आसन्नं विप्रकृष्टं वा यदि कालं न विद्महे तस्माद् द्वापरविध्वंसाद् युगान्तं स्पृहयाम्य् अहम् ॥
प्राप्ता वयं हि तं कालम् अनया धर्मतृष्णया प्राप्ता वयं च धर्मं स्वं सुखम् अल्पेन कर्मणा ॥
प्रजासमुद्वेगकरं युगान्तं समुपस्थितम् प्रनष्टधर्मं धर्मज्ञ निमित्तैर् वक्तुम् अर्हसि ॥
पृष्ट एवं भविष्यस्य गतिं तत्त्वेन चिन्तयन् युगान्ते पूर्वरूपाणि भगवान् अब्रवीत् तदा ॥
अरक्षितारो हर्तारो बलिभागस्य पार्थिवाः युगान्ते प्रभविष्यन्ति स्वरक्षणपरायणाः ॥
अक्षत्रियाश् च राजानो विप्राः शूद्रोपजीविनः शूद्राश् च ब्राह्मणाचारा भविष्यन्ति युगक्षये ॥
काण्डपृष्ठाः श्रोत्रियाश् च हवींषि भरतर्षभ एकपङ्क्त्याम् अशिष्यन्ति युगान्ते जनमेजय ॥
शिल्पवन्तो ऽनृतपराः नरा मद्यामिषप्रियाः भार्यामित्रा भविष्यन्ति युगान्ते जनमेजय ॥
राजवृत्ते स्थिताश् चोरा राकानश् चोरशीलिनः भृत्या अनिर्विष्टभुजो भविष्यन्ति युगक्षये ॥
धनानि श्लाघनीयानि सतां वृत्तम् अपूजितम् अकुत्सना च पतिते भविष्यति युगक्षये ॥
āsannaṃ viprakṛṣṭaṃ vā yadi kālaṃ na vidmahe tasmād dvāparavidhvaṃsād yugāntaṃ spṛhayāmy aham ||
prāptā vayaṃ hi taṃ kālam anayā dharmatṛṣṇayā prāptā vayaṃ ca dharmaṃ svaṃ sukham alpena karmaṇā ||
prajāsamudvegakaraṃ yugāntaṃ samupasthitam pranaṣṭadharmaṃ dharmajña nimittair vaktum arhasi ||
pṛṣṭa evaṃ bhaviṣyasya gatiṃ tattvena cintayan yugānte pūrvarūpāṇi bhagavān abravīt tadā ||
arakṣitāro hartāro balibhāgasya pārthivāḥ yugānte prabhaviṣyanti svarakṣaṇaparāyaṇāḥ ||
akṣatriyāś ca rājāno viprāḥ śūdropajīvinaḥ śūdrāś ca brāhmaṇācārā bhaviṣyanti yugakṣaye ||
kāṇḍapṛṣṭhāḥ śrotriyāś ca havīṃṣi bharatarṣabha ekapaṅktyām aśiṣyanti yugānte janamejaya ||
śilpavanto 'nṛtaparāḥ narā madyāmiṣapriyāḥ bhāryāmitrā bhaviṣyanti yugānte janamejaya ||
rājavṛtte sthitāś corā rākānaś coraśīlinaḥ bhṛtyā anirviṣṭabhujo bhaviṣyanti yugakṣaye ||
dhanāni ślāghanīyāni satāṃ vṛttam apūjitam akutsanā ca patite bhaviṣyati yugakṣaye ||
Джанамеджая сказал: «Близко оно или далеко, если мы не знаем времени, то после разрушения Двапары я хочу знать конец юги. Из-за этой жажды дхармы мы достигли того времени и своей дхармы, легко, малым действием. Знаток дхармы, ты должен по признакам описать наступающий конец юги, творящий смятение существ, когда дхарма погибает». Вайшампаяна сказал: «Так спрошенный, Бхагаван, истинно обдумывая ход будущего, тогда сказал о предвестиях конца юги: “В конце юги цари станут не защитниками, а похитителями доли подати, занятыми только собственной защитой. Царями будут не-кшатрии, брахманы будут жить от шудр, а шудры будут вести себя как брахманы. Учёные будут есть жертвенную пищу в одном ряду с недостойными, о бык Бхаратов, Джанамеджая. Люди станут ремесленниками, преданными лжи, любящими вино и мясо; жёны станут друзьями. Воры займут царское положение, люди в полнолуние будут воровского нрава, а слуги будут ненасытны. Богатства будут хвалимы, поведение добрых людей не будет почитаться, а падшие не будут порицаемы”».
5b8891631c36 · published Jun 22, 2026, 6:46:44 AM UTC
Available inRUPage between verses with
Признаки конца юги начинаются с переворота обязанностей: те, кто должен защищать и поддерживать порядок, сами становятся причиной страха.