अभ्येत्य पुत्रेण तवाभिनन्दितः; समेत्य चोवाच कुरुप्रवीरान् ॥
कृपं च भोजं च महाभुजाव् उभौ; तथैव गान्धारनृपं सहानुजम् ॥
गुरोः सुतं चावरजं तथात्मनः; पदातिनो ऽथ द्विपसादिनो ऽन्यान् ॥
निरुन्धताभिद्रवताच्युतार्जुनौ; श्रमेण संयोजयताशु सर्वतः ॥
यथा भवद्भिर् भृशविक्षताव् उभौ; सुखेन हन्याम् अहम् अद्य भूमिपाः ॥
तथेति चोक्त्वा त्वरिताः स्म ते ऽर्जुनं; जिघांसवो वीरतमाः समभ्ययुः ॥
नदीनदान् भूरिजलो महार्णवो; यथा तथा तान् समरे ऽर्जुनो ऽग्रसत् ॥
न संदधानो न तथा शरोत्तमान्; प्रमुञ्चमानो रिपुभिः प्रदृश्यते ॥
धनंजयस् तस्य शरैश् च दारिता; हताश् च पेतुर् नरवाजिकुञ्जराः ॥
शरार्चिषं गाण्डिवचारुमण्डलं; युगान्तसूर्यप्रतिमानतेजसम् ॥
न कौरवाः शेकुर् उदीक्षितुं जयं; यथा रविं व्याधितचक्षुषो जनाः ॥
तम् अभ्यधावद् विसृजञ् शरान् कृपस्; तथैव भोजस् तव चात्मजः स्वयम् ॥
जिघांसुभिस् तान् कुशलैः शरोत्तमान्; महाहवे संजवितान् प्रयत्नतः ॥
शरैः प्रचिच्छेद च पाण्डवस् त्वरन्; पराभिनद् वक्षसि च त्रिभिस् त्रिभिः ॥
स गाण्डिवाभ्यायतपूर्णमण्डलस्; तपन् रिपून् अर्जुनभास्करो बभौ ॥
शरोग्ररश्मिः शुचिशुक्रमध्यगो; यथैव सूर्यः परिवेषगस् तथा ॥
abhyetya putreṇa tavābhinanditaḥ; sametya covāca kurupravīrān ||
kṛpaṃ ca bhojaṃ ca mahābhujāv ubhau; tathaiva gāndhāranṛpaṃ sahānujam ||
guroḥ sutaṃ cāvarajaṃ tathātmanaḥ; padātino 'tha dvipasādino 'nyān ||
nirundhatābhidravatācyutārjunau; śrameṇa saṃyojayatāśu sarvataḥ ||
yathā bhavadbhir bhṛśavikṣatāv ubhau; sukhena hanyām aham adya bhūmipāḥ ||
tatheti coktvā tvaritāḥ sma te 'rjunaṃ; jighāṃsavo vīratamāḥ samabhyayuḥ ||
nadīnadān bhūrijalo mahārṇavo; yathā tathā tān samare 'rjuno 'grasat ||
na saṃdadhāno na tathā śarottamān; pramuñcamāno ripubhiḥ pradṛśyate ||
dhanaṃjayas tasya śaraiś ca dāritā; hatāś ca petur naravājikuñjarāḥ ||
śarārciṣaṃ gāṇḍivacārumaṇḍalaṃ; yugāntasūryapratimānatejasam ||
na kauravāḥ śekur udīkṣituṃ jayaṃ; yathā raviṃ vyādhitacakṣuṣo janāḥ ||
tam abhyadhāvad visṛjañ śarān kṛpas; tathaiva bhojas tava cātmajaḥ svayam ||
jighāṃsubhis tān kuśalaiḥ śarottamān; mahāhave saṃjavitān prayatnataḥ ||
śaraiḥ praciccheda ca pāṇḍavas tvaran; parābhinad vakṣasi ca tribhis tribhiḥ ||
sa gāṇḍivābhyāyatapūrṇamaṇḍalas; tapan ripūn arjunabhāskaro babhau ||
śarograraśmiḥ śuciśukramadhyago; yathaiva sūryaḥ pariveṣagas tathā ||
Подойдя и будучи приветствован твоим сыном, Карна собрал героев Куру и сказал Крипе, Бходже Критаварману, обоим сильноруким, царю Гандхары с его братьями, сыну учителя, своему младшему брату, пехотинцам, слоновым воинам и другим: «Преграждайте путь и нападайте на Ачьюту и Арджуну, быстро изнуряйте их со всех сторон, чтобы, когда вы тяжело раните их обоих, я сегодня легко убил их, о цари». Сказав «Да будет так», эти лучшие герои, желая убить Арджуну, поспешили на него. Как полноводный океан поглощает реки и потоки, так Арджуна поглощал их в бою. Враги не могли увидеть, как Дхананджая накладывает и выпускает лучшие стрелы; разорванные его стрелами, люди, кони и слоны падали сражёнными. Кауравы не могли смотреть на Виджаю, чья Гандива вращалась прекрасным кругом и пылала стрелами, сияя как солнце в конце юги, подобно людям с больными глазами, не способным смотреть на солнце. К нему бросились Крипа, Бходжа и сам твой сын, выпуская стрелы. Но быстрый Пандава старательно рассёк их искусные лучшие стрелы, пущенные в великой битве, и каждого из них пронзил в грудь тремя стрелами. С полным кругом натянутой Гандивы Арджуна сиял как солнце, паля врагов грозными лучами-стрелами, словно светило в чистом сиянии и ореоле».
db60fbfd79ee · published Jun 20, 2026, 7:56:05 AM UTC
Available inRUPage between verses with
Карна пытается сделать Кришну и Арджуну утомлёнными чужими руками, но Арджуна проходит через это окружение как океан через притоки. Божественная защита не отменяет мастерства; она проявляется через точность и неостановимость действия.