ततः प्रायाद् रथेनाशु केशवस् तव वाहिनीम् ॥
कर्णं प्रति महेष्वासं द्वैरथे सव्यसाचिना ॥
प्रयातश् च महाबाहुः पाण्डवानुज्ञया हरिः ॥
आश्वासयन् रथेनैव पाण्डुसैन्यानि सर्वशः ॥
रथघोषः स संग्रामे पाण्डवेयस्य संबभौ ॥
वासवाशनितुल्यस्य महौघस्येव मारिष ॥
महता रथघोषेण पाण्डवः सत्यविक्रमः ॥
अभ्ययाद् अप्रमेयात्मा विजयस् तव वाहिनीम् ॥
तम् आयान्तं समीक्ष्यैव श्वेताश्वं कृष्णसारथिम् ॥
मद्रराजो ऽब्रवीत् कर्णं केतुं दृष्ट्वा महात्मनः ॥
अयं स रथ आयाति श्वेताश्वः कृष्णसारथिः ॥
निघ्नन्न् अमित्रान् समरे यं कर्ण परिपृच्छसि ॥
एष तिष्ठति कौन्तेयः संस्पृशन् गाण्डिवं धनुः ॥
तं हनिष्यसि चेद् अद्य तन् नः श्रेयो भविष्यति ॥
एषा विदीर्यते सेना धार्तराष्ट्री समन्ततः ॥
अर्जुनस्य भयात् तूर्णं निघ्नतः शात्रवान् बहून् ॥
वर्जयन् सर्वसैन्यानि त्वरते हि धनंजयः ॥
त्वदर्थम् इति मन्ये ऽहं यथास्योदीर्यते वपुः ॥
न ह्य् अवस्थाप्यते पार्थो युयुत्सुः केन चित् सह ॥
त्वाम् ऋते क्रोधदीप्तो हि पीड्यमाने वृकोदरे ॥
tataḥ prāyād rathenāśu keśavas tava vāhinīm ||
karṇaṃ prati maheṣvāsaṃ dvairathe savyasācinā ||
prayātaś ca mahābāhuḥ pāṇḍavānujñayā hariḥ ||
āśvāsayan rathenaiva pāṇḍusainyāni sarvaśaḥ ||
rathaghoṣaḥ sa saṃgrāme pāṇḍaveyasya saṃbabhau ||
vāsavāśanitulyasya mahaughasyeva māriṣa ||
mahatā rathaghoṣeṇa pāṇḍavaḥ satyavikramaḥ ||
abhyayād aprameyātmā vijayas tava vāhinīm ||
tam āyāntaṃ samīkṣyaiva śvetāśvaṃ kṛṣṇasārathim ||
madrarājo 'bravīt karṇaṃ ketuṃ dṛṣṭvā mahātmanaḥ ||
ayaṃ sa ratha āyāti śvetāśvaḥ kṛṣṇasārathiḥ ||
nighnann amitrān samare yaṃ karṇa paripṛcchasi ||
eṣa tiṣṭhati kaunteyaḥ saṃspṛśan gāṇḍivaṃ dhanuḥ ||
taṃ haniṣyasi ced adya tan naḥ śreyo bhaviṣyati ||
eṣā vidīryate senā dhārtarāṣṭrī samantataḥ ||
arjunasya bhayāt tūrṇaṃ nighnataḥ śātravān bahūn ||
varjayan sarvasainyāni tvarate hi dhanaṃjayaḥ ||
tvadartham iti manye 'haṃ yathāsyodīryate vapuḥ ||
na hy avasthāpyate pārtho yuyutsuḥ kena cit saha ||
tvām ṛte krodhadīpto hi pīḍyamāne vṛkodare ||
Затем Кешава быстро повёл колесницу на твоё войско, к великому лучнику Карне, на поединок с Савьясачином. Хари, сильнорукий, двинулся с согласия Пандавы, и самой своей колесницей ободрял все войска Панду. Грохот колесницы Пандавы в бою раздался, как огромный паводок, подобный молнии Васавы, почтенный. С великим грохотом колесницы Пандава, Виджая, неизмеримый духом и истинный в доблести, двинулся на твою армию. Увидев, что он приближается на белых конях с Кришной возницей, и увидев стяг великодушного героя, царь Мадров сказал Карне: “Вот идёт та белоконная колесница с Кришной возницей, которая в бою поражает врагов и о которой ты спрашиваешь, Карна. Вот стоит Каунтея, касаясь лука Гандивы. Если ты сегодня убьёшь его, это будет для нас благом. Эта армия Дхритараштридов со всех сторон быстро рассыпается от страха перед Арджуной, который поражает многих врагов. Дхананджая, минуя все войска, спешит, и я думаю, что он идёт ради тебя: так разгорелся его облик. Партху, пылающего гневом, когда Врикодара тесним, никто не остановит, если он желает сражаться, кроме тебя”».
68b8ecca0a5c · published Jun 20, 2026, 7:56:05 AM UTC
Available inRUPage between verses with
Шалья видит главное: Арджуна не отвлекается на второстепенных противников, а идёт прямо к Карне. Решающий бой уже притягивает всех, потому что вокруг него сосредоточилась судьба армии.