एवम् उक्ते तदा देव्या वाक्ये चिन्ताविलेक्षणा उषा भावं हृदा चक्रे भर्त्रा रंस्ये कदा सह ॥
ततो हैमवती वाक्यं संप्रहस्येदम् अब्रवीत् उषे शृणुष्व कल्याणि यदा संयोगम् एष्यसि ॥
वैशाखे मासि हर्म्यस्थां द्वादश्यां त्वां दिनक्षये धर्षयिष्यति यः स्वप्ने स ते भर्ता भविष्यति ॥
एवम् उक्ता दैत्यसुता कन्यागणसमावृता अपाक्रामत हर्षेण रममाणा यथासुखम् ॥
ततः क्रीडाविहारं तम् अनुभूय सहोमया गते ऽहनि पुनः सर्वास् ता नार्यो जग्मुर् अद्भुताः ॥
काश् चिद् अश्वैस् तथा यानैर् गजैर् अन्यास् तथा रथैः पुरं प्रविविशुर् हृष्टाः काश्चिद् आकाशम् आस्थिताः ॥
ततो हर्म्ये शयानां तु वैशाखे मासि भामिनीम् द्वादश्यां शुक्लपक्षस्य सखीगणवृतां तदा ॥
यथोक्तः पुरुषः स्वप्ने धर्षयाम् आस ताम् उषाम् विवेष्टमानां रुदतीं देव्या वचनचोदितः ॥
सा स्वप्ने धर्षिता तेन स्त्रीभावं चापि लम्भिता शोणिताक्ता प्ररुदती सहसैवोत्थिता निशि ॥
तां तथा रुदतीं दृष्ट्वा सखी भयसमन्विताम् चित्रलेखा वचः स्निग्धम् उवाच परम् आद्भुतम् ॥
उषे मा भैः किम् एवं त्वं रुदती परितप्यसे बलेः सुतसुता च त्वं प्रख्याता किं भयान्विता ॥
न भयं विद्यते लोके तव सुभ्रु विशेषतः भयदस् तव वामोरु पिता देवान्तको रणे ॥
उत्तिष्ठोत्तिष्ठ भद्रं ते विषादं मा कृथाः शुभे नैवंविधेषु वासेषु भयम् अस्ति वरानने ॥
असकृद् देवसहितः शचीभर्ता सुरेश्वरः अप्राप्त एव नगरं पित्रा ते मृदितो रणे अयं देवसमूहस्य भयदस् ते पिता रणे ॥
evam ukte tadā devyā vākye cintāvilekṣaṇā uṣā bhāvaṃ hṛdā cakre bhartrā raṃsye kadā saha ||
tato haimavatī vākyaṃ saṃprahasyedam abravīt uṣe śṛṇuṣva kalyāṇi yadā saṃyogam eṣyasi ||
vaiśākhe māsi harmyasthāṃ dvādaśyāṃ tvāṃ dinakṣaye dharṣayiṣyati yaḥ svapne sa te bhartā bhaviṣyati ||
evam uktā daityasutā kanyāgaṇasamāvṛtā apākrāmata harṣeṇa ramamāṇā yathāsukham ||
tataḥ krīḍāvihāraṃ tam anubhūya sahomayā gate 'hani punaḥ sarvās tā nāryo jagmur adbhutāḥ ||
kāś cid aśvais tathā yānair gajair anyās tathā rathaiḥ puraṃ praviviśur hṛṣṭāḥ kāścid ākāśam āsthitāḥ ||
tato harmye śayānāṃ tu vaiśākhe māsi bhāminīm dvādaśyāṃ śuklapakṣasya sakhīgaṇavṛtāṃ tadā ||
yathoktaḥ puruṣaḥ svapne dharṣayām āsa tām uṣām viveṣṭamānāṃ rudatīṃ devyā vacanacoditaḥ ||
sā svapne dharṣitā tena strībhāvaṃ cāpi lambhitā śoṇitāktā prarudatī sahasaivotthitā niśi ||
tāṃ tathā rudatīṃ dṛṣṭvā sakhī bhayasamanvitām citralekhā vacaḥ snigdham uvāca param ādbhutam ||
uṣe mā bhaiḥ kim evaṃ tvaṃ rudatī paritapyase baleḥ sutasutā ca tvaṃ prakhyātā kiṃ bhayānvitā ||
na bhayaṃ vidyate loke tava subhru viśeṣataḥ bhayadas tava vāmoru pitā devāntako raṇe ||
uttiṣṭhottiṣṭha bhadraṃ te viṣādaṃ mā kṛthāḥ śubhe naivaṃvidheṣu vāseṣu bhayam asti varānane ||
asakṛd devasahitaḥ śacībhartā sureśvaraḥ aprāpta eva nagaraṃ pitrā te mṛdito raṇe ayaṃ devasamūhasya bhayadas te pitā raṇe ||
«Когда Деви сказала так, Уша со смущённым тревогой взглядом подумала в сердце: “Когда же я буду с мужем?” Тогда дочь Химавана, улыбнувшись, сказала: “Уша, благостная, слушай, когда ты придёшь к соединению. В месяце Вайшакха, на двадаши, в конце дня, тот, кто во сне овладеет тобой, когда ты будешь в чертоге, станет твоим мужем”. Услышав это, дочь дайтьи, окружённая девушками, радостно удалилась, развлекаясь как хотела. Когда Бхава вместе с Умой завершил эту игру и день прошёл, все эти чудесные женщины ушли: одни радостно вошли в город на конях, повозках, слонах и колесницах, а другие поднялись в небо. Затем в месяце Вайшакха, на двадаши светлой половины, когда красавица Уша лежала в чертоге, окружённая подругами, предсказанный мужчина во сне овладел ею; она плакала и извивалась, и всё произошло согласно слову Деви. Во сне он овладел ею, и она стала женщиной; окровавленная и плачущая, она внезапно поднялась ночью. Увидев подругу плачущей и охваченной страхом, Читралекха с большим удивлением сказала ей ласковые слова: “Уша, не бойся. Почему ты плачешь и мучишься? Ты славная внучка Бали — почему ты боишься? Прекраснобровая, особенно для тебя в мире нет страха: твой отец, прекраснобёдрая, в бою внушает страх и губит богов. Встань, встань, благо тебе, прекрасная; не предавайся отчаянию. В таких покоях нет страха, прекрасноликая. Даже Индра, муж Шачи и владыка богов, не раз, ещё не достигнув города, был разбит твоим отцом в бою. Твой отец в бою страшен для сонма богов”».
86eed13b2d62 · published Jun 22, 2026, 6:08:03 AM UTC
Available inRUPage between verses with
Текст описывает травмирующий сон без смягчения. Подруги сначала пытаются вернуть Уше чувство безопасности, напоминая о силе её рода, но настоящий вопрос не в охране дворца, а в исполнении слова Парвати.