मरुतो देवगन्धर्वा विद्याधरगणैः सह चिक्रीडुर् असिभिः शुभ्रैर् निर्मुक्तैर् इव पन्नगैः ॥
सृजन्तः सर्पपतयस् तीव्रं रोषमयं विषम् शरभूताः सुरेन्द्राणां चेरुर् व्यात्तमुखा दिवि ॥
पर्वतास् तु शिलाशृङ्गैः शतशाखैश् च पादपैः उपतस्थुः सुरगणान् प्रहर्तुं दानवं बलम् ॥
यः स देवो हृषीकेशः पद्मनाभस् त्रिविक्रमः कृष्णवर्त्मा युगान्ताभो विश्वस्य जगतः प्रभुः ॥
समुद्रयोनिर् मधुहा हव्यभुक् क्रतुसत्कृतः भूम्यापोव्योमभूतात्मा स्यामः शान्तिकरो ऽरिहा ॥
सो ऽर्कम् अग्नाव् इवोद्यन्तम् उद्यम्योत्तमतेजसम् अरिघ्नम् असुरानीके चक्रं चक्रगदाधरः सपरीवेषम् उद्यन्तं सवितुर् मण्डलं यथा ॥
सव्येनालम्ब्य महतीं सर्वासुरविनाशिनीम् करेण कालीं वपुषा शत्रुकालप्रदां गदाम् ॥
शेषैर् भुजैः प्रदीप्तानि भुजगारिध्वजः प्रभुः दधारायुधजातानि शार्ङ्गादीनि महायशाः ॥
स कश्यपस्यात्मभुवं द्विजं भुजगभोजनम् पवनाधिकसंपातं गगनक्षोभणं खगम् ॥
भुजगेन्द्रेण वदने निविष्टेन विराजितम् अमृतारम्भनिर्मुक्तं मन्दराद्रिम् इवोच्छ्रितम् ॥
देवासुरविमर्देषु शतशो दृष्टविक्रमम् महेन्द्रेणामृतस्यार्थे वज्रेण कृतलक्षणम् ॥
शिखिनं चूडिनं चैव तप्तकुण्डलभूषणम् विचित्रपत्रवसनं धातुमन्तम् इवाचलम् ॥
स्फीतक्रोडावलम्बेन शीतांशुसमतेजसा भोगिभोगावसक्तेन मणिरत्नेन भास्वता ॥
पक्षाभ्यां चारुपत्राभ्याम् आवृत्य दिवि लीलया युगान्ते सेन्द्रचापाभ्यां तोयदाभ्याम् इवाम्बरम् ॥
नीललोहितपीताभिः पताकाभिर् अलंकृतम् केतुवेषप्रतिच्छन्नं महाकायनिकेतनम् ॥
अरुणावरजं श्रीमान् आरुरोह रणे हरिः सुपर्णः स्वेन वपुषा सुपर्णं खेचरोत्तमम् ॥
तम् अन्वयुर् देवगणा मुनयश् च समाहिताः गीर्भिः परममन्त्राभिस् तुष्टुवुश् च गदाधरम् ॥
maruto devagandharvā vidyādharagaṇaiḥ saha cikrīḍur asibhiḥ śubhrair nirmuktair iva pannagaiḥ ||
sṛjantaḥ sarpapatayas tīvraṃ roṣamayaṃ viṣam śarabhūtāḥ surendrāṇāṃ cerur vyāttamukhā divi ||
parvatās tu śilāśṛṅgaiḥ śataśākhaiś ca pādapaiḥ upatasthuḥ suragaṇān prahartuṃ dānavaṃ balam ||
yaḥ sa devo hṛṣīkeśaḥ padmanābhas trivikramaḥ kṛṣṇavartmā yugāntābho viśvasya jagataḥ prabhuḥ ||
samudrayonir madhuhā havyabhuk kratusatkṛtaḥ bhūmyāpovyomabhūtātmā syāmaḥ śāntikaro 'rihā ||
so 'rkam agnāv ivodyantam udyamyottamatejasam arighnam asurānīke cakraṃ cakragadādharaḥ saparīveṣam udyantaṃ savitur maṇḍalaṃ yathā ||
savyenālambya mahatīṃ sarvāsuravināśinīm kareṇa kālīṃ vapuṣā śatrukālapradāṃ gadām ||
śeṣair bhujaiḥ pradīptāni bhujagāridhvajaḥ prabhuḥ dadhārāyudhajātāni śārṅgādīni mahāyaśāḥ ||
sa kaśyapasyātmabhuvaṃ dvijaṃ bhujagabhojanam pavanādhikasaṃpātaṃ gaganakṣobhaṇaṃ khagam ||
bhujagendreṇa vadane niviṣṭena virājitam amṛtārambhanirmuktaṃ mandarādrim ivocchritam ||
devāsuravimardeṣu śataśo dṛṣṭavikramam mahendreṇāmṛtasyārthe vajreṇa kṛtalakṣaṇam ||
śikhinaṃ cūḍinaṃ caiva taptakuṇḍalabhūṣaṇam vicitrapatravasanaṃ dhātumantam ivācalam ||
sphītakroḍāvalambena śītāṃśusamatejasā bhogibhogāvasaktena maṇiratnena bhāsvatā ||
