यथा नागः सुदुर्वृत्तो दमिनो यमुनाह्रदे विपुलश् च धृतः शैलो यथा वै भूधरस् त्वया ॥
दर्पोद्वृत्तश् च बलवान् अरिष्टो विनिपातितः परप्राणहरः केशी दुष्टात्मा च हतस् त्वया ॥
एतेनैव प्रयत्नेन वृद्धाव् उद्धृत्य दुःखितौ यथा धर्मम् अवाप्नोषि तत् कृष्ण परिचिन्त्यताम् ॥
निर्भर्त्स्यमानो यैर् दृष्टः पिता ते कृष्ण संसदि ते सर्वे चक्रुर् अश्रूणि नेत्रैर् दुःखान्विता भृशम् ॥
गर्भावकर्तनादीनि दुःखानि सुबहूनि सा माता ते देवकी कृष्ण कंसस्य सहते ऽवशा ॥
मातापितृभ्यां सर्वेण जातेन निभृतेन वै ऋणं वै प्रतिकर्तव्यं यथायोगम् उदाहृतम् ॥
एवं ते कुर्वतः कृष्ण मातापित्रोर् अनुग्रहम् परित्यजेतां तौ शोकं स्याच् च धर्मस् तवातुलः ॥
कृष्णस् तु विदितार्थो वै तम् आहामितदक्षिणम् बाढम् इत्य् एव तेजस्वी न च चुक्रोध केशवः ॥
yathā nāgaḥ sudurvṛtto damino yamunāhrade vipulaś ca dhṛtaḥ śailo yathā vai bhūdharas tvayā ||
darpodvṛttaś ca balavān ariṣṭo vinipātitaḥ paraprāṇaharaḥ keśī duṣṭātmā ca hatas tvayā ||
etenaiva prayatnena vṛddhāv uddhṛtya duḥkhitau yathā dharmam avāpnoṣi tat kṛṣṇa paricintyatām ||
nirbhartsyamāno yair dṛṣṭaḥ pitā te kṛṣṇa saṃsadi te sarve cakrur aśrūṇi netrair duḥkhānvitā bhṛśam ||
garbhāvakartanādīni duḥkhāni subahūni sā mātā te devakī kṛṣṇa kaṃsasya sahate 'vaśā ||
mātāpitṛbhyāṃ sarveṇa jātena nibhṛtena vai ṛṇaṃ vai pratikartavyaṃ yathāyogam udāhṛtam ||
evaṃ te kurvataḥ kṛṣṇa mātāpitror anugraham parityajetāṃ tau śokaṃ syāc ca dharmas tavātulaḥ ||
kṛṣṇas tu viditārtho vai tam āhāmitadakṣiṇam bāḍham ity eva tejasvī na ca cukrodha keśavaḥ ||
«Как тобой был обуздан злой змей в озере Ямуны, как была удержана огромная гора, держащая землю, как был повержен гордый и могучий Аришта, как был убит злодушный Кеши, отнимавший чужие жизни, так этим же усилием подними двух страдающих стариков. Обдумай, Кришна, как тебе обрести дхарму. Все, кто видел, как твоего отца порицали в собрании, плакали глазами, сильно охваченные болью. Твоя мать Деваки, беспомощная, терпит от Камсы очень многие страдания, начиная с рассечения утробы. Сказано, что каждый, кто рождён и взращён матерью и отцом, должен отплатить им долг как подобает. Если ты так окажешь милость матери и отцу, они оставят скорбь, а твоя дхарма будет несравненной». Кришна же, поняв смысл, сказал щедрому Акруре: «Да, именно так». Сияющий Кешава не разгневался.
20818d1965cd · published Jun 22, 2026, 3:44:15 AM UTC
Available inRUPage between verses with
Перечень прежних подвигов становится мерой следующего дела. Победить Камсу значит не только наказать тирана, но и вернуть родителям достоинство и покой.