अमृष्यमाणश् च महाविमर्दे; तत्राक्रुध्यद् भीमसेनो महात्मा ॥
अथाब्रवीत् पाणिना पाणिम् आघ्नन्; संदष्टौष्ठो नृत्यति वादयन्न् इव ॥
कथं नु त्वां सूतपुत्रः किरीटिन्; महेषुभिर् दशभिर् अविध्यद् अग्रे ॥
यया धृत्या सर्वभूतान्य् अजैषीर्; ग्रासं ददद् वह्नये खाण्डवे त्वम् ॥
तया धृत्या सूतपुत्रं जहि त्वम्; अहं वैनं गदया पोथयिष्ये ॥
अथाब्रवीद् वासुदेवो ऽपि पार्थं; दृष्ट्वा रथेषून् प्रतिहन्यमानान् ॥
अमीमृदत् सर्वथा ते ऽद्य कर्णो; ह्य् अस्त्रैर् अस्त्राणि किम् इदं किरीटिन् ॥
स वीर किं मुह्यसि नावधीयसे; नदन्त्य् एते कुरवः संप्रहृष्टाः ॥
कर्णं पुरस्कृत्य विदुर् हि सर्वे; त्वदस्त्रम् अस्त्रैर् विनिपात्यमानम् ॥
यया धृत्या निहतं तामसास्त्रं; युगे युगे राक्षसाश् चापि घोराः ॥
दम्भोद्भवाश् चासुराश् चाहवेषु; तया धृत्या त्वं जहि सूतपुत्रम् ॥
अनेन वास्य क्षुरनेमिनाद्य; संछिन्द्धि मूर्धानम् अरेः प्रसह्य ॥
मया निसृष्टेन सुदर्शनेन; वज्रेण शक्रो नमुचेर् इवारेः ॥
किरातरूपी भगवान् यया च; त्वया महत्या परितोषितो ऽभूत् ॥
तां त्वं धृतिं वीर पुनर् गृहीत्वा; सहानुबन्धं जहि सूतपुत्रम् ॥
ततो महीं सागरमेखलां त्वं; सपत्तनां ग्रामवतीं समृद्धाम् ॥
प्रयच्छ राज्ञे निहतारिसंघां; यशश् च पार्थातुलम् आप्नुहि त्वम् ॥
संचोदितो भीमजनार्दनाभ्यां; स्मृत्वा तदात्मानम् अवेक्ष्य सत्त्वम् ॥
महात्मनश् चागमने विदित्वा; प्रयोजनं केशवम् इत्य् उवाच ॥
प्रादुष्करोम्य् एष महास्त्रम् उग्रं; शिवाय लोकस्य वधाय सौतेः ॥
तन् मे ऽनुजानातु भवान् सुराश् च; ब्रह्मा भवो ब्रह्मविदश् च सर्वे ॥
इत्य् ऊचिवान् ब्राह्मम् असह्यम् अस्त्रं; प्रादुश्चक्रे मनसा संविधेयम् ॥
ततो दिशश् च प्रदिशश् च सर्वाः; समावृणोत् सायकैर् भूरितेजाः ॥
ससर्ज बाणान् भरतर्षभो ऽपि; शतंशतान् एकवद् आशुवेगान् ॥
amṛṣyamāṇaś ca mahāvimarde; tatrākrudhyad bhīmaseno mahātmā ||
athābravīt pāṇinā pāṇim āghnan; saṃdaṣṭauṣṭho nṛtyati vādayann iva ||
kathaṃ nu tvāṃ sūtaputraḥ kirīṭin; maheṣubhir daśabhir avidhyad agre ||
yayā dhṛtyā sarvabhūtāny ajaiṣīr; grāsaṃ dadad vahnaye khāṇḍave tvam ||
tayā dhṛtyā sūtaputraṃ jahi tvam; ahaṃ vainaṃ gadayā pothayiṣye ||
athābravīd vāsudevo 'pi pārthaṃ; dṛṣṭvā ratheṣūn pratihanyamānān ||
amīmṛdat sarvathā te 'dya karṇo; hy astrair astrāṇi kim idaṃ kirīṭin ||
sa vīra kiṃ muhyasi nāvadhīyase; nadanty ete kuravaḥ saṃprahṛṣṭāḥ ||
karṇaṃ puraskṛtya vidur hi sarve; tvadastram astrair vinipātyamānam ||
yayā dhṛtyā nihataṃ tāmasāstraṃ; yuge yuge rākṣasāś cāpi ghorāḥ ||
dambhodbhavāś cāsurāś cāhaveṣu; tayā dhṛtyā tvaṃ jahi sūtaputram ||
anena vāsya kṣuraneminādya; saṃchinddhi mūrdhānam areḥ prasahya ||
mayā nisṛṣṭena sudarśanena; vajreṇa śakro namucer ivāreḥ ||
kirātarūpī bhagavān yayā ca; tvayā mahatyā paritoṣito 'bhūt ||
tāṃ tvaṃ dhṛtiṃ vīra punar gṛhītvā; sahānubandhaṃ jahi sūtaputram ||
tato mahīṃ sāgaramekhalāṃ tvaṃ; sapattanāṃ grāmavatīṃ samṛddhām ||
prayaccha rājñe nihatārisaṃghāṃ; yaśaś ca pārthātulam āpnuhi tvam ||
saṃcodito bhīmajanārdanābhyāṃ; smṛtvā tadātmānam avekṣya sattvam ||
mahātmanaś cāgamane viditvā; prayojanaṃ keśavam ity uvāca ||
prāduṣkaromy eṣa mahāstram ugraṃ; śivāya lokasya vadhāya sauteḥ ||
tan me 'nujānātu bhavān surāś ca; brahmā bhavo brahmavidaś ca sarve ||
ity ūcivān brāhmam asahyam astraṃ; prāduścakre manasā saṃvidheyam ||
tato diśaś ca pradiśaś ca sarvāḥ; samāvṛṇot sāyakair bhūritejāḥ ||
sasarja bāṇān bharatarṣabho 'pi; śataṃśatān ekavad āśuvegān ||
В великой схватке великодушный Бхимасена, не в силах вынести происходящее, разгневался. Закусив губы, ударяя ладонью о ладонь, словно танцуя и отбивая ритм, он сказал: “Как же это сын возницы, Киритин, на виду пронзил тебя десятью великими стрелами? С той стойкостью, с какой ты победил всех существ, дав Агни пищу в Кхандаве, с той же стойкостью убей сына возницы, иначе я раздроблю его палицей!” Затем и Васудева, видя, как стрелы отражаются на колесницах, сказал Партхе: “Что это, Киритин? Сегодня Карна астрами полностью подавляет твои астры. Герой, почему ты смущаешься и не сосредоточиваешься? Эти Куру ликуют и кричат, поставив Карну впереди; все видят, что твоё оружие сбивается его оружием. С той стойкостью, с какой было уничтожено тёмное оружие, страшные ракшасы и асуры в битвах разных веков, с той же стойкостью срази сына возницы. Или сегодня этой бритвенной стрелой силой отсеки голову врага, как я Сударшаной или Шакра ваджрой отсёк голову врага Намучи. Снова возьми ту решимость, герой, которой ты удовлетворил Благословенного в облике кирата, и срази сына возницы вместе со всеми его последователями. Затем передай царю богатую землю с городами и деревнями, опоясанную океаном, очищенную от врагов, и обрети несравненную славу, Партха”. Побуждённый Бхимой и Джанарданой, Арджуна вспомнил себя, увидел свою силу и понял цель явления великого Кешавы. Он сказал Кешаве: “Я являю эту грозную великую астру ради блага мира и ради убийства сына суты. Пусть ты, боги, Брахма, Бхава и все знатоки Брахмана дозволите мне это”. Сказав так, он проявил нестерпимую Брахма-астру, подчинённую мысли. Великоблестящий бык Бхаратов покрыл стрелами все стороны и промежуточные направления и выпустил сотни сотен быстрых стрел единым потоком».
4fd2675a59fa · published Jun 20, 2026, 8:29:22 AM UTC
Available inRUPage between verses with
Бхима будит в Арджуне воинскую ярость, а Кришна — память о его подлинной силе и предназначении. Астра выпускается не ради слепой мести, а с заявленной целью: благо мира через прекращение разрушительной неправды.