हम्भारवैः क्रन्दमाना न चेलुः स्तम्भितोपमाः निष्कम्पसक्थिश्रवणा निष्प्रयत्नखुराननाः हृष्टलोमार्द्रतनवः क्षामकुक्षिपयोधराः ॥
काश्चित् प्राणान् जहुः श्रान्ता निपेतुः काश्चिद् आतुराः काश्चित् सवत्साः पतिता गावः शीकरवेजिताः ॥
काश्चिद् आक्रम्य क्रोडेन वत्सांश् तिष्ठन्ति मातरः विमुखाः श्रान्तसक्थ्यश् च निराहाराः कृशोदराः ॥
पेतुर् आर्ता वेपमाना गावो वर्षपराजिताः वत्साश् चोन्मुखका बाला दामोदर मुखाः स्थिताः त्राहीति वदनैर् दीनैः कृष्णम् ऊचुर् इवार्तवत् ॥
गवां तत्कदनं दृष्ट्वा दुर्दिनागमजं भयम् गोपांश् चासन्नवदनान् कोपं कृष्णः समादधे ॥
स चिन्तयित्वा संरब्धो दृष्टो योगो गवाम् इति आत्मानम् आत्मना वाक्यम् इदम् आह प्रियंवदः ॥
अद्याहम् इमम् उत्पाट्य सकाननवनं गिरिम् कल्पयेयं गवां स्थानं वर्षत्राणाय दुर्धरम् ॥
अयं धृतो मया शैलो भूमीगृहनिभोपमः त्रास्यन्ते सव्रजा गावो मद्वश्यश् च भविष्यति ॥
एवं स चिन्तयित्वा तु विष्णुः सत्यपराक्रमः बाह्वोर् बलं दर्शयिष्यन् समीपं तं महीधरम् दोर्भ्यां उत्पाटयामास कृष्णो गिरिर् इवापरः ॥
स धृतः संगतो मेघैर् गिरिः सव्येन पाणिना गृहभावं गतस् तत्र गृहाकारेण वर्चसा ॥
hambhāravaiḥ krandamānā na celuḥ stambhitopamāḥ niṣkampasakthiśravaṇā niṣprayatnakhurānanāḥ hṛṣṭalomārdratanavaḥ kṣāmakukṣipayodharāḥ ||
kāścit prāṇān jahuḥ śrāntā nipetuḥ kāścid āturāḥ kāścit savatsāḥ patitā gāvaḥ śīkaravejitāḥ ||
kāścid ākramya kroḍena vatsāṃś tiṣṭhanti mātaraḥ vimukhāḥ śrāntasakthyaś ca nirāhārāḥ kṛśodarāḥ ||
petur ārtā vepamānā gāvo varṣaparājitāḥ vatsāś conmukhakā bālā dāmodara mukhāḥ sthitāḥ trāhīti vadanair dīnaiḥ kṛṣṇam ūcur ivārtavat ||
gavāṃ tatkadanaṃ dṛṣṭvā durdināgamajaṃ bhayam gopāṃś cāsannavadanān kopaṃ kṛṣṇaḥ samādadhe ||
sa cintayitvā saṃrabdho dṛṣṭo yogo gavām iti ātmānam ātmanā vākyam idam āha priyaṃvadaḥ ||
adyāham imam utpāṭya sakānanavanaṃ girim kalpayeyaṃ gavāṃ sthānaṃ varṣatrāṇāya durdharam ||
ayaṃ dhṛto mayā śailo bhūmīgṛhanibhopamaḥ trāsyante savrajā gāvo madvaśyaś ca bhaviṣyati ||
evaṃ sa cintayitvā tu viṣṇuḥ satyaparākramaḥ bāhvor balaṃ darśayiṣyan samīpaṃ taṃ mahīdharam dorbhyāṃ utpāṭayāmāsa kṛṣṇo girir ivāparaḥ ||
sa dhṛtaḥ saṃgato meghair giriḥ savyena pāṇinā gṛhabhāvaṃ gatas tatra gṛhākāreṇa varcasā ||
Коровы, жалобно мыча, не двигались, словно оцепеневшие: с неподвижными бёдрами и ушами, с обессиленными копытами и мордами, с вздыбленной шерстью, мокрыми телами, впалыми животами и выменами. Одни, утомлённые, оставляли жизнь; другие, страдая, падали; некоторые коровы падали вместе с телятами, дрожа от ледяных брызг. Матери охватывали телят грудью и стояли, отвернувшись, с усталыми ногами, без пищи и с худыми животами. Страдающие, дрожащие коровы, побеждённые дождём, падали; маленькие телята, подняв морды к Дамодаре, печальными лицами словно страдальчески говорили Кришне: «Защити!» Увидев мучение коров, страх от наступившего ненастья и пастухов с подавленными лицами, Кришна разгневался. Подумав: «Вот средство для коров», приятноречивый сказал сам себе: «Сегодня я вырву эту гору вместе с рощами и лесом и устрою для коров труднодержимое убежище от дождя. Эта гора, удержанная мной, станет подобна земному дому; коровы вместе со Враджем спасутся, и она будет мне подвластна». Так обдумав, Вишну истинной доблести, желая показать силу своих рук, как другая гора вырвал руками находившийся рядом Говардхан. Удержанная левой рукой и соединённая с облаками, гора там стала домом, сияя формой жилища.
56cec06e5c51 · published Jun 22, 2026, 3:44:11 AM UTC
Available inRUPage between verses with
Кришна отвечает не на оскорбление Индры, а на страдание коров. Его гнев рождается из защиты: Говардхана становится домом, потому что любовь к Враджу требует немедленного действия.