प्रनष्टचेतना मर्त्या मुक्तकेशा विचूलिनः उनषोडशवर्षाश् च प्रजास्यन्ति नरास् तदा ॥
अट्टशूला जनपदाः शिवशूलाश् चतुष्पथाः प्रमदाः केशशूलाश् च भविष्यन्ति युगक्षये ॥
सर्वे ब्रह्म वदिष्यन्ति सर्वे वाजसनेयिनः शूद्रा भोवादिनश् चैव भविष्यन्ति युगक्षये ॥
तपोयज्ञार्थवेदानां विक्रेतारो द्विजातयः ऋतवश् च भविष्यन्ति विपरीता युगक्षये ॥
शुक्लदन्ताजिताक्षाश् च मुण्डाः काषायवाससः शूद्रा धर्मं चरिष्यन्ति शाक्यबुद्धोपजीविनः ॥
श्वापदप्रचुरत्वं च गवां चैव परिक्षयः स्वादूनां विनिवृत्तिश् च विद्याद् अन्तगते युगे ॥
अन्त्या मध्ये निवत्स्यन्ति मध्याश् चान्तावसायिनः यथानिम्नं प्रजाः सर्वा गमिष्यन्ति युगक्षये ॥
तथा द्विहायना दम्यास् तथा पल्वलकर्षकाः चित्रवर्षी च पर्जन्यो युगे क्षीणे भविष्यति ॥
न ते धर्मं चरिष्यन्ति मानवा निर्गते युगे ऊषराबहुला भूमिः पन्थानो नगरान्तरा सर्वे वाणिजकाश् चैव भविष्यन्ति कलौ युगे ॥
पितृकृत्यानि देयानि विधमन्तः सुतास् तदा हरणाय प्रपत्स्यन्ते लोभानृतविरोधिताः ॥
सौकुमार्ये तथा रूपे रत्ने चोपक्षयं गते भविष्यन्ति युगस्यान्ते नार्यः केशैर् अलंकृताः ॥
निर्विहारस्य भीतस्य गृहस्थस्य भविष्यति युगान्ते समनुप्राप्ते नान्या भार्यासमा रतिः ॥
कुशीलानार्यभूयिष्ठं वृथारूपसमावृतम् पुरुषाल्पं बहुस्त्रीकं तद् युगान्तस्य लक्षणम् ॥
pranaṣṭacetanā martyā muktakeśā vicūlinaḥ unaṣoḍaśavarṣāś ca prajāsyanti narās tadā ||
aṭṭaśūlā janapadāḥ śivaśūlāś catuṣpathāḥ pramadāḥ keśaśūlāś ca bhaviṣyanti yugakṣaye ||
sarve brahma vadiṣyanti sarve vājasaneyinaḥ śūdrā bhovādinaś caiva bhaviṣyanti yugakṣaye ||
tapoyajñārthavedānāṃ vikretāro dvijātayaḥ ṛtavaś ca bhaviṣyanti viparītā yugakṣaye ||
śukladantājitākṣāś ca muṇḍāḥ kāṣāyavāsasaḥ śūdrā dharmaṃ cariṣyanti śākyabuddhopajīvinaḥ ||
śvāpadapracuratvaṃ ca gavāṃ caiva parikṣayaḥ svādūnāṃ vinivṛttiś ca vidyād antagate yuge ||
antyā madhye nivatsyanti madhyāś cāntāvasāyinaḥ yathānimnaṃ prajāḥ sarvā gamiṣyanti yugakṣaye ||
tathā dvihāyanā damyās tathā palvalakarṣakāḥ citravarṣī ca parjanyo yuge kṣīṇe bhaviṣyati ||
na te dharmaṃ cariṣyanti mānavā nirgate yuge ūṣarābahulā bhūmiḥ panthāno nagarāntarā sarve vāṇijakāś caiva bhaviṣyanti kalau yuge ||
pitṛkṛtyāni deyāni vidhamantaḥ sutās tadā haraṇāya prapatsyante lobhānṛtavirodhitāḥ ||
saukumārye tathā rūpe ratne copakṣayaṃ gate bhaviṣyanti yugasyānte nāryaḥ keśair alaṃkṛtāḥ ||
nirvihārasya bhītasya gṛhasthasya bhaviṣyati yugānte samanuprāpte nānyā bhāryāsamā ratiḥ ||
kuśīlānāryabhūyiṣṭhaṃ vṛthārūpasamāvṛtam puruṣālpaṃ bahustrīkaṃ tad yugāntasya lakṣaṇam ||
«“Смертные потеряют ясность сознания, будут ходить с распущенными волосами и без пучка, а люди моложе шестнадцати лет будут рождать детей. Страны будут полны шипов рынков, перекрёстки — шипов Шивы, женщины — шипов волос. Все будут говорить о Брахмане, все будут называть себя ваджасанейинами, и даже шудры будут говорить ‘бхо’. Дваждырождённые станут продавцами аскезы, жертвы, богатства и Вед; времена года переменятся. Обритые, в жёлто-красных одеждах, с белыми зубами и дерзкими глазами, шудры будут следовать дхарме, живя от Будды шакьев. Следует знать, что при конце юги будет изобилие хищников, истощение коров и исчезновение сладкого. Низшие поселятся в середине, средние окажутся среди крайних, и все существа пойдут вниз, как вода к низине. Двухлетних животных будут запрягать, пахари будут работать в болотах, а Парджанья будет проливать странные дожди. Люди не будут следовать дхарме; земля станет полной пустошей, пути между городами — торговыми, и все будут торговцами. Сыновья, разрушая обязанности перед отцами и подаяния, из жадности, лжи и вражды приступят к отнятию имущества. Когда нежность, красота и драгоценности придут в упадок, женщины будут украшены только волосами. Для испуганного домохозяина, лишённого развлечений, при наступлении конца юги не будет радости, равной жене. Мир будет полон дурных и неблагородных, покрыт пустой внешностью, с малым числом мужчин и множеством женщин: это признак конца юги”».
ca3e0fbaab27 · published Jun 22, 2026, 6:46:44 AM UTC
Available inRUPage between verses with
Здесь упадок описан не как одно событие, а как постепенное искажение вкуса, речи, семьи, хозяйства и религиозных знаков.