धृतराष्ट्र उवाच
हतपुत्रो हतामात्यो हतसर्वसुहृज्जनः ॥
दुःखं नूनं भविष्यामि विचरन् पृथिवीम् इमाम् ॥
किं नु बन्धुविहीनस्य जीवितेन ममाद्य वै ॥
लूनपक्षस्य इव मे जराजीर्णस्य पक्षिणः ॥
हृतराज्यो हतसुहृद् धतचक्षुश् च वै तथा ॥
न भ्राजिष्ये महाप्राज्ञ क्षीणरश्मिर् इवांशुमान् ॥
न कृतं सुहृदां वाक्यं जामदग्न्यस्य जल्पतः ॥
नारदस्य च देवर्षेः कृष्णद्वैपायनस्य च ॥
सभामध्ये तु कृष्णेन यच् छ्रेयो ऽभिहितं मम ॥
अलं वैरेण ते राजन् पुत्रः संगृह्यताम् इति ॥
तच् च वाक्यम् अकृत्वाहं भृशं तप्यामि दुर्मतिः ॥
न हि श्रोतास्मि भीष्मस्य धर्मयुक्तं प्रभाषितम् ॥
दुर्योधनस्य च तथा वृषभस्येव नर्दतः ॥
दुःशासनवधं श्रुत्वा कर्णस्य च विपर्ययम् ॥
द्रोणसूर्योपरागं च हृदयं मे विदीर्यते ॥
न स्मराम्य् आत्मनः किं चित् पुरा संजय दुष्कृतम् ॥
यस्येदं फलम् अद्येह मया मूढेन भुज्यते ॥
नूनं ह्य् अपकृतं किं चिन् मया पूर्वेषु जन्मसु ॥
येन मां दुःखभागेषु धाता कर्मसु युक्तवान् ॥
परिणामश् च वयसः सर्वबन्धुक्षयश् च मे ॥
सुहृन्मित्रविनाशश् च दैवयोगाद् उपागतः ॥
को ऽन्यो ऽस्ति दुःखिततरो मया लोके पुमान् इह ॥
तन् माम् अद्यैव पश्यन्तु पाण्डवाः संशितव्रतम् ॥
विवृतं ब्रह्मलोकस्य दीर्घम् अध्वानम् आस्थितम् ॥
dhṛtarāṣṭra uvāca
hataputro hatāmātyo hatasarvasuhṛjjanaḥ ||
duḥkhaṃ nūnaṃ bhaviṣyāmi vicaran pṛthivīm imām ||
kiṃ nu bandhuvihīnasya jīvitena mamādya vai ||
lūnapakṣasya iva me jarājīrṇasya pakṣiṇaḥ ||
hṛtarājyo hatasuhṛd dhatacakṣuś ca vai tathā ||
na bhrājiṣye mahāprājña kṣīṇaraśmir ivāṃśumān ||
na kṛtaṃ suhṛdāṃ vākyaṃ jāmadagnyasya jalpataḥ ||
nāradasya ca devarṣeḥ kṛṣṇadvaipāyanasya ca ||
sabhāmadhye tu kṛṣṇena yac chreyo 'bhihitaṃ mama ||
alaṃ vaireṇa te rājan putraḥ saṃgṛhyatām iti ||
tac ca vākyam akṛtvāhaṃ bhṛśaṃ tapyāmi durmatiḥ ||
na hi śrotāsmi bhīṣmasya dharmayuktaṃ prabhāṣitam ||
duryodhanasya ca tathā vṛṣabhasyeva nardataḥ ||
duḥśāsanavadhaṃ śrutvā karṇasya ca viparyayam ||
droṇasūryoparāgaṃ ca hṛdayaṃ me vidīryate ||
na smarāmy ātmanaḥ kiṃ cit purā saṃjaya duṣkṛtam ||
yasyedaṃ phalam adyeha mayā mūḍhena bhujyate ||
nūnaṃ hy apakṛtaṃ kiṃ cin mayā pūrveṣu janmasu ||
yena māṃ duḥkhabhāgeṣu dhātā karmasu yuktavān ||
pariṇāmaś ca vayasaḥ sarvabandhukṣayaś ca me ||
suhṛnmitravināśaś ca daivayogād upāgataḥ ||
ko 'nyo 'sti duḥkhitataro mayā loke pumān iha ||
tan mām adyaiva paśyantu pāṇḍavāḥ saṃśitavratam ||
vivṛtaṃ brahmalokasya dīrgham adhvānam āsthitam ||
Дхритараштра сказал: «Сыновья мои убиты, советники убиты, все друзья и близкие убиты. Отныне я, скитаясь по этой земле, несомненно буду одним страданием. Зачем сегодня жизнь мне, лишённому родных? Я словно дряхлая птица с обрезанными крыльями. Лишённый царства, лишённый друзей и к тому же лишённый зрения, я не буду сиять, о мудрый, как солнце с угасшими лучами. Я не исполнил слов друзей: сына Джамадагни, божественного риши Нарады и Кришны-Двайпаяны. В середине собрания Кришна сказал мне то, что было благом: “Довольно тебе вражды, царь; обуздай сына”. Не исполнив этого слова, я, дурноумный, теперь горю сильным раскаянием. Я не слушал и праведной речи Бхишмы. Когда я вспоминаю Дурьодхану, ревевшего словно бык, когда слышу об убийстве Духшасаны, о падении Карны и о затмении солнца Дроны, моё сердце разрывается. О Санджая, я не помню за собой прежнего злого дела, плод которого я, глупый, теперь вкушаю. Несомненно, какой-то грех был совершён мной в прежних рождениях, из-за него Творец связал меня с такими делами и долями страдания. Старость, гибель всех родных и уничтожение друзей пришли ко мне по соединению судьбы. Кто в этом мире несчастнее меня? Пусть Пандавы уже сегодня увидят меня, твёрдо решившего вступить на долгий путь, открытый к миру Брахмы».
8775d45b5f7e · published Jun 20, 2026, 1:28:29 PM UTC
Available inRUPage between verses with
Дхритараштра впервые ясно называет то, что раньше отвергал: он не слушал добрых советов. Но его раскаяние ещё смешано с попыткой переложить боль на судьбу и прошлые рождения.