ततो वैश्रवणो राजा मुचुकुन्दम् अदर्शयत् ॥
वध्यमानेषु सैन्येषु वचनं चेदम् अब्रवीत् ॥
त्वत्तो हि बलिनः पूर्वे राजानः सपुरोहिताः ॥
न चैवं समवर्तंस् ते यथा त्वम् इह वर्तसे ॥
ते खल्व् अपि कृतास्त्राश् च बलवन्तश् च भूमिपाः ॥
आगम्य पर्युपासन्ते माम् ईशं सुखदुःखयोः ॥
यद्य् अस्ति बाहुवीर्यं ते तद् दर्शयितुम् अर्हसि ॥
किं ब्राह्मणबलेन त्वम् अतिमात्रं प्रवर्तसे ॥
मुचुकुन्दस् ततः क्रुद्धः प्रत्युवाच धनेश्वरम् ॥
न्यायपूर्वम् असंरब्धम् असंभ्रान्तम् इदं वचः ॥
ब्रह्मक्षत्रम् इदं सृष्टम् एकयोनि स्वयंभुवा ॥
पृथग् बलविधानं च तल् लोकं परिरक्षति ॥
तपोमन्त्रबलं नित्यं ब्राह्मणेषु प्रतिष्ठितम् ॥
अस्त्रबाहुबलं नित्यं क्षत्रियेषु प्रतिष्ठितम् ॥
ताभ्यां संभूय कर्तव्यं प्रजानां परिपालनम् ॥
तथा च मां प्रवर्तन्तं गर्हयस्य् अलकाधिप ॥
ततो ऽब्रवीद् वैश्रवणो राजानं सपुरोहितम् ॥
नाहं राज्यम् अनिर्दिष्टं कस्मै चिद् विदधाम्य् उत ॥
नाच्छिन्दे चापि निर्दिष्टम् इति जानीहि पार्थिव ॥
प्रशाधि पृथिवीं वीर मद्दत्ताम् अखिलाम् इमाम् ॥
मुचुकुन्द उवाच
नाहं राज्यं भवद्दत्तं भोक्तुम् इच्छामि पार्थिव ॥
बाहुवीर्यार्जितं राज्यम् अश्नीयाम् इति कामये ॥
tato vaiśravaṇo rājā mucukundam adarśayat ||
vadhyamāneṣu sainyeṣu vacanaṃ cedam abravīt ||
tvatto hi balinaḥ pūrve rājānaḥ sapurohitāḥ ||
na caivaṃ samavartaṃs te yathā tvam iha vartase ||
te khalv api kṛtāstrāś ca balavantaś ca bhūmipāḥ ||
āgamya paryupāsante mām īśaṃ sukhaduḥkhayoḥ ||
yady asti bāhuvīryaṃ te tad darśayitum arhasi ||
kiṃ brāhmaṇabalena tvam atimātraṃ pravartase ||
mucukundas tataḥ kruddhaḥ pratyuvāca dhaneśvaram ||
nyāyapūrvam asaṃrabdham asaṃbhrāntam idaṃ vacaḥ ||
brahmakṣatram idaṃ sṛṣṭam ekayoni svayaṃbhuvā ||
pṛthag balavidhānaṃ ca tal lokaṃ parirakṣati ||
tapomantrabalaṃ nityaṃ brāhmaṇeṣu pratiṣṭhitam ||
astrabāhubalaṃ nityaṃ kṣatriyeṣu pratiṣṭhitam ||
tābhyāṃ saṃbhūya kartavyaṃ prajānāṃ paripālanam ||
tathā ca māṃ pravartantaṃ garhayasy alakādhipa ||
tato 'bravīd vaiśravaṇo rājānaṃ sapurohitam ||
nāhaṃ rājyam anirdiṣṭaṃ kasmai cid vidadhāmy uta ||
nācchinde cāpi nirdiṣṭam iti jānīhi pārthiva ||
praśādhi pṛthivīṃ vīra maddattām akhilām imām ||
mucukunda uvāca
nāhaṃ rājyaṃ bhavaddattaṃ bhoktum icchāmi pārthiva ||
bāhuvīryārjitaṃ rājyam aśnīyām iti kāmaye ||
Тогда царь Вайшравана явился Мучукунде, когда войска поражались, и сказал: «Прежние цари, более сильные, чем ты, вместе со своими пурохитами не поступали так, как ты поступаешь здесь. Они, владыки земли, владеющие оружием и сильные, приходя, почитают меня как владыку счастья и несчастья. Если у тебя есть сила рук, ты должен показать её; почему же ты чрезмерно действуешь силой брахмана?» Тогда разгневанный Мучукунда ответил владыке богатства справедливой, спокойной и несмущённой речью: «Брахманство и кшатрийство созданы Самосущим из одного лона, и отдельное установление их сил защищает мир. Сила тапаса и мантры всегда установлена в брахманах; сила оружия и рук всегда установлена в кшатриях. Защита подданных должна совершаться ими двумя вместе. И ты упрекаешь меня, действующего так, владыка Алаки?» Тогда Вайшравана сказал царю с пурохитой: «Я не даю никому царство, которое не назначено, и не отнимаю назначенное. Знай это, землевладыка. Правь всей этой землёй, герой: она дана мной». Мучукунда сказал: «Я не хочу пользоваться царством, данным тобой, царь. Я желаю пользоваться царством, добытым силой моих рук».
ce0c4663af0a · published Jun 20, 2026, 6:45:56 PM UTC
Available inRUPage between verses with
Мучукунда отказывается противопоставлять силу рук и силу брахмана. Его ответ важен: защита мира требует обеих сил, но царство должно быть принято не как подарок гордости, а как плод исполненной кшатрийской дхармы.