pakṣābhyāṃ cārupatrābhyām āvṛtya divi līlayā yugānte sendracāpābhyāṃ toyadābhyām ivāmbaram ||
nīlalohitapītābhiḥ patākābhir alaṃkṛtam ketuveṣapraticchannaṃ mahākāyaniketanam ||
aruṇāvarajaṃ śrīmān āruroha raṇe hariḥ suparṇaḥ svena vapuṣā suparṇaṃ khecarottamam ||
tam anvayur devagaṇā munayaś ca samāhitāḥ gīrbhiḥ paramamantrābhis tuṣṭuvuś ca gadādharam ||
Маруты, божественные гандхарвы и сонмы видьядхаров играли светлыми мечами, словно выпущенными змеями. Змеиные владыки, источая жгучий яд гнева, стали стрелами владык богов и летали по небу с раскрытыми пастями. Горы со скальными пиками и деревьями о сотнях ветвей приблизились к сонмам богов, чтобы поразить войско данавов. Тогда Господь Хришикеша, Падманабха, Тривикрама, владыка всей вселенной, тёмнопламенный и подобный концу юги, рождённый из океана, убийца Мадху, принимающий хави и почитаемый жертвами, чья природа — земля, вода и небо, смуглый умиротворитель и губитель врагов, поднял диск высшего сияния: в войске асуров он был врагоубийственным, восходил с ореолом, словно солнечный круг, подобный солнцу, поднимающемуся в огне. Левой рукой он взял великую палицу, уничтожающую всех асуров, тёмную обликом и несущую врагам гибель; остальными руками Господь со знаменем врага змей держал сияющие оружия, начиная с Шарнги. Он взошёл на птицу, рождённую от Кашьяпы, дваждырождённую пожирательницу змей, летящую быстрее ветра и сотрясающую небо: она сияла с царём змей во рту, была высокой как Мандара, выпущенная при добывании амриты, сотни раз проявляла доблесть в битвах богов и асуров и была отмечена ваджрой Махендры ради амриты. Пернатая, хохлатая, украшенная раскалёнными серьгами и пёстрыми крыльями, она была как гора, богатая рудами; с широкой грудью, сиянием как у луны, оплетённая змеиными кольцами и блистающим самоцветом, она легко закрывала в небе своими прекрасными крыльями пространство, словно небо в конце юги между двумя тучами и двумя радугами Индры. Украшенная синими, красными и жёлтыми знамёнами, скрытая обликом стяга, обитель огромного тела, эта Супарна своим собственным обликом была лучшей из небесных птиц; на неё в битве взошёл славный Хари, младший брат Аруны. За ним последовали сонмы богов и сосредоточенные муни, высшими мантрами восхваляя Гададхару.
801dcfb0134d · published Jun 22, 2026, 3:30:56 AM UTC
Available inRUPage between verses with
Появление Гададхары переводит описание войска в центр: оружие, стихии, Гаруда и мантры сходятся вокруг Вишну. Он одновременно грозен для врагов и умиротворяет мир, поэтому его сила не разрушительна сама по себе, а направлена на восстановление дхармы.