संजय उवाच
अनादृत्य तु तद् वाक्यं मद्रराजेन भाषितम् ॥
द्रक्ष्यस्य् अद्येत्य् अवोचद् वै शल्यं कर्णो नरेश्वर ॥
दृष्ट्वा कर्णं महेष्वासं युयुत्सुं समवस्थितम् ॥
चुक्रुशुः कुरवः सर्वे हृष्टरूपाः परंतप ॥
ततो दुन्दुभिघोषेण भेरीणां निनदेन च ॥
बाणशब्दैश् च विविधैर् गर्जितैश् च तरस्विनाम् ॥
निर्ययुस् तावका युद्धे मृत्युं कृत्वा निवर्तनम् ॥
प्रयाते तु ततः कर्णे योधेषु मुदितेषु च ॥
चचाल पृथिवी राजन् ररास च सुविस्वरम् ॥
निश्चरन्तो व्यदृश्यन्त सूर्यात् सप्त महाग्रहाः ॥
उल्कापातश् च संजज्ञे दिशां दाहस् तथैव च ॥
तथाशन्यश् च संपेतुर् ववुर् वाताश् च दारुणाः ॥
मृगपक्षिगणाश् चैव बहुशः पृतनां तव ॥
अपसव्यं तदा चक्रुर् वेदयन्तो महद् भयम् ॥
प्रस्थितस्य च कर्णस्य निपेतुस् तुरगा भुवि ॥
अस्थिवर्षं च पतितम् अन्तरिक्षाद् भयानकम् ॥
जज्वलुश् चैव शस्त्राणि ध्वजाश् चैव चकम्पिरे ॥
अश्रूणि च व्यमुञ्चन्त वाहनानि विशां पते ॥
एते चान्ये च बहव उत्पातास् तत्र मारिष ॥
समुत्पेतुर् विनाशाय कौरवाणां सुदारुणाः ॥
न च तान् गणयाम् आसुः सर्वे ते दैवमोहिताः ॥
प्रस्थितं सूतपुत्रं च जयेत्य् ऊचुर् नरा भुवि ॥
निर्जितान् पाण्डवांश् चैव मेनिरे तव कौरवाः ॥
saṃjaya uvāca
anādṛtya tu tad vākyaṃ madrarājena bhāṣitam ||
drakṣyasy adyety avocad vai śalyaṃ karṇo nareśvara ||
dṛṣṭvā karṇaṃ maheṣvāsaṃ yuyutsuṃ samavasthitam ||
cukruśuḥ kuravaḥ sarve hṛṣṭarūpāḥ paraṃtapa ||
tato dundubhighoṣeṇa bherīṇāṃ ninadena ca ||
bāṇaśabdaiś ca vividhair garjitaiś ca tarasvinām ||
niryayus tāvakā yuddhe mṛtyuṃ kṛtvā nivartanam ||
prayāte tu tataḥ karṇe yodheṣu muditeṣu ca ||
cacāla pṛthivī rājan rarāsa ca suvisvaram ||
niścaranto vyadṛśyanta sūryāt sapta mahāgrahāḥ ||
ulkāpātaś ca saṃjajñe diśāṃ dāhas tathaiva ca ||
tathāśanyaś ca saṃpetur vavur vātāś ca dāruṇāḥ ||
mṛgapakṣigaṇāś caiva bahuśaḥ pṛtanāṃ tava ||
apasavyaṃ tadā cakrur vedayanto mahad bhayam ||
prasthitasya ca karṇasya nipetus turagā bhuvi ||
asthivarṣaṃ ca patitam antarikṣād bhayānakam ||
jajvaluś caiva śastrāṇi dhvajāś caiva cakampire ||
aśrūṇi ca vyamuñcanta vāhanāni viśāṃ pate ||
ete cānye ca bahava utpātās tatra māriṣa ||
samutpetur vināśāya kauravāṇāṃ sudāruṇāḥ ||
na ca tān gaṇayām āsuḥ sarve te daivamohitāḥ ||
prasthitaṃ sūtaputraṃ ca jayety ūcur narā bhuvi ||
nirjitān pāṇḍavāṃś caiva menire tava kauravāḥ ||
Санджая сказал: «Пренебрегая словами царя мадров, Карна сказал Шалье, о владыка людей: “Сегодня увидишь”. Увидев великого лучника Карну, стоящего и желающего битвы, все Куру радостно закричали, о мучитель врагов. Затем под грохот дундубхи, звон бхери, разные звуки стрел и кличи стремительных воинов твои воины вышли на бой, сделав смерть единственным возвращением. Когда Карна выступил и воины радовались, земля, о царь, задрожала и заревела страшным звуком. Из солнца явились семь великих планет; произошло падение метеоров, стороны света загорелись, молнии падали, и подули ужасные ветры. Стаи зверей и птиц многократно обходили твоё войско противосолонь, возвещая великий страх. Когда Карна выступил, его кони упали на землю, и из воздушного пространства выпал страшный дождь костей. Оружие воспылало, знамёна задрожали, а ездовые животные, о владыка людей, проливали слёзы. Эти и многие другие страшные знамения возникли там на гибель Кауравов, почтенный. Но все они, ослеплённые судьбой, не приняли их в расчёт: люди на земле кричали выступившему сыну суты “Победа!”, а твои Кауравы уже считали Пандавов побеждёнными».
78a5a1f2ef56 · published Jun 20, 2026, 5:08:55 AM UTC
Available inRUPage between verses with
Знамения говорят яснее человеческих речей: природа показывает исход, но ослеплённые судьбой Кауравы слышат только собственный клич победы.