भीष्म उवाच
एवम् उक्त्वा गता तु श्रीस् ते च सर्वे युधिष्ठिर ॥
दुर्योधनस् तु पितरं भूय एवाब्रवीद् इदम् ॥
शीलस्य तत्त्वम् इच्छामि वेत्तुं कौरवनन्दन ॥
प्राप्यते च यथा शीलं तम् उपायं वदस्व मे ॥
धृतराष्ट्र उवाच
सोपायं पूर्वम् उद्दिष्टं प्रह्रादेन महात्मना ॥
संक्षेपतस् तु शीलस्य शृणु प्राप्तिं नराधिप ॥
अद्रोहः सर्वभूतेषु कर्मणा मनसा गिरा ॥
अनुग्रहश् च दानं च शीलम् एतत् प्रशस्यते ॥
यद् अन्येषां हितं न स्याद् आत्मनः कर्म पौरुषम् ॥
अपत्रपेत वा येन न तत् कुर्यात् कथं चन ॥
तत् तु कर्म तथा कुर्याद् येन श्लाघेत संसदि ॥
एतच् छीलं समासेन कथितं कुरुसत्तम ॥
यद्य् अप्य् अशीला नृपते प्राप्नुवन्ति क्व चिच् छ्रियम् ॥
न भुञ्जते चिरं तात समूलाश् च पतन्ति ते ॥
एतद् विदित्वा तत्त्वेन शीलवान् भव पुत्रक ॥
यदीच्छसि श्रियं तात सुविशिष्टां युधिष्ठिरात् ॥
भीष्म उवाच
एतत् कथितवान् पुत्रे धृतराष्ट्रो नराधिप ॥
एतत् कुरुष्व कौन्तेय ततः प्राप्स्यसि तत् फलम् ॥
bhīṣma uvāca
evam uktvā gatā tu śrīs te ca sarve yudhiṣṭhira ||
duryodhanas tu pitaraṃ bhūya evābravīd idam ||
śīlasya tattvam icchāmi vettuṃ kauravanandana ||
prāpyate ca yathā śīlaṃ tam upāyaṃ vadasva me ||
dhṛtarāṣṭra uvāca
sopāyaṃ pūrvam uddiṣṭaṃ prahrādena mahātmanā ||
saṃkṣepatas tu śīlasya śṛṇu prāptiṃ narādhipa ||
adrohaḥ sarvabhūteṣu karmaṇā manasā girā ||
anugrahaś ca dānaṃ ca śīlam etat praśasyate ||
yad anyeṣāṃ hitaṃ na syād ātmanaḥ karma pauruṣam ||
apatrapeta vā yena na tat kuryāt kathaṃ cana ||
tat tu karma tathā kuryād yena ślāgheta saṃsadi ||
etac chīlaṃ samāsena kathitaṃ kurusattama ||
yady apy aśīlā nṛpate prāpnuvanti kva cic chriyam ||
na bhuñjate ciraṃ tāta samūlāś ca patanti te ||
etad viditvā tattvena śīlavān bhava putraka ||
yadīcchasi śriyaṃ tāta suviśiṣṭāṃ yudhiṣṭhirāt ||
bhīṣma uvāca
etat kathitavān putre dhṛtarāṣṭro narādhipa ||
etat kuruṣva kaunteya tataḥ prāpsyasi tat phalam ||
Бхишма сказал: «Так сказав, Шри ушла, и вместе с ней ушли все остальные, Юдхиштхира. Дурьодхана снова обратился к отцу: “Радость Кауравов, я хочу узнать сущность śīla и способ, которым оно обретается. Скажи мне”. Дхритараштра ответил: “Этот способ прежде был указан великодушным Прахладой. Теперь, владыка людей, слушай кратко, как обретается śīla. Невраждебность ко всем существам делом, умом и речью, благосклонность и дарение — это восхваляется как śīla. Действие, собственное усилие, которое не было бы благом для других или из-за которого человек стыдился бы, нельзя совершать ни при каких обстоятельствах. Но надо делать такое действие, за которое тебя похвалили бы в собрании. Так, лучший из Куру, вкратце рассказано śīla. Даже если люди без śīla где-то достигают процветания, они не наслаждаются им долго, сын; они падают вместе с корнем. Узнав это по сути, стань обладателем śīla, сынок, если желаешь Шри, более превосходной, чем у Юдхиштхиры”. Бхишма заключил: “Так Дхритараштра рассказал это сыну, владыка людей. Исполняй это, Каунтея, и тогда получишь соответствующий плод”».
028730a41a5a · published Jun 20, 2026, 9:42:25 PM UTC
Available inRUPage between verses with
Итог даёт практическое определение śīla: не вредить существам делом, умом и речью, помогать, давать и не делать того, за что пришлось бы стыдиться. Такое śīla становится корнем дхармы, истины, силы и Шри.