ऐल उवाच
द्विजस्य क्षत्रबन्धोर् वा कस्येयं पृथिवी भवेत् ॥
धर्मतः सह वित्तेन सम्यग् वायो प्रचक्ष्व मे ॥
वायुर् उवाच
विप्रस्य सर्वम् एवैतद् यत् किं चिज् जगतीगतम् ॥
ज्येष्ठेनाभिजनेनेह तद् धर्मकुशला विदुः ॥
स्वम् एव ब्राह्मणो भुङ्क्ते स्वं वस्ते स्वं ददाति च ॥
गुरुर् हि सर्ववर्णानां ज्येष्ठः श्रेष्ठश् च वै द्विजः ॥
पत्यभावे यथा स्त्री हि देवरं कुरुते पतिम् ॥
आनन्तर्यात् तथा क्षत्रं पृथिवी कुरुते पतिम् ॥
एष ते प्रथमः कल्प आपद्य् अन्यो भवेद् अतः ॥
यदि स्वर्गे परं स्थानं धर्मतः परिमार्गसि ॥
यः कश् चिद् विजयेद् भूमिं ब्राह्मणाय निवेदयेत् ॥
श्रुतवृत्तोपपन्नाय धर्मज्ञाय तपस्विने ॥
स्वधर्मपरितृप्ताय यो न वित्तपरो भवेत् ॥
यो राजानं नयेद् बुद्ध्या सर्वतः परिपूर्णया ॥
ब्राह्मणो हि कुले जातः कृतप्रज्ञो विनीतवाक् ॥
श्रेयो नयति राजानं ब्रुवंश् चित्रां सरस्वतीम् ॥
राजा चरति यं धर्मं ब्राह्मणेन निदर्शितम् ॥
शुश्रूषुर् अनहंवादी क्षत्रधर्मव्रते स्थितः ॥
तावता स कृतप्रज्ञश् चिरं यशसि तिष्ठति ॥
तस्य धर्मस्य सर्वस्य भागी राजपुरोहितः ॥
aila uvāca
dvijasya kṣatrabandhor vā kasyeyaṃ pṛthivī bhavet ||
dharmataḥ saha vittena samyag vāyo pracakṣva me ||
vāyur uvāca
viprasya sarvam evaitad yat kiṃ cij jagatīgatam ||
jyeṣṭhenābhijaneneha tad dharmakuśalā viduḥ ||
svam eva brāhmaṇo bhuṅkte svaṃ vaste svaṃ dadāti ca ||
gurur hi sarvavarṇānāṃ jyeṣṭhaḥ śreṣṭhaś ca vai dvijaḥ ||
patyabhāve yathā strī hi devaraṃ kurute patim ||
ānantaryāt tathā kṣatraṃ pṛthivī kurute patim ||
eṣa te prathamaḥ kalpa āpady anyo bhaved ataḥ ||
yadi svarge paraṃ sthānaṃ dharmataḥ parimārgasi ||
yaḥ kaś cid vijayed bhūmiṃ brāhmaṇāya nivedayet ||
śrutavṛttopapannāya dharmajñāya tapasvine ||
svadharmaparitṛptāya yo na vittaparo bhavet ||
yo rājānaṃ nayed buddhyā sarvataḥ paripūrṇayā ||
brāhmaṇo hi kule jātaḥ kṛtaprajño vinītavāk ||
śreyo nayati rājānaṃ bruvaṃś citrāṃ sarasvatīm ||
rājā carati yaṃ dharmaṃ brāhmaṇena nidarśitam ||
śuśrūṣur anahaṃvādī kṣatradharmavrate sthitaḥ ||
tāvatā sa kṛtaprajñaś ciraṃ yaśasi tiṣṭhati ||
tasya dharmasya sarvasya bhāgī rājapurohitaḥ ||
Айла сказал: «Кому по дхарме принадлежит эта земля вместе с богатством: дваждырождённому или кшатра-бандху? Ваю, объясни мне правильно». Ваю сказал: «Всё, что есть на земле, принадлежит брахману: так знают знатоки дхармы по его старшему рождению здесь. Брахман пользуется своим, носит своё и даёт своё, ведь дваждырождённый — гуру всех варн, старший и лучший. Но как женщина при отсутствии мужа принимает девера мужем, так земля, по ближайшему следованию, делает кшатрия своим господином. Это первый порядок; в бедствии может быть иной. Если ты по дхарме ищешь высшего места на небе, то всякий, кто завоюет землю, должен вручить её брахману, наделённому знанием и поведением, знающему дхарму, подвижнику, удовлетворённому собственной дхармой, не преданному богатству, способному вести царя совершенным разумом со всех сторон. Брахман, рождённый в достойном роду, зреломудрый и со смиренной речью, ведёт царя к благу, говоря богатую речь. Когда царь, послушный, свободный от эгоистичной речи и стоящий в обете кшатрийской дхармы, исполняет дхарму, указанную брахманом, он долго пребывает в славе; а царский пурохита становится участником всей этой дхармы».
42aea78e43fd · published Jun 20, 2026, 6:39:21 PM UTC
Available inRUPage between verses with
Земля мыслится как принадлежащая дхарме, хранителем которой является брахман; кшатрий правит ею как защитник. Когда царь принимает руководство достойного брахмана, политическая сила связывается с знанием, а пурохита разделяет плод праведного правления.