सा दीप्तशस्त्रप्रवरा दैत्यानां शुशुभे चमूः द्यौर् निमीलितनक्षत्रा घननीलाम्बुदागमे ॥
देवतानाम् अपि चमूर् मुमुदे शक्रपालिता दीप्ता शीतोष्णतेजोभ्यां चन्द्रभास्करतेजसा ॥
वायुवेगवती सौम्या तारागणपताकिनी तोयदाविद्धवसना ग्रहनक्षत्रहासिनी ॥
यमेन्द्रवरुणैर् गुप्ता धनदेन च धीमता संप्रदीप्ताग्निपवना नारायणपरायणा ॥
सा समुद्रौघसदृशी दिव्या देवमहाचमूः रराजास्त्रवती भीमा यक्षगन्धर्वशालिनी ॥
तयोश् चम्वोस् तदानीं तु बभूव स समागमः द्वावापृथिव्योः संयोगो यथा स्याद् युगपर्यये ॥
तद्युद्धम् अभवद् घोरं देवदानवसंकुलम् क्षमापराक्रममयं दर्पस्य विनयस्य च ॥
निश्चक्रमुर् बलाभ्यां तु ताभ्यां भीमाः सुरासुराः पूर्वापराभ्यां संरब्धाः सागराभ्याम् इवाम्बुदाः ॥
ताभ्यां बलाभ्यां संहृष्टाश् चेरुस् ते देवदानवाः वनाभ्यां पार्वतीयाभ्यां पुष्पिताभ्यां यथा गजाः ॥
समाजघ्नुस् ततो भेरीः शङ्खान् दध्मुश् च नैकशः स द्यां दिवं भुवं चैव दिशश् च समपूरयत् ॥
ज्याघाततलनिर्घोषो धनुषां कूजितानि च दुंदुभीनां च निनदा दैत्यम् अन्तर्दधुः स्वनम् ॥
sā dīptaśastrapravarā daityānāṃ śuśubhe camūḥ dyaur nimīlitanakṣatrā ghananīlāmbudāgame ||
devatānām api camūr mumude śakrapālitā dīptā śītoṣṇatejobhyāṃ candrabhāskaratejasā ||
vāyuvegavatī saumyā tārāgaṇapatākinī toyadāviddhavasanā grahanakṣatrahāsinī ||
yamendravaruṇair guptā dhanadena ca dhīmatā saṃpradīptāgnipavanā nārāyaṇaparāyaṇā ||
sā samudraughasadṛśī divyā devamahācamūḥ rarājāstravatī bhīmā yakṣagandharvaśālinī ||
tayoś camvos tadānīṃ tu babhūva sa samāgamaḥ dvāvāpṛthivyoḥ saṃyogo yathā syād yugaparyaye ||
tadyuddham abhavad ghoraṃ devadānavasaṃkulam kṣamāparākramamayaṃ darpasya vinayasya ca ||
niścakramur balābhyāṃ tu tābhyāṃ bhīmāḥ surāsurāḥ pūrvāparābhyāṃ saṃrabdhāḥ sāgarābhyām ivāmbudāḥ ||
tābhyāṃ balābhyāṃ saṃhṛṣṭāś cerus te devadānavāḥ vanābhyāṃ pārvatīyābhyāṃ puṣpitābhyāṃ yathā gajāḥ ||
samājaghnus tato bherīḥ śaṅkhān dadhmuś ca naikaśaḥ sa dyāṃ divaṃ bhuvaṃ caiva diśaś ca samapūrayat ||
jyāghātatalanirghoṣo dhanuṣāṃ kūjitāni ca duṃdubhīnāṃ ca ninadā daityam antardadhuḥ svanam ||
Войско дайтьев, сияющее лучшим оружием, блистало как небо, сомкнувшее звёзды при приходе густых синих туч. Но и войско богов, охраняемое Шакрой, радовалось: оно сияло холодным и жарким блеском луны и солнца, было быстрым как ветер, мягким, со звёздными сонмами как знаменами, одетым в тучи, улыбающимся планетами и созвездиями. Охраняемая Ямой, Индрой, Варуной и мудрым Дханадой, пылающая огнём и ветром и устремлённая к Нараяне, великая небесная армия богов была подобна океанскому потоку; страшная, полная оружия, богатая якшами и гандхарвами, она сияла. Тогда между двумя войсками произошло столкновение, словно в конце юги соединились небо и земля. Битва богов и данавов стала ужасной, смешанной, сотканной из терпения и натиска, гордости и смирения. Из двух войск выступили страшные боги и асуры, разъярённые с востока и запада, словно тучи между двумя океанами; обрадованные своими силами, они двигались как слоны между двумя цветущими горными лесами. Затем ударили бхери, много раз затрубили раковины, и этот звук наполнил небо, небеса, землю и все стороны; удары тетив и ладоней, гудение луков и грохот думдубхи заглушили звук дайтьи.
fdb53bb8ef76 · published Jun 22, 2026, 3:30:59 AM UTC
Available inRUPage between verses with
Картина боя становится космической: небо, светила, стороны света и Нараяна включены в поле сражения. Даже когда данавы поднимаются, текст не выпускает из виду высшую опору, к которой обращён сам небесный свод.