धृतराष्ट्र उवाच
अश्रद्धेयम् इदं कर्म कृतं भीमेन संजय ॥
यत् स नागायुतप्राणः पुत्रो मम निपातितः ॥
अवध्यः सर्वभूतानां वज्रसंहननो युवा ॥
पाण्डवैः समरे पुत्रो निहतो मम संजय ॥
न दिष्टम् अभ्यतिक्रान्तुं शक्यं गावल्गणे नरैः ॥
यत् समेत्य रणे पार्थैः पुत्रो मम निपातितः ॥
अद्रिसारमयं नूनं हृदयं मम संजय ॥
हतं पुत्रशतं श्रुत्वा यन् न दीर्णं सहस्रधा ॥
कथं हि वृद्धमिथुनं हतपुत्रं भविष्यति ॥
न ह्य् अहं पाण्डवेयस्य विषये वस्तुम् उत्सहे ॥
कथं राज्ञः पिता भूत्वा स्वयं राजा च संजय ॥
प्रेष्यभूतः प्रवर्तेयं पाण्डवेयस्य शासनात् ॥
आज्ञाप्य पृथिवीं सर्वां स्थित्वा मूर्ध्नि च संजय ॥
कथम् अद्य भविष्यामि प्रेष्यभूतो दुरन्तकृत् ॥
कथं भीमस्य वाक्यानि श्रोतुं शक्ष्यामि संजय ॥
येन पुत्रशतं पूर्णम् एकेन निहतं मम ॥
कृतं सत्यं वचस् तस्य विदुरस्य महात्मनः ॥
अकुर्वता वचस् तेन मम पुत्रेण संजय ॥
अधर्मेण हते तात पुत्रे दुर्योधने मम ॥
कृतवर्मा कृपो द्रौणिः किम् अकुर्वत संजय ॥
dhṛtarāṣṭra uvāca
aśraddheyam idaṃ karma kṛtaṃ bhīmena saṃjaya ||
yat sa nāgāyutaprāṇaḥ putro mama nipātitaḥ ||
avadhyaḥ sarvabhūtānāṃ vajrasaṃhanano yuvā ||
pāṇḍavaiḥ samare putro nihato mama saṃjaya ||
na diṣṭam abhyatikrāntuṃ śakyaṃ gāvalgaṇe naraiḥ ||
yat sametya raṇe pārthaiḥ putro mama nipātitaḥ ||
adrisāramayaṃ nūnaṃ hṛdayaṃ mama saṃjaya ||
hataṃ putraśataṃ śrutvā yan na dīrṇaṃ sahasradhā ||
kathaṃ hi vṛddhamithunaṃ hataputraṃ bhaviṣyati ||
na hy ahaṃ pāṇḍaveyasya viṣaye vastum utsahe ||
kathaṃ rājñaḥ pitā bhūtvā svayaṃ rājā ca saṃjaya ||
preṣyabhūtaḥ pravarteyaṃ pāṇḍaveyasya śāsanāt ||
ājñāpya pṛthivīṃ sarvāṃ sthitvā mūrdhni ca saṃjaya ||
katham adya bhaviṣyāmi preṣyabhūto durantakṛt ||
kathaṃ bhīmasya vākyāni śrotuṃ śakṣyāmi saṃjaya ||
yena putraśataṃ pūrṇam ekena nihataṃ mama ||
kṛtaṃ satyaṃ vacas tasya vidurasya mahātmanaḥ ||
akurvatā vacas tena mama putreṇa saṃjaya ||
adharmeṇa hate tāta putre duryodhane mama ||
kṛtavarmā kṛpo drauṇiḥ kim akurvata saṃjaya ||
Дхритараштра сказал: «Санджая, невозможно поверить, что Бхима совершил это: мой сын, обладавший силой десяти тысяч слонов, повержен. Мой юный сын, неуязвимый для всех существ, с телом, крепким как ваджра, убит Пандавами в битве. Гавалгана, людям невозможно переступить судьбу: мой сын пал, встретившись в бою с Партхами. Каменным, должно быть, стало моё сердце, Санджая: услышав о гибели сотни сыновей, оно не раскололось на тысячи частей. Как теперь будет жить старая пара, лишённая сыновей? Я не решаюсь жить в царстве Пандавея. Как я, отец царя и сам царь, стану слугой под властью Пандавея? Повелевав всей землёй и стояв на вершине, как сегодня я буду жить подвластным? Как я смогу слушать слова Бхимы, который один уничтожил всю мою сотню сыновей? Сбылось слово великодушного Видуры, потому что мой сын не послушал его, Санджая. Когда мой сын Дурьодхана пал неправедно, дорогой, что делали Критаварман, Крипа и Драуни?»
107aaa262054 · published Jun 20, 2026, 11:55:59 AM UTC
Available inRUPage between verses with
Плач Дхритараштры смешивает горе, унижение и позднее признание правоты Видуры. Но даже теперь он видит неправду главным образом как то, что случилось с его сыном, а не как то, что его сын долго совершал.