कृतकार्ये गते काले जगत्यां च यथानयम् अंशावतरणे वृत्ते सुराणां भारते कुले ॥
भागे ऽवतीर्णे धर्मस्य शक्रस्य पवनस्य च अश्विनोर् देवभिषजोर् भागे वै भास्करस्य च ॥
पूर्वम् एवावनिगते भागे देवपुरोधसः वसूनाम् अष्टमे भागे प्राग् एव धरणीं गते ॥
मृत्योर् भागे क्षितिगते कलेर् भागे तथैव च भागे सोमस्य वह्नेश् च वरुणस्य च गां गते ॥
शंकरस्य गते भागे विश्वेषां च दिवौकसाम् गन्धर्वोरगयक्षाणां भागांशेषु गतेष्व् अथ ॥
भागेष्व् एतेषु गगनाद् अवतीर्णेषु मेदिनीम् तिष्ठन् नारायणस्यांशे नारदः प्रत्यदृष्यत ॥
ज्वलिताग्निप्रतीकाशो बालार्कसदृशेक्षणः सव्यापवृत्तं विपुलं जटामण्डलम् उद्वहन् ॥
चन्द्रांशुशुक्ले वसने वसानो रुक्मभूषणः वीणां गृहीत्वा महतीं कक्षासक्तां सखीम् इव ॥
कृष्णाजिनोत्तरासङ्गो हेमयज्ञोपवीतवान् दण्डी कमण्डलुधरः साक्षाच् छक्र इवापरः ॥
भेत्ता जगति गुह्यानां विग्रहाणां ग्रहोपमः महर्षिर् विग्रहरुचिर् विद्वान् गान्धर्ववेदवित् ॥
वैरिकेलिकिलो विप्रो ब्राह्मः कलिर् इवापरः गाता चतुर्णां वेदानाम् उद्गाता प्रथमर्त्विजाम् ॥
स नारदो ऽथ ब्रह्मर्षिर् ब्रह्मलोकचरो ऽव्ययः स्थितो देवसभामध्ये संरब्धो विष्णुम् अब्रवीत् ॥
kṛtakārye gate kāle jagatyāṃ ca yathānayam aṃśāvataraṇe vṛtte surāṇāṃ bhārate kule ||
bhāge 'vatīrṇe dharmasya śakrasya pavanasya ca aśvinor devabhiṣajor bhāge vai bhāskarasya ca ||
pūrvam evāvanigate bhāge devapurodhasaḥ vasūnām aṣṭame bhāge prāg eva dharaṇīṃ gate ||
mṛtyor bhāge kṣitigate kaler bhāge tathaiva ca bhāge somasya vahneś ca varuṇasya ca gāṃ gate ||
śaṃkarasya gate bhāge viśveṣāṃ ca divaukasām gandharvoragayakṣāṇāṃ bhāgāṃśeṣu gateṣv atha ||
bhāgeṣv eteṣu gaganād avatīrṇeṣu medinīm tiṣṭhan nārāyaṇasyāṃśe nāradaḥ pratyadṛṣyata ||
jvalitāgnipratīkāśo bālārkasadṛśekṣaṇaḥ savyāpavṛttaṃ vipulaṃ jaṭāmaṇḍalam udvahan ||
candrāṃśuśukle vasane vasāno rukmabhūṣaṇaḥ vīṇāṃ gṛhītvā mahatīṃ kakṣāsaktāṃ sakhīm iva ||
kṛṣṇājinottarāsaṅgo hemayajñopavītavān daṇḍī kamaṇḍaludharaḥ sākṣāc chakra ivāparaḥ ||
bhettā jagati guhyānāṃ vigrahāṇāṃ grahopamaḥ maharṣir vigraharucir vidvān gāndharvavedavit ||
vairikelikilo vipro brāhmaḥ kalir ivāparaḥ gātā caturṇāṃ vedānām udgātā prathamartvijām ||
sa nārado 'tha brahmarṣir brahmalokacaro 'vyayaḥ sthito devasabhāmadhye saṃrabdho viṣṇum abravīt ||
Вайшампаяна сказал: Когда в должное время дело было исполнено и в мире всё пошло по установленному порядку, в роду Бхараты совершилось нисхождение божественных долей. Сошли доли Дхармы, Шакры, Паваны, Ашвинов — божественных врачей, Бхаскары, жреца богов, восьмого Васу, Мритью, Кали, Сомы, Огня, Варуны, Шанкары, всех небожителей, гандхарвов, урагов и якшей. Когда эти доли с неба вошли на землю, в доле Нараяны явился Нарада. Он был подобен пылающему огню, с глазами как юное солнце, нёс широкий пучок спутанных волос, откинутый влево, был одет в белые, как лунные лучи, одежды и украшен золотом. Он держал большую вину, прижатую к боку словно подруга, носил чёрную шкуру, золотой священный шнур, посох и камандалу и выглядел как другой Индра. Великий риши раскрывал тайны мира, сиял обликом, знал Гандхарва-веду, воспевал четыре Веды и был главным удгатаром среди первых жрецов. Этот Нарада, неувядающий брахмариши, странник мира Брахмы, стоя посреди собрания богов, с волнением обратился к Вишну.
e8767af26f6d · published Jun 22, 2026, 3:31:04 AM UTC
Available inRUPage between verses with
Нарада появляется не как внешний наблюдатель, а как голос, который связывает уже совершённые нисхождения с необходимостью личного участия Нараяны. Божественные доли вошли в мир, но без центра, без самого Господа, это движение ещё не достигает своей цели.