यस्य नास्ति समो लोके शौर्ये वीर्ये च कश् चन ॥
स एष निहतः शेते भीष्मो भीष्मकृद् आहवे ॥
पश्य शांतनवं कृष्ण शयानं सूर्यवर्चसम् ॥
युगान्त इव कालेन पातितं सूर्यम् अम्बरात् ॥
एष तप्त्वा रणे शत्रूञ् शस्त्रतापेन वीर्यवान् ॥
नरसूर्यो ऽस्तम् अभ्येति सूर्यो ऽस्तम् इव केशव ॥
शरतल्पगतं वीरं धर्मे देवापिना समम् ॥
शयानं वीरशयने पश्य शूरनिषेविते ॥
कर्णिनालीकनाराचैर् आस्तीर्य शयनोत्तमम् ॥
आविश्य शेते भगवान् स्कन्दः शरवणं यथा ॥
अतूलपूर्णं गाङ्गेयस् त्रिभिर् बाणैः समन्वितम् ॥
उपधायोपधानाग्र्यं दत्तं गाण्डीवधन्वना ॥
पालयानः पितुः शास्त्रम् ऊर्ध्वरेता महायशाः ॥
एष शांतनवः शेते माधवाप्रतिमो युधि ॥
धर्मात्मा तात धर्मज्ञः पारंपर्येण निर्णये ॥
अमर्त्य इव मर्त्यः सन्न् एष प्राणान् अधारयत् ॥
नास्ति युद्धे कृती कश् चिन् न विद्वान् न पराक्रमी ॥
यत्र शांतनवो भीष्मः शेते ऽद्य निहतः परैः ॥
स्वयम् एतेन शूरेण पृच्छ्यमानेन पाण्डवैः ॥
धर्मज्ञेनाहवे मृत्युर् आख्यातः सत्यवादिना ॥
प्रनष्टः कुरुवंशश् च पुनर् येन समुद्धृतः ॥
स गतः कुरुभिः सार्धं महाबुद्धिः पराभवम् ॥
धर्मेषु कुरवः कं नु परिप्रक्ष्यन्ति माधव ॥
गते देवव्रते स्वर्गं देवकल्पे नरर्षभे ॥
yasya nāsti samo loke śaurye vīrye ca kaś cana ||
sa eṣa nihataḥ śete bhīṣmo bhīṣmakṛd āhave ||
paśya śāṃtanavaṃ kṛṣṇa śayānaṃ sūryavarcasam ||
yugānta iva kālena pātitaṃ sūryam ambarāt ||
eṣa taptvā raṇe śatrūñ śastratāpena vīryavān ||
narasūryo 'stam abhyeti sūryo 'stam iva keśava ||
śaratalpagataṃ vīraṃ dharme devāpinā samam ||
śayānaṃ vīraśayane paśya śūraniṣevite ||
karṇinālīkanārācair āstīrya śayanottamam ||
āviśya śete bhagavān skandaḥ śaravaṇaṃ yathā ||
atūlapūrṇaṃ gāṅgeyas tribhir bāṇaiḥ samanvitam ||
upadhāyopadhānāgryaṃ dattaṃ gāṇḍīvadhanvanā ||
pālayānaḥ pituḥ śāstram ūrdhvaretā mahāyaśāḥ ||
eṣa śāṃtanavaḥ śete mādhavāpratimo yudhi ||
dharmātmā tāta dharmajñaḥ pāraṃparyeṇa nirṇaye ||
amartya iva martyaḥ sann eṣa prāṇān adhārayat ||
nāsti yuddhe kṛtī kaś cin na vidvān na parākramī ||
yatra śāṃtanavo bhīṣmaḥ śete 'dya nihataḥ paraiḥ ||
svayam etena śūreṇa pṛcchyamānena pāṇḍavaiḥ ||
dharmajñenāhave mṛtyur ākhyātaḥ satyavādinā ||
pranaṣṭaḥ kuruvaṃśaś ca punar yena samuddhṛtaḥ ||
sa gataḥ kurubhiḥ sārdhaṃ mahābuddhiḥ parābhavam ||
dharmeṣu kuravaḥ kaṃ nu pariprakṣyanti mādhava ||
gate devavrate svargaṃ devakalpe nararṣabhe ||
«Тот, кому не было равного в мире по храбрости и силе, теперь лежит убитым: Бхишма, творивший ужас в бою. Посмотри, Кришна, на сына Шантану, сияющего как солнце: он лежит, словно солнце, сброшенное временем с неба при конце века. Опалив врагов в бою жаром оружия, этот могучий человеческий солнечный свет заходит, как заходит солнце, о Кешава. Посмотри на героя, лежащего на ложе стрел, на воинском ложе, почитаемом героями; в дхарме он равен Девапи. Расстелив себе лучшее ложе из карни, налик и нарачей, благословенный покоится на нём, словно Сканда в Шараване. Сын Ганги положил под голову не мягкую подушку, а лучшую опору из трёх стрел, данную обладателем Гандивы. Соблюдая волю отца, славный целомудренный сын Шантану, несравненный в бою, лежит здесь, о Мадхава. Этот праведный знаток дхармы, утверждённый в преемственном знании, будучи смертным, словно бессмертный, удерживал жизнь. Кто может считать себя искусным, мудрым или доблестным в битве, если сам Бхишма, сын Шантану, сегодня лежит убитым врагами? Когда Пандавы спросили этого правдоречивого героя, знающего дхарму, он сам назвал способ своей смерти в бою. Тот великий разумом, кто когда-то восстановил погибавший род Куру, теперь вместе с Куру пришёл к поражению. Кого же Куру будут спрашивать о дхарме, о Мадхава, когда богоподобный Деваврата, лучший из людей, ушёл на небо?»
fcf6a70f51e0 · published Jun 20, 2026, 2:19:39 PM UTC
Available inRUPage between verses with
Бхишма в этой главе предстает как солнце рода Куру и его хранитель дхармы. Его падение означает не только смерть великого воина, но и потерю живого нравственного авторитета.