное перечисление переходит в конкретный сюжет: среди Андхаков появляется Сатраджит и самоцвет Сьямантака. Так семейная линия становится местом испытания репутации Кришны.