दण्डनीत्या यदा राजा सम्यक् कार्त्स्न्येन वर्तते ॥
तदा कृतयुगं नाम कालः श्रेष्ठः प्रवर्तते ॥
भवेत् कृतयुगे धर्मो नाधर्मो विद्यते क्व चित् ॥
सर्वेषाम् एव वर्णानां नाधर्मे रमते मनः ॥
योगक्षेमाः प्रवर्तन्ते प्रजानां नात्र संशयः ॥
वैदिकानि च कर्माणि भवन्त्य् अविगुणान्य् उत ॥
ऋतवश् च सुखाः सर्वे भवन्त्य् उत निरामयाः ॥
प्रसीदन्ति नराणां च स्वरवर्णमनांसि च ॥
व्याधयो न भवन्त्य् अत्र नाल्पायुर् दृश्यते नरः ॥
विधवा न भवन्त्य् अत्र नृशंसो नाभिजायते ॥
अकृष्टपच्या पृथिवी भवन्त्य् ओषधयस् तथा ॥
त्वक्पत्रफलमूलानि वीर्यवन्ति भवन्ति च ॥
नाधर्मो विद्यते तत्र धर्म एव तु केवलः ॥
इति कार्तयुगान् एतान् गुणान् विद्धि युधिष्ठिर ॥
daṇḍanītyā yadā rājā samyak kārtsnyena vartate ||
tadā kṛtayugaṃ nāma kālaḥ śreṣṭhaḥ pravartate ||
bhavet kṛtayuge dharmo nādharmo vidyate kva cit ||
sarveṣām eva varṇānāṃ nādharme ramate manaḥ ||
yogakṣemāḥ pravartante prajānāṃ nātra saṃśayaḥ ||
vaidikāni ca karmāṇi bhavanty aviguṇāny uta ||
ṛtavaś ca sukhāḥ sarve bhavanty uta nirāmayāḥ ||
prasīdanti narāṇāṃ ca svaravarṇamanāṃsi ca ||
vyādhayo na bhavanty atra nālpāyur dṛśyate naraḥ ||
vidhavā na bhavanty atra nṛśaṃso nābhijāyate ||
akṛṣṭapacyā pṛthivī bhavanty oṣadhayas tathā ||
tvakpatraphalamūlāni vīryavanti bhavanti ca ||
nādharmo vidyate tatra dharma eva tu kevalaḥ ||
iti kārtayugān etān guṇān viddhi yudhiṣṭhira ||
Когда царь через данданити действует правильно и полностью, тогда начинается лучшее время, называемое Крита-югой. В Крита-юге существует дхарма, а адхармы нигде нет; ум всех варн не радуется адхарме. У подданных, без сомнения, действуют приобретение и сохранение, а ведийские действия становятся безупречными. Все времена года приятны и свободны от болезней; у людей яснеют голос, цвет тела и ум. Здесь нет болезней, не видно короткоживущего человека, нет вдов, не рождается жестокий. Земля плодоносит без пахоты, растения тоже становятся такими; кора, листья, плоды и корни наполняются силой. Там нет адхармы: есть только дхарма. Таковы, Юдхиштхира, качества Крита-юги».
559a8883236b · published Jun 20, 2026, 6:31:10 PM UTC
Available inRUPage between verses with
Полная данданити раскрывает Крита-югу не как календарную абстракцию, а как состояние мира: варны стоят в дхарме, обряды чисты, природа благоприятна, а ум людей не ищет адхарму.