सुयामुनं नाम गिरिं मम माता रजस्वला प्रेक्षितुं सह सा स्त्रीभिर् गता वनकुतूहलात् ॥
सा तत्र रमणीयेषु रुचिरद्रुमसानुषु चचार नगशृङ्गेषु कन्दरेषु नदीषु च ॥
किंनरोद्गीतमधुराः प्रतिश्रुत्यानुनादिताः शृण्वन्ती कामजननीर् वाचः श्रोत्रसुखावहाः ॥
बर्हिणानां च विरुतं खगानां च विकूजितम् अभीक्ष्णम् अभिशृण्वन्ती स्त्रीधर्मम् अभिरोचयत् ॥
एतस्मिन्न् अन्तरे वायुर् वनराजिविनिःसृतः हृद्यः कुसुमगन्धाढ्यो ववौ मन्मथबोधनः ॥
द्विरेफाभरणाश् चैव कदम्बा वायुघट्टिताः मुमुचुर् गन्धम् अधिकं संततासारमूर्छिताः ॥
केसराः पुष्पवर्षैश् च ववृषुः मदबोधनाः नीपा दीपा इवाभान्ति पुष्पकण्टकधारिणः ॥
मही नवतृणच्छन्ना शक्रगोपविभूषिता यौवनस्थेव वनिता खं दधारार्तवं वपुः ॥
अथ सौभपतिः श्रीमान् द्रुमिलो नाम दानवः उग्रसेनस्य रूपेण मातरं मे प्रधर्षयत् ॥
suyāmunaṃ nāma giriṃ mama mātā rajasvalā prekṣituṃ saha sā strībhir gatā vanakutūhalāt ||
sā tatra ramaṇīyeṣu ruciradrumasānuṣu cacāra nagaśṛṅgeṣu kandareṣu nadīṣu ca ||
kiṃnarodgītamadhurāḥ pratiśrutyānunāditāḥ śṛṇvantī kāmajananīr vācaḥ śrotrasukhāvahāḥ ||
barhiṇānāṃ ca virutaṃ khagānāṃ ca vikūjitam abhīkṣṇam abhiśṛṇvantī strīdharmam abhirocayat ||
etasminn antare vāyur vanarājiviniḥsṛtaḥ hṛdyaḥ kusumagandhāḍhyo vavau manmathabodhanaḥ ||
dvirephābharaṇāś caiva kadambā vāyughaṭṭitāḥ mumucur gandham adhikaṃ saṃtatāsāramūrchitāḥ ||
kesarāḥ puṣpavarṣaiś ca vavṛṣuḥ madabodhanāḥ nīpā dīpā ivābhānti puṣpakaṇṭakadhāriṇaḥ ||
mahī navatṛṇacchannā śakragopavibhūṣitā yauvanastheva vanitā khaṃ dadhārārtavaṃ vapuḥ ||
atha saubhapatiḥ śrīmān drumilo nāma dānavaḥ ugrasenasya rūpeṇa mātaraṃ me pradharṣayat ||
«Моя мать, находясь в женской поре, из любопытства к лесу пошла с женщинами посмотреть гору Суямуну. Там, в прекрасных местах, на склонах с красивыми деревьями, она бродила по горным вершинам, ущельям и рекам. Она слушала сладкие от песен кимнаров звуки, откликавшиеся эхом, рождающие желание и приносящие наслаждение слуху, а также крики павлинов и щебетание птиц; слыша всё это снова и снова, она возжелала женского наслаждения. В это время ветер, вышедший из рядов леса, приятный и богатый ароматом цветов, повеял, пробуждая Каму. Кадамбы, украшенные пчёлами и качаемые ветром, одурманенные непрерывным истечением сока, излили ещё более сильный аромат. Кесары проливались цветочными дождями, пробуждая опьянение, а нипы, несущие цветочные колючки, сияли как светильники. Земля, покрытая молодой травой и украшенная алыми шакрагопами, словно юная женщина, приняла сезонный облик. Тогда славный владыка Саубхи, данава по имени Друмила, приняв облик Уграсены, надругался над моей матерью».
482b1f52a5e0 · published Jun 22, 2026, 3:57:31 AM UTC
Available inRUPage between verses with
Камса описывает природу как среду соблазна: ветер, цветы, птицы и весенний облик земли подводят к насилию Друмилы. Но сама сцена не оправдывает насилие; она раскрывает, как Камса объясняет собственную судьбу через осквернённое происхождение